HG 1/144 GM Sniper

nkr · 發表於 24-4-2018 19:18:36

本帖最後由 nkr 於 24-4-2018 07:18 PM 編輯

大家好，小弟終於完成今年第一件作品，今日拎上嚟俾大家恥笑一下。

GM Sniper, 因為對枝狙擊槍有愛(但係原來有成品賣), 再加上有陸戰味道，原本連舊模都想買，而家有新模就即刻二話不說 - 落訂。

素組加基本補色滲線 - 單調得過份既製品，真係對唔住PB特典既價錢 (而同又無色盒繪又無彩色說明書, 特典真係好搵笨)。

為咗有更重陸戰既味道，決定加迷彩，而呢個正係惡夢既開始...
我真係好好好好鍾意虎紋迷彩，但係坊間都只係見到數碼迷彩或者蜂巢迷彩既水貼賣。
冇，點算﹖
喺網上睇咗一輪迷彩既樣辦同教學之後，決定手繪迷彩，一筆一筆畫上去，YEAH (我當時真係好興奮囉)。

好，落手時間，搵個盾牌試一吓先。
先畫黑色，再畫深啡色，然後用淺啡色"菌邊"。
YEAH, 好靚!!
但係用咗3個鐘頭，好攰。

照辦煮碗，係本體上定黑色先，得閒再續 (又3個鐘...)。

之但係，喺森林入面既偽裝迷彩，係唔應該出現沙漠黃/啡色。
決定變招，改用淺綠色。
又開始"菌"邊既工作，頭、胸、背包又唔見咗3個鐘。
好似又幾好睇咁喎。

繼續，輪到雙手，又3個鐘。

睇到呢到，心水清既師兄們應該發覺已經用咗1X個鐘頭先上咗咁少部份，仲有咁多部份要上色，到底要攪到幾時呢﹖
頂唔順，諗吓點會容易D攪。
呢個問題都困擾咗我一排。
嗯，咁慢既原因係工序上先上黑色後再"菌"幼邊係一個超費心、超考手勢既難題，總之超難做，難到連筆都唔想拎起。
思考解決方案，次序改成先上粗淺綠色條紋後再上黑色條紋。
YEAH，咁即係要將原本上咗黑色既部份洗走晒佢, 之前D 時間原來係白花既 (!@#$%^&)。

繼續去圖。
呢一張相裏面會見到底褲位係洗乾淨咗再上色既時候 (睇真D，啲紋理係有唔同)。
大家亦到都見到對腳洗乾淨晒。
(註﹕用X20洗珐瑯油結果有D零件爆膠，FXXK!!)
新方法畫出嚟條紋比較粗，同上半身係見到有分別，不過算LA，好L攰，唔好咁挑剔 (又3個鐘)。

雙腳上色進行中 (1.5小時)