2016年12月 超合金魂 GX-71 百獸王 GOLION / VOLTRON (官圖P27)

worrow

啱啱再响youtube睇番, 其實就算响卡通四隻獅子係合體時根本都冇收埋腳跟住隱藏體內的片段(只係合體中途冇再畫).  
個人相信只是動畫人員為省時間先冇畫合體後的腳(況且當時對象又係不大理會detail的小孩)


睇吓金毛, 卡通係合體時獅子有收埋前腳喎, 睇吓隻合金魂....咪一樣咁多人買.

kongfupanda

動畫裏獅子的四肢爲什麽會消失，肯定是動畫師爲了減輕工作量而故意爲之，這是已經有公論的。稍微熟悉動畫制作過程的都知道，畫原稿的工作量是大得嚇人的。風雲動畫電影，一百多分鍾的長度，用了20萬張原稿紙，總共3噸重。剛開始動畫制作進度只能每月2分鍾，後來才提升到每月 10分鍾。

況且我覺得四肢外露也不錯，有更多的細節可以欣賞，電鍍閃閃令。如果加上掩蓋，只剩下紅黃藍綠四塊塑料板。

mj23

紫月葵 發表於 15-10-2016 10:11 PM
可能因為呢個樣係冇露獅子手腳吧

大武士變形時真係服咗佢咁都諗到。車尾雙腳合埋時入到細車，但又可以分開雙腳，雖然簡單但都覺得勁。唔知舊版係唔係已經都係用呢個方法

mj23

lydiamomo0903 發表於 15-10-2016 11:52 PM
卡通都簡易畫風....
全部畫滿..畫師要畫到中風...
我是覺得變到位,大概變形機構就會向第三方或是千值練 ...

有啲玩具變到好複雜, 成日搞到要睇說明書, 玩幾次就會長企,好少會再拎上手. 冇咗以前細個嗰種樂趣.

mj23

紫月葵 發表於 16-10-2016 12:02 AM
如果比千值做，可能佢地真係會咁樣做同做到(不過千值隻超獸之後我已徹底失望…)
其實我再之前個回覆都有 ...

千值本身定價唔平, 加上用料唔會好得過SOC, 再要做到收埋手腳, SOC呢個價位都肯定冇咩可能做到.

mj23

紫月葵 發表於 16-10-2016 01:39 AM
要話合理又得，要話唔合理又得，視乎果個時代既玩具技術去到邊個層次，老變MP亦係一個例子，以前最最還原 ...

設計師唔係可以主宰一齊, 用唔用邊啲料, 定價公司話事. 以我所知, 某公司都幾孤寒.

mj23

kongfupanda 發表於 16-10-2016 09:24 PM
動畫裏獅子的四肢爲什麽會消失，肯定是動畫師爲了減輕工作量而故意爲之，這是已經 ...

有舊同事以前曾在日本負責畫動畫部份(非原畫) , 佢講人工底薪好奀, 好似每個月要達到最少一個數量先有底薪, 之後越畫得多先可以再有多啲錢.  所以以前啲動畫有時都畫得幾求其.

早乙女Getter

eddiem249

abdner 發表於 17-10-2016 09:34 AM
我仍是看不懂手脚如何收纳。只是玩具做如此要求，真是突破现有技术的限制啊

係人都知7-80年代呢啲半透圖係啲雜誌亂畫既，居然有人仲用黎當設定.....

獅子咁細，收到手脚入去，啲手脚都做細晒啦，好似小兒麻痺咁，你買啦

早乙女Getter

abdner 發表於 17-10-2016 09:34 AM
我仍是看不懂手脚如何收纳。只是玩具做如此要求，真是突破现有技术的限制啊

只能講就算十年前技術都可做到，其實唔太難，難在有無心攪！

而且變時都簡單，當時無現在咁簡單啦！復雜既生產時，成本多少少，

其實睇到都不想再回，因見上幾個D推理都好怪，點解唔係因懶而畫少了收納部份，
同以前好多時都唔交代咁多細節變型，有時會用分鏡，爆光，漸變推返順！

不過我同意就算有手大家睇都慣了！ 完！

龍騎

kongfupanda 發表於 15-10-2016 08:22 PM
唉，這個面相依然失望。
各位師兄，我想問下點解akiba showroom又展出一次？之前已經展出過一次，好多人&# ...

我就咁用肉眼睇呢隻已經係生產辦 最後定案黎

龍騎

紫月葵 發表於 16-10-2016 01:39 AM
要話合理又得，要話唔合理又得，視乎果個時代既玩具技術去到邊個層次，老變MP亦係一個例子，以前最最還原 ...

呢句真, 真係好多人犯著呢個錯誤, 唔明點解好似真係無計算過勁易玩爆呢個問題

eleyeley

先唔好理係咪因偷工而冇左四肢，重點係呢個冇四肢既樣真係出過仲成日出，點解就唔可以有人追求呢個外觀呢？同埋樓下都有會員放左一d設定集出黎，唔好理內部既機械結構，因為呢個唔關玩具層面o既事，但外觀上真係冇d四肢呢，有人搬設定出黎講話設定係有外露o既，咁人地咪又搵一d冇外露o既設定圖出黎分享啦，有圖可睇啦，樓下仲居然有人又要話呢d係唔可以當設定，既然咁講，唔比有外露手腳o既設定都係人地細心d亂畫嗎？

有人覺得冇可能收得埋，但我又想問佢地係憑乜野理據得出一定收唔埋呢個結論先？當然有以現今o既技術真係未處理到既野，但今次收埋四隻獅子仔本身已經唔算粗既四肢睇唔出有難到真係唔可能做到，學樓上話齋，三一萬能俠當初都被視為不可能，但半眼同freeing就做到比你睇，甚至幾年前都已經有人希望合金魂可以出到隻可變形三一，唔通又要鬧佢地呀？唔好講遠啦，合金魂自己好賣得o既六神合體都已經推翻左呢個舊卡通亂畫亂設定所以係冇可能實現o既固步自封o既諗法啦

紫月葵

龍騎 發表於 17-10-2016 10:37 AM
呢句真, 真係好多人犯著呢個錯誤, 唔明點解好似真係無計算過勁易玩爆呢個問題

係，好似我玩變形金剛官方同第三方為例，官方用既膠料普遍視覺上cheap d，第三方則高檔d，但結果卻係第三方爛既機率遠遠高於官方
其中一個原因就係唔少呢d第三方設計師只係以為用上夠硬夠靚既材料就一定會係好野，當然的確唔少一般玩家都唔了解選材既重要性，所以往往以視覺去判定件玩具係好野定唔好野，而呢點上只以視覺上為重點出發既第三方自然比人大讚，但真正了解玩具同持平d玩評人就清楚明白個事實係點(順帶一提，比較出名既Mr.Exxxxx，佢既玩評比我既感覺係有偏重某d廠商既)
其實好多玩具上我地都見過，明明要用軟身少少既膠料既地方用左硬身膠、明明冇必要用金屬既地方夾硬加金屬件、重身既玩具既主力關節居然用ball joint、唔系正確既位置上螺絲搞到d邊吸唔實等等，呢d都係只識自我感覺良好既設計師常犯既錯誤，但最大既問題其實都係盲撐既玩家，明明有缺點都幫佢地撐，d設計師自然唔識改進