HG 1/144 Gunner Zaku Warrior (Luna's custom) 露娜的古

nkr

各位好，龜速的用了3個月時間終於唔爛尾完成的作品，再次同大家分享劣作。

小弟對配備有又長又大既火炮既機體有特別濃厚的興趣，所以今次就製作呢款MS，命名為 "打炮的露娜"。
雖然完成了作品，但係獲得既滿足感遠遠不及之前製作的G-UNIT 及金斯摩，奇怪呢...

草草幾張相表示番製作過程﹕

組合與無縫，未上色



留意小腿，無縫位發白而且特別淺色，要補色。
最近造無縫都遇到呢個問題，唔知有無師兄可以提點一下可以點改善呢﹖



上色遇到最大既困難係買唔到四肢嗰隻粉紅色。
喺唔想為咗統一色澤而要全隻油過既情況下，唯有自己溝色。
好彩用馬沙專用既深淺粉紅色溝到近似既粉紅色，呢個盾內側就係填番色上去。


當然發白既縫口位置都做埋個補色，係咪毫無違和感呢。


做埋滲線、亂咁痴水貼，好嘢完成咗9成。
剩底嗰1成等好天再噴消光。

最後幾張成品圖同各師兄分享﹕









^我覺得呢個角度影出嚟最有型^

歡迎各位師兄俾意見，下次有新作品再分享。

ygat2005

打炮的露娜 {:1_203:}
nice pink

ROGERHUIHK

簡單地滲線 和 加上 貼紙  作品即時生動了啊  讚啊