玩具賣家其實都唔係好野...

luciferdark

隔離POST剩係怒插買家, 係無錯講事實, 但事實好多鋪家賣家都極賤。
雖然我自己都算係賣家, 但以下幾樣真係唔抵幫!

1.) 借尐兒側側膊賣老翻
剛剛係FACEBOOK見到ge, 有個位人兄放一堆模型, 寫HG, 無寫BANDAI。
交收個位玩家因為趕時間+信任人, 無當場CHECK件, 返到去發現, 原來係國貨...
咁佢係番個谷度開POST叫人小心啦, 又人話佢無CHECK件戇X, 同埋HG唔代表一定係正版BANDAI貨喎...
我今日先知原來寫HG都可以係賣老翻...

2.) 借尐兒側側膊賣舊野
情況同上面類似, 總之就係二手當全新, 或者有暗病中奬又唔講, 搏人唔CHECK...
大佬啊, 無人估到受已發展國家ge道德教育, 都仲要預咁樣俾人陰掛?
我自己賣舊野二手野, 有咩SAD位有咩缺件肯定講清楚, 雙方出來都要時間同各樣成本, 無謂玩人玩自己吧。
仲有講幾成新問題...我真係成日見有人賣野, 明明個盒爛晒殘晒, 都可以話盒八成新, 玩到關節鬆晒, 又係九成新...
最勁最多人有爭議ge: 全新開盒CHECK件...大佬, CHECK過件都仲全新, 你寫明二手只CHECK件無玩過, 係咪少尐爭議?

3.)  無貨, 但又用低價引你去佢鋪頭, 目的係要你落訂/買其他野。收你訂金去周轉, 貨其實又無, 等你忍無可忍先再去鬧大先俾番訂你
呢個唔係講邊個啦掛, 某地鋪商場名人了。自己親身經驗就係咁GA論壇個賣自己做GK版主, 一隻GK拖足4年, 頭2年都仲拋班客話唔等得退訂, 得佢執得靚,
諗住版主衰極有限, 點知拖足4年, 哈哈哈。

4.) YAHOO做預訂, 明明當時標明仲係XXX HKD, 問答度一問佢, 佢即加幾十先覆你要貴尐
嗱, 我明合約精神, 我一日未落訂, 你都可以改價, 但次次鑊鑊都咁做, 你當其他人唔識AMIAMI同淘寶?
老實講淘寶買PVC FIGURE真係超好價, 因為競爭極大。合金類ge, 除左老千焗住要佢個保養, 其他都可以日本網直接自己搞, 運費貴?
FACEBOOK上面好多興趣谷, E.g. Metal Build, Macross, 真係一班人熟的話, 夾埋落單, 除開個運費, 有幾貴?

5.) 訂左無貨比, 或者拖後, 再過份尐加價先俾你
現X點尋仇寶唔洗講啦? 不過問心講買現貨佢OK ge, 訂就唔好啦...
淘寶訂野一樣, 一班無品賣家開極低價吸訂周轉, 到時無貨, 好尐就要你加錢買, 最賤係收夠訂走佬。

6.) 最後呢點針對開鋪ge, 老細唔係鋪頭, 都麻煩教下班細啦, 店員各種行為好難頂
賊船, 奇趣, 呢尐大家都感同身受, 去買野好似阻住佢地咁。
不過都唔夠重良鋪, 去佢地總店睇, 睇完出緊正門, 可以無端端有個汽水罐係我身邊飛過, 再飛出馬路, 反射反應當然向後望,
係佢地尐偉大員工扔ge, 真係好家教好品德...
奇趣某分店, 我張廿蚊殘少少, 就附贈吱吱聲。
係啊, 你得失我一個客無所謂, 但我唔買, 亦都唔洗死。

開呢個POST, 都係想平衡下, 其實HOBBY玩具界, 買賣雙方都好有問題...

