|
|
發表於 1-12-2018 14:41:30
|
顯示全部樓層
本帖最後由 kofumanutd 於 1-12-2018 06:28 PM 編輯
真係黐鬼線 , 而家12吋區呢邊只係充斥住負面批評 , 唔怪之得點解啲真玩家話唔想再喺度出post。好同意有位師兄所講 , 唔該唔好再用啲冇版權嘅雜廠嘢嚟同肯出一大舊錢出嚟買版權去出玩具嘅公司比。嗰啲雜廠抄襲無版權嘢公司 , 完全唔需要同原創人負責 , 鍾意點出都得 , qc更加係可有可無無須負責 , 但啲價錢食水深到唔講以為佢畀咗版權錢。而家搞下搞下連啲商品介紹圖排版 , 諗都唔費事諗照copy其他公司個排版照出算。 呢啲咁簡單嘅嘢唔會係關公司資源是呀 , 完全係有冇誠意嘅問題。 唔係話雜廠嘢唔好 , 我都有玩不同品牌嘅1比6 , 有時啲原創角色週不時會出到好正添。但有幾多真係有誠意出嘅 , 真係心知肚明。唔明嘅上吓大陸或外國嘅forum睇下 , 邊啲品牌邊啲角色係最多人收藏同討論嘅 , 市場上嘅supply and demand係永遠唔會講大話嘅。就算當有一日市場主導唔興英雄或star War(SW已經興咗幾十年)嘅話 , 真係唔會覺得h記會仍然繼續出 , 而唔識轉當時市場最好賣嘅角色囉。其實h記識唔識做生意(尤其市場定位同方向) , 需唔需要其他人去提點 , 真係唔需要多講。 十幾年來喺td聽人鬧得最多嘅乜野花無百日紅呀 , 睇下你可以做到幾耐呀 , 頭幾年鬧人哋淨係出異形鐵血戰士跟住幾年又鬧人哋淨係出batman , 之後就閙iron Man跟住marvel到star War。做生意主攻最賣得既產品都好似有錯咁 , 再講請問有邊間1:6公司出既有版權野係多過H記撇除左Marvel同Disney所出既其他角色 , 請指教? 咁多年嚟都有唔少有誠意嘅公司嘗試出一啲特別或唔係大路嘅角色 , 但最後又有幾多人買呢 , 呢啲公司而家又去曬邊呢。 做生意嘅梗係面向國際 , 不停開拓新市場吸納新玩家先可以長久㗎啦。呢十年關於電影嘅玩具產業嘅盈利增長有幾大知唔知 , 最簡單睇下lego而家出得最好賣嘅角色係乜 , 或者有邊啲種類角色係會最多不同公司出就知啦。如果真係學某啲香港人咁講 , 條生產線唔應該出咁多受歡迎嘢 , 而出多啲另類嘢(即係佢哋小數人自己鍾意嘅嘢) , 唔可以乜嘢忘本呀 , 唔可以對佢哋乜乜乜。 如果H記真係咁做 , 就真係食得屎啦 , 仲會好似今日咁越做越大。 唔好意思 , 太多廢話有感而發。有陣時只係覺得點解我哋香港人永遠要將人哋嘅缺點放到無限大 , 但人哋有嘅優點就可以視而不見 , 當係老馮應該嘅。 |
|
發表於 30-11-2018 13:32:19
