|
|
|
大家好,
早幾個月mezo公佈了幾隻在SDCC發售的figure, 除了現場買, 仲可以網上訂, 因此也借此機會訂了.
早前終於等到了出貨的通知, 同埋在這星期時收到.
開盒時都覺得成個設計得好用心, 好多細節都有考慮. 例如佢會跟一個"藥丸袋"比你裝起d parts 等等. 感覺有種"原來6吋figure可以咁樣出". 其實好多年前剛接觸hottoys時都有呢種感覺, 第一次玩HT都好驚訝好新奇, 當然依家來來去去都係白兵, ironman, 加上1:6佔用空間比較多, 近幾年都已經少玩, 可能一年一隻左右. 當然mezco (1:12 figure) 的定價都唔平, 所以我都唔會每一款都會買, 最多只會選擇自己真係好喜歡的角色/造型.
從箱子取出的成盒figure就係咁:
取走透明膠套
盒面可以打開, 令人可以在唔拆包裝之下睇到成隻figure
地台有BvS logo一個, 個人比較喜歡粒"的"在台的較中開位置, 因為如果按現時的位置裝上batman, 成隻figure好似會睇埋o左一二邊咁, 所以影相時都無點將figure同粒"的"扣好
figure我玩得幾開心, 又扭又擰都無事, 不過掛住玩都變成無點影相, 所以只簡單影了少少.
頭的眼可以發光, 雖然唔係咩特別技術不過我都覺得幾impressive~
其他位置近影, 可以見到figure係有布衫, 外面再裝上裝甲. 裝甲話係用金屬做(不過我又唔係好覺), 反而枝矛真係幾有手感(唔明點解HT唔跟埋) .
身型比較:
2款都是mezco:
mezco同mattel:
總結: 呢隻figure雖然唔算平, 成USD110, 不過在fans立場上我覺得都值得買. figure可動性不錯, 不過由於是布衫, 手同腳唔可以撐得太大, 另外玩玩下裝甲可能會"走位", 所以玩完要同佢"摸骨"整返好d位置 (唔係算命~) figure十分detail, 連枝槍都加了可動, 可以真係放d krypton煙霧彈入去(依樣HT果隻反而無) 少少唔滿意的地方係塊cape, 感覺太大塊同埋太厚了, 變相影響了成隻figure觀感 (直接d講就係唔夠瀟灑), 同埋唔明點解要將佢當成"動漫限定"figure來賣, 因為我相信呢款armored 版一定比其他版本(例如knightmare版)更受歡迎, 有咩理由多人喜歡反而限制人地買, 作為"玩家"我都希望玩具係可以容易入手, 玩具係以"設計"去吸引人, 而唔係"炒到幾錢". 因此呢一點我係唔喜歡的.
另外有睇過我d posts的朋友都知我好少會買過$300的6吋figure(所以好多日系的我都無買), 但無可否認mezco又會係令我願意花呢筆金錢. 不過講到尾都係自己喜歡又負擔得起就可以了~~
|
|
發表於 15-10-2016 15:51:57
樓主