炒價仙人

直情係人o既問題啦
依家o的人變晒質嫁喇

gunbaron

當然尼個世界買同賣雙方都有麻煩人,
小第也試過係阿Fu 幫個買家bid左隻game 大約2百,佢拍賣寫左

油麻地站(主要交收地點)、
深水埗站、太子站
觀塘站、牛頭角站、九龍灣站
金鍾站
大埔站、太和站

甘小弟居住同工作都港島區,當然揀放工金鍾站,交收完回家吃飯岩岩好,我亦係bid前再問一次再問先否我金鍾交收,佢話OK之後我就
即決左,之後我約佢收工7:00金鍾交收,條友居然話要$300以下只能油麻地交收,我話之前問左先bid,叫佢睇番記録,佢只一味話無人手過海,
我同佢講你比拍賣場其他人賣貴廿幾三十蚊,我幫你買就係見你可金鍾交收,先凌願比多小小費事過海慳番D時間,如果吾係我bid其他人啦,最後我只好掛號郵寄交收,
頭答尾郵費+差價 差不多比多$5/60蚊,仲要一肚氣

mf_c2000

我都有遇過, 買隻超合金GFG, 已經拎出黎睇, 佢又冇出聲.
見手腳冇問題. 就收左.
返到屋企玩時, 一扭隻手即刻斷左, 原來係用膠水黐住,
即刻O晒咀.,唉

jr200

買新貨二手洗咩上yahoo, 真係去amiami同淘寶好過, 個價一定比yahoo靚

roundbun

乜樓主覺得香港有公民教育及道德教育嘅咩？

政府落重本搞（賊）國民教育就會:cool:

野比大雄

好多points最近都仲遇到:die:

1.越黎越多街舖翻版當正版賣。加上翻版包裝原來越好，一個唔小心都幾易中招。上網買野，都試過唔少買到假野，如果無標明正版，自己買果時都會有d戒心，唔小心買到假通常都當自己黑仔算。但早幾個月，遇到個賣家寫明正品，收到件貨果時發覺係假野真係幾嬲，用左拍賣網咁多年，第一次忍唔住向拍賣網投訴，本來都係諗想個賣家移除正版一類誤導賣家既字眼，但結果竟然直接block左賣家個account，真係有d意外

2.自問唔係驗屍官，買野通常比完錢就即走，返到去亦試過唔少次發覺買到2手野，買到2手野通常一定會有瑕疵，display過有灰塵、原廠上色問題其實我都可以接受，最慘既情況爛件缺件，同賣家反映，通常都係話你買果時唔check清楚，有d甚至賴你整爛屈返佢，所以口同鼻拗都無意思，只能又係當自己唔好彩。

3.試過訂完野過左好耐都未有貨拎，打去問先知原來已經一早出左，過左咁耐已經無晒貨。問店員點解唔通知我，得到回覆係店員好忙有時候可能真係會唔記得通知賣家，更反問我點解當時到貨唔打去詢問。訂得野就係怕出貨時miss左無留意買唔到，宜家將個責任推返比我，都無乜好講。最近又有單野，比全數訂左貨等左成年連消息都未有，又係唔知想點，無貨不如直接退比我算啦

4、5.貨到加錢先有貨，以前成日遇到。後來在這見到話某間信譽好，就開始改在這間舖訂野。已經無再遇到收貨加錢既問題。係最近試下直接係佢地fb訂，訂完過左幾日，見留言有人問點解訂價貴左，先發覺落訂果時收既價錢同fb標價唔一樣......雖然後來fb update左話因為來貨價貴左。但我訂果時fb上既訊息明明仲係舊價，收訂原來係收另一個價錢 (我認比錢時我無睇清楚係我問題，但又真係無諗過幫襯左咁耐會有收價同標價唔同既情況)，一句講晒，加價唔係問題，但起碼唔該講聲囉。如果唔係其他人出聲，我都無留意原來根本唔係比資料上標價去訂野


