今次極有可能係ROBOT魂 Ka signature條LINE最後一次出《閃光哈撒維》噶相關產品:67:
剩低噶Gustav同Messer實在冷門到我連諗都唔敢諗...
2013年的普通版Ξ高達已經有好多地方都出過玩具報告,相信大家都有睇過或者略有了解
今次呢隻導彈艙裝備追加MP版就不再詳細介紹玩具結構同可動..
所以本PO重點就放在新舊版噶對比上.冇乜方法比睇對比圖更加簡單直觀啦
首先係兩個版本的包裝盒
(上面新版,下面舊版)
從運輸盒可見兩個版本噶外盒體積完全一樣,冇任何分別
再對比彩盒,舊版封繪顏色稍深色
內部包裝同樣采用雙層格局
新舊版噶上層分布幾乎完全一樣
而最明顯的分別在於:新版用佐笨大以往在超合金玩具先會用到的發泡膠內包
新版多出來的配件全部在第二層入面
可以睇到多出噶配件有導彈艙、透明支架同埋支架夾等零件
空間利用率好高,GSC同千記應該學下嘢...
本體的對比(左邊舊版,右邊新版)
因為舊版當時仲係用緊ABS塑膠成型色+局部塗裝處理,所以同full paint處理噶新版放埋壹齊就凸顯質感好"膠"
而新版隻主色用佐偏冷的白色,所以對比之下兩者分別比較明顯
另外因為舊版噶marking用噶係水貼,而新版就同之前隻MARKING PLUS版PENELOPE仲有以前啲FIX一樣用轉印技術處理,所以marking的色澤同清晰度都比水貼高
從背脊可以見到成個背包都按照2000年森木版的設定改成藍色
而全身上下的推進噴口亦都由原先噶黃色改成森木版的紅色or灰色
所以之前有朋友問我:"你覺得舊版仲有冇購入同收藏價值?"
我個人覺得,畢竟兩個版連配色都唔一樣,所以舊版始終都係有佢無法取替噶嘢;有冇收藏價值就見仁見智...
然後就係第一處新規零件(不計支架零件),亦係大家都好關心噶面相問題
眾所周知,舊版Ξ高達因為面部造型引發過唔少爭議.所以笨大亦明白呢個道理,於是新版就重新做了一個頭...
冇錯,唔單止塊面,今次成個頭部所有零件都係完全新規!
無論面部、頭盔、定係天線...都係完全重做
專用BR&盾的對比(左舊右新)
新版BR隻灰色同隻白色一樣偏冷,顏色比舊版深少少.
總體來講分別並不大
舊版底座
依然行翻GFF風格
新版底座
圖案印刷亦對應翻MP版的PENELOPE
舊版的後裙甲
新版的後裙甲
第二處新規零件.揭開個蓋之後可以睇到一個T型插口
導彈艙就係第三處亦都係最大份的新規零件
裝上"第三隻腳"之後企得非常之穩陣.......連地震都唔驚...:!
導彈艙的體積一啲都唔細,塗裝亦十分工整(雖然祗有一處可動關節...)
T字型接合部分亦別有用心的使用了POM材質
引用自今年的HJ3月號入面刊登的森木靖泰原話:
"在為MS配備附加武器時,一般來說多半都會設置在背包或腿上,不過其主體在線條上已經超乎MS的傳統造型範疇,顯然我無法這麽做.既然如此,我就試著將這部分改為設計成尾巴或第三條腿之類的模樣"
Ξ高達的導彈艙裝備係森木於2000年為遊戲<SD高達G世紀F>給RX-104、105兩機做二次設定時追加
雖然當年在遊戲內並沒有流用這個設定(同奧德修斯高達一樣).但身為FANS都係好感激能以如此之高的完成度立體化
最後,務必又要將佢大佬PENELOPE擺埋出來合照一番方算圓滿.....:$
寫在最後:
前面冇提到噶一啲關於關節上噶改進...
買過舊版的CHING應該都知道Ξ仲有個"部分關節松"的暗病
最普遍常見噶就係腳踝和腰關節松
不過今次的新版都冇發現呢啲問題...可見笨大都算係幾有誠意啦
-完- |