Avengers: AOU 1/6th scale Hulkbuster Collectible Figure

dls06519

2littlemoney 發表於 4-6-2017 05:08 PM
呢隻野到呢個 moment HT 真係蝕住做，賣一隻蝕一隻，好慘架，大家唔好迫得佢咁緊要啦，畢竟係香港人自己公 ...

即係話如果你老細拖你2年幾糧你都覺得係冇問題???
都係香港人自己公司姐,下話!?

Kolzz

Just went to Hottoys to pick up Mk 46 yesterday, staff said MK 44 will most likely be issued in Q3 (later half).

2littlemoney

Kolzz 發表於 5-6-2017 03:59 PM
Just went to Hottoys to pick up Mk 46 yesterday, staff said MK 44 will most likely be issued in Q3 ( ...

咁是不是又 delay 左?！

jeffloh

我本身無訂(因為HB太大份了) 其實我都明白有時delay係無可奈何, 我信HT真心想出好d. 講真人工只會越來越高, 遲出生產成本只會更高. (你睇2年前國內工廠人工同依家比一比就知) . 但問心如果我自己有訂, 我真係接受唔到2年來無更新個貨期. (見好多人都係要去問店員佢地才講). 我之前都有講過HT既然有用FB, 其實可以定期update下進度 (可能3~6個月一次) 如果真係delay等人知都好, 好過叫人無了期咁等. 始終要退訂的人早就退晒, 無退的人多是真心想要吧. 如果連這批"die hard fans"都由得佢地無了期地等吧. 因為如果只係單單叫人"唔等得咪退訂"始終不是負責的做法.

ps: 都係果句, 其實唔係話迫佢立即出貨, 但主動update客戶可減少好多不必要的誤會.

2littlemoney

人工貴左，料錢又貴左，又花錢大改設計，又小人訂，又多人退訂，候活好大鑊！長痛不如短痛，應馬上為 hulkbuster 止蝕，每人送三百蚊 coupon 算了！

交叉人

我都係咁話，第一步唔咁做已經失先機。
夾硬做，到時或會有大批平貨。生產有最低量，無理由幫你攪咁少，計價果時都要預返咁上下數喇，無人要就去晒傳統散貨場吧，仲唔平？89車係咪都係咁而半價出售呢？夾硬做又死，唔做又鬧爆，俾贈卷都係自己食返者，順手迫人繼續買你貨，咁都唔肯，難怪成日俾人話有恃無恐喇...

elliottlai

2littlemoney 發表於 4-6-2017 05:08 PM
呢隻野到呢個 moment HT 真係蝕住做，賣一隻蝕一隻，好慘架，大家唔好迫得佢咁緊要啦，畢竟係香港人自己公 ...

呢位師兄，其實你幫hottoys 無人會怪你，但你用呢個講法真係有d錯到離哂大譜，你講到而家係d買家無理要求佢提前出，仲要迫佢蝕錢都要出咁，第一，價係ht自己定既，唔係客戶要佢訂咁既價格，如果真係賣一隻蝕一隻的話，咁佢地自己真係要好好檢討下，第二我唔知你係用乜既理據証明竹得到佢定5千幾蚊一隻係蝕住賣.如果你有呢方面既資訊，真係十分希望你拎出黎同大分享一下.而唔係用自己估出黎或自己認為係咁就順口講出黎，第三而家唔係話要迫ht.而係即使要人等.係咪都應該有d合理既理由同大眾聲明一下，同埋預算個貨期係幾時，而唔係無了期咁要人去等，令人有一種你等得咪得唔等得咪退錢比你囉咁樣，我唔係反ht人士.但好彩你唔係ht既公關.如果係的話.就憑你呢個講法.肯定會發生一場公關災難都似.....

elliottlai

2littlemoney師兄，希望你唔好見怪我如此反駁閣下，但以事論事，無論係咩理由都好，都唔應該好似而家咁，無了期又無任何公佈咁要顧客去等，當然，有人大可以話，你唔等得咪唔好等囉咁.又唔係唔退錢比你，但唔代表你肯退錢就大條道理架嘛，客戶好簡單，就係比錢訂左貨物，就要求貨品如期發貨，就係咁簡單.要搞清楚到底到今時今日都出唔到貨既原因係乜?就算佢地有難處，作都要作一個理由出黎向顧客交代...並唔能夠一句佢蝕賣，或大家都係香港人公司就可以當無野的..收左錢就係生意..生意就係買賣..唔係講人情....對於閣下既講法我實在不敢恭維.因此講多左幾句...如有冒犯.多多包涵

Chanchapman

你地講咁多做乜啫，一日最衰都係你地啲顧客，唔訂多啲，搞到人地唔夠訂單落order ,仲好怪人

曲所以要講明

akiaki

elliottlai 發表於 5-6-2017 07:56 PM
呢位師兄，其實你幫hottoys 無人會怪你，但你用呢個講法真係有d錯到離哂大譜，你講到而家係d買家無理要求 ...

萬分認同。
家下五千蚊隻又係佢開。少人訂都唔怪得人啦。
再加上訂得果d人包括我在內，都無認為佢會改合體都訂啦，
到之後又改合體至無限期延遲，咁樣先攪退訂啫。
其實正正常常照舊咁出我非常滿意架。反而上色方面花時間做到有版八成就好。

toys991

道理等同，係10年前，HT賣樓花，100萬一間屋，而家10年後樓價升到4-500萬都未起好棟樓，你居然話HT好慘架，賣100萬蝕本啦，甘你又吾諗下10年前用100萬買樓果D客慘吾慘？錢又比左，無屋住，白等10年都仲係地盤爛地一塊

仲有，你睇返第一頁，D人回覆都話5000蚊痴線，太貴 ，2年前個價已經係好好賺，有好多C兄係fullpay 比全數，吾full pay ,訂金都 2k ,
每個客幾K ，侯活 拿哩批$去炒樓，滾2年都賺幾千萬了

wniwni

我都係受害者！！這隻HB 是我老婆送給我的生日禮物(已付全數)! 兩年了！！到依家都未有得攞！

wing1123

ht收我5千蚊買隻膠野點樣蝕住做？佢賺到笑就有份……大家唔好成日覺得隻hb好多人退訂ht就會蝕本人地仲有海外同鬼佬市場架…

wing1123

老實講ht咁遲先派貨全因為ht要等ka出咗佢地隻hb大貨ht先可以抄人地ka既內部設計全隻入…我無屈ht架事實ka出咗貨一兩個禮拜ht佢先走黎話改全隻入加合金關節…一句講晒ht遲出貨歸究於面子問題…人地做到全隻入ht做唔到好菸架

mushroom

wing1123 發表於 6-6-2017 11:11 AM
老實講ht咁遲先派貨全因為ht要等ka出咗佢地隻hb大貨ht先可以抄人地ka既內部設計全隻入…我無屈ht架事實ka出 ...

HT要抄技術就未必， ht要睇KA合體後的技術問題就真，同埋睇市場反應，若果反應一面倒唔支持合體犧牲高可動，或者大部人都覺得合體無意思，小朋友玩意。

咁ht咪話自己不用合體，不影響可動，繼續收訂同生產。