總結黎講買賣時提供既資訊真係好重要，我上面所遇到既，撇除有心欺詐的買家賣家，好多情況唔係有故意攪到大家唔開心，我覺得如果明買明賣有咩問題都先講清楚，其實已經可以減少好多買賣時不必要既爭拗。

谷口nozomi

Y拍好多賣家會講係廠版，唔會認老番:angry:

luciferdark

我用我把尺去度人, 因為我係80後廢青, 個時班中小學老師都仲係會教人。
好多時候將心比己可以解決, 或者再好尐, 避免好多問題。
你做唔到個個位, 個個日子交收, 就唔好寫, 大家睇你ge描述做事, 你話你做唔到, 邊個錯?

日本人係痴線的, 未開過封都可以寫做中古美品, 什至精神病到係YAHOO拍賣寫明自己有無食煙, 有無寵物。
我唔要求咁過份, 剩係兩樣, 新舊同真假, 好多鋪都做唔到, 大佬啊, 就算我夠功力修理, 但咁樣賺錢, 你可以安樂? (如樓上網友講, 可能我地好彩, 學校有老師教點做人)
樓上同好話YAHOO BLOCK ACCOUNT, 真係好事, 多多支持。
街鋪訂野就大鋪啦, 細鋪除非你同老細真係好熟都得ge。

拖到貨同故意唔俾貨真係極極CHEAP, 國寶成哥俾人CUT單會去日本BID番來填數, 呢點絕對係做得好過龍,
真係, 我指真係CUT單的話, 你預早同客講無貨再立即退訂, 好難? 無流動資金點做生意?
HOLD貨等炒, 到貨加價, 祝你早日發達。

KingwaiKing

奇趣D員工以前都幾好 自從呢幾年多左d後生仔女就...

KingwaiKing

Sogo同玩狗城既情況跟奇趣類似..

龍星丸

如果講ami易手品描述，係因為作為零售商，對商品說明係有責任。
貨品如果擁有權已轉讓，已經不是新品。來貨如果由其他個人提供，現賣方係冇實際能力確實知道貨品來歷同condition的。
我自己在ami買易手品，有A rank我已經係reasonably satisfied係未開封品。
類似的商品說明法例，應該各個發展成熟社會都有。而買賣各方一般都好文明。

takeshi

luciferdark 發表於 18-6-2016 07:34 PM
我用我把尺去度人, 因為我係80後廢青, 個時班中小學老師都仲係會教人。
好多時候將心比己可以解決, 或者再 ...

除左說明過份詳細，我以前試過有D賣家(私人not shop)會係件貨入便有手寫Thank you 紙、亦試過有D另有小禮物入埋落去送比我....

以前日本手辦shop，只要你填左張缺件紙寄返去，佢問都吾問就會自動補返件比你，就係講過信字...但D香港老翻shop就cheap爆呃人...冇缺件寄返去補...

jr200

龍星丸 發表於 19-6-2016 05:36 PM
如果講ami易手品描述，係因為作為零售商，對商品說明係有責任。
貨品如果擁有權已轉讓，已經不是新品。來 ...

都有分A+, A, A-
A+有外盒, 好似魂限A  一般未開盒
A- 可能外盒已開或盒殘

lhfsamuel

試過FB GROUP 收玩具
賣家係中學生
自稱隻野全新未開
約左出黎, 盒野兩邊膠紙開曬
個外盒爆開, 都重話係全新
再打開隻野, 全新品用黎防止色移的膠全部無曬
而且頭有勁多灰塵, 明顯DISPLAY 過
果下真係即場爆佢, 唔CHECK 咪比你當水魚
之後佢見到我識分新舊, 先死死地氣講隻野開過黎玩,有DISPLAY
其實全新賺多二手幾百元, 果幾百唔係比唔起,
但幾百元就買到你人格, 依樣真係好大鑊