網民熱話：樓價跌5%就叫「人踩人」？ 09月01日(二) 20:16

stockholder

【on.cc東網專訊】近排股市日日玩驚嚇，經濟環境又愈嚟愈差，唔少人都定睛昅實個樓市，睇佢幾時跌落嚟，有得趁機執平貨。事實上，呢排多咗減價放盤嘅報道，久唔久又跌三五七個巴仙，難怪網民會心郁郁！有自稱係「神仙」嘅網民，更在討論區預言，細價樓樓市將會「人踩人」，踩低樓價5%，叫大家「都係小心為上」咁話喎！

吓？講緊5%咋？嚇得小記吖，以為真係可以問晒親戚朋友借錢等入市添。有買過樓嘅網民亦都立即反擊話：「買賣一次，雜費都唔止5%啦！」你又識計數喎！「假象嚟啫，嚇我唔到嘅！」

網民再窒多句「5%已經叫人踩人？升10%樓價叫咩？爆升？」又啱喎，跌5%就人踩人，跌10%不就是世界末日？見發帖者的留言，都只能講句：「少年，你太年輕了。」

不過，有網民就認為「人踩人」呢個term確有好多詮釋，有慘做多年租客嘅網民，就好慨嘆咁話：「有錢人永遠踩住窮人；業主就永遠踩住租仔」有網民則話「樓價我唔知，面積細到人踩人就可能會！」香港地少人多，住到咁就真係夠晒恐怖。有睇好後市嘅網民就話「啲人一定人踩人咁搶住買樓」，你說真的嗎？

講現實，樓價跌5%的確實算多，你睇吓之前都升咗成幾十個巴仙啦！難怪有網民笑呢啲只係「小恩小惠」，又算得係啲咩？不如大家靜心等待九月，睇睇跌勢會唔會持續仲好啦！

ba_ba

totally agreed !