[食玩]動物戰隊改造實驗

紫月葵 · 發表於 10-8-2016 16:48:29

本帖最後由紫月葵於 10-8-2016 05:05 PM 編輯

動物戰隊食玩，其實造得唔差，只係外型上唔係太美觀，亦幾有改造改良既潛力
所以繼上次將d"磚"前後反轉既大合體造型之後，又未買到第四set既情況下，今次再嘗試做多幾個改造實驗，但由於只係實驗，材料就求奇搵到咩就用咩算，如果有興趣既可以自己買d靚d既材料去進行呢d改造 e.g. 銅支、現成既胶位

先睇番上次原版同改變左造型既改良版既分別
原本：

改良版：

---------------------------------------------------------------------------------------------------------
跟住今次既其他改造

1號鷹：
主要係系背部度加番支插條，同時需要將背部同肩膀後面部份膠料切除

呢個改造既目的係為左可以唔止得6號猩猩用到鷹果個機械人頭，鷹都一樣可以用到猩猩個機械人頭，互相交換玩

------------------------------------------------------------------------------------------------
3號獅子：
呢個係上一次已經做左既改良，使獅子於大合體果時都可以好似4號大象咁用上自身既腳踝關節而非9號犀牛既原生腳踝關節(參考番最上果兩張對比圖)

-----------------------------------------------------------------------------------------------
7號鱷魚：
第一項改良比較簡單，只係用改造其他部份期間剩落既碎膠痴上紅圈度，咁樣就可以檔住鱷魚頭頂，等佢唔會系方塊形態果時推得太入搞到左右唔對稱

第二項改造係原本變下身形態既時候，為左令對腳多d可動，要將個"7"字中間果部份拆出黎，但拆左之後又冇位收，所以用以前剩落既食玩殘件痴上去(紅圈)，等佢可以扣上腰側扮成係一支炮，不過就需要將藍圈果一part切走(亦即係上面用黎頂住鱷魚頭頂既果塊剩件)

---------------------------------------------------------------------------------
8號狼：
呢個改造做得比較求奇，其實原本想買多盒8號然後切佢個關節位黎裝上去，不過今次套戰隊既食玩好難買，唯有用以前剩落既嘗試代替一下

咁做既目的系當佢變成雙腿時，隻左腿唔會有好大堆野痴系個背面度

----------------------------------------------------------------------------
9號犀牛：
改造左3樣野
第一樣係塊"9"號牌，DX版係唔需要拆出黎既，但到左食玩版就要拆落黎再砌番上個patpat度，但最大既問題都係人形裝左之後，塊牌會嚴番影響個股關節既可動性，向後唔得，向得太前又會膠撞膠，所以用上lego件造左個變形關節比佢(again，如果有心改造既話可以買番d現成胶位會更好)

第二樣係對小腿既內側，之所以會想改呢一part既原因有二，一個係因為小腿空心得好唔靚，另一個係因為佢個腳踝關節其實扣得唔實，每當想擺pose既時候就有機會郁鬆左佢，所以不如索性搵塊野頂住佢等佢甩唔到出黎。又因用上lego(呢塊同上面果個唔同，上面係正版，呢塊係老翻)，所以當雙腿伸直變番拖頭既時候可以扣埋一齊