就地取材! Jada Toys BvS Batmobile 自加車頭燈~

kevchan1103

Jada出既呢隻BvS Batmobile因為平靚正，加上貨源一度充裕，有興趣既ching相信都已經入左手。但相信大家都知道，唯一垢病就係無左兩盞車頭燈。


我自己本來買番來都諗住舊化下就算，以下係輕微舊化後，加燈前一攝：














但發覺睇落車頭位置真係比較空洞，加上靈機一觸可以試用簡單的材料加燈，於是就決定一試。我出呢個post前，上星期先見到呢度有神人幫丁咁細粒既蟻俠加燈，所以真係自覺小巫見大巫。所以事先聲明，我既方法一定唔係最專業最美觀的做法，其實仲頗粗糙，只係以我有限的材料同技術勉強做出來：

我做燈罩的材料其實只需塑膠standoff兩個 (中間孔大概3mm)，同綿花棒一支。standoff一般用作抬高螺絲，本人工作關係，公司有，但唔知中文叫咩，但應該一般五金舖買到，但其實可以就地取材的物料有好多，例如lego，鉛心筆後面的擦膠蓋，etc. 最緊要有創意


真正加燈就要用正式材料 - 3mm白光led，幼電線，電池盒(本人用CR1220，但其實只要係3v就ok)，開關


首先在standoff開個2.5mm的孔 (因綿花棒管大概2.5mm)


led燈剪短腳，焊上電線


剪一小部份綿花棒的棒，近棒的末端開孔，將led插入standoff，電線入綿花棒再從末端走出來，綿花棒插回入standoff。其實最理想當然係電線可以係standoff入面直接入綿花棒，所以其實理論上應該可以用高達個d 1 x 2mm超細燈，我用3mm只係因為本身有，同埋都有d擔心細led唔夠光


綿棒修短至合適長度


本來諗主就咁就算，但發覺可能燈膽範圍都係太大，對比實物照，都係決定加多個圈，我用一粒膠螺絲，剪走腳淨係要個頭，再係中間鑽個2mm孔，再黐上去




上色


直到呢一步我先發覺，其實應該一早將standoff 內外都先上一層色或黑色，因為件係白色，所以著燈後透光嚴重，要上好幾層油先遮到，仲要著住燈逐點去補，好煩。所以如果大家有意參考，最好事前做好遮光工作先

車殼開孔


安裝


跟住就係接駁，駁燈示範圖，基本上咁駁，兩盞駁法亦一樣，將兩盞的+/-接成一條，再駁去同一位置就ok




走線


開關位，我懶，只係用blue tac黐住，但既方便又快捷


舊化


我順便油埋車窗個幾條框，基本上完成






劇照對比









對比未改之前






謝謝觀看~ :64:

numan123

Nice{:1_377:}............................................................................

mfleo2010

效果不錯，多謝分享。:shiny:

toysfun

強。  如果改埋前輪可以左右轉就好了 :shiny:

yy23455699

好勁!! 加燈真係好玩好多{:1_377:}

justice_wing

wow 升值100X
ching good job!

wilson3a10

真係好正bor////////////

Spartan113

畫龍點睛，相當醒神……正