孤仔訂價改動尾數一問

42355

大家好, 有關"精分似進取咗？減價戰？"
http://toysdaily.com/discuz/forum.php?mod=viewthread&tid=235910&extra=page%3D2&page=1
呢個POST既討論, 入邊講到孤仔訂價改動果個問題
因為我睇左好耐都唔太明白 唔知有無人可以解釋一下比我聽?
例如我訂鋼加SHF既 但過幾日見到佢個訂價降左 咁我到時係應該比原先個尾數定係平左既尾數?
如果尾數可以跟番佢平左既訂價, 係咪取貨果時同佢單聲就可以?
因為我見個POST入邊話唔改單都有得減番 希望您地可以解答我個問題 THANKS :)
至於原來個post似乎爭執都幾多 而且都發左一段時間
我諗住唔推舊post唔係果到回覆了

白少一

截至現在，在下喺咁多間店舖訂玩具，有一間，值得一提：攞貨時出面賣得貴嘅，佢會同我講“來貨價高咗，所以要比返多啲錢平返個差價呀！” 如果攞貨時，件貨插水，佢地又會收返你訂貨嗰陣時個價個喎！邊間嘢咁識做生意？！“乳罩船”是也{:1_226:}

白少一

在下訂卡辛時標價是$485的，後來佢哋降價至$455，於是在下比返張單佢哋改，佢哋話唔駛改了，到貨後會照平返比我，，，，，，哈。咁唯有等著瞧吧！

月光．Laputa!

我有次去拎貨時，聽倒佢地D擬似大老同D細嘅慎重地講話D yen平左，人地拎貨時記得要平翻俾D客，所以我相信佢地公司角度真係想平翻俾人。

現實上…心比心…小店員角度…我打份幾千蚊工，有返工已經算係咁，大老同我講D野我幾上心真係好睇個人，分分鐘喱頭講完去個廁所冇左件事

alanlegend

我係灣仔果邊拎咁多次佢都係自動波收平個價俾我的......中間唔駛改單

小堅

月光．Laputa! 發表於 27-3-2015 08:53 AM
我有次去拎貨時，聽倒佢地D擬似大老同D細

如果佢地個人工係幾千蚊就係咁講...
不過佢地人工隨時高過D寫字樓打工仔...

yugi

小堅 發表於 27-3-2015 09:33 AM
如果佢地個人工係幾千蚊就係咁講...
不過佢地人工隨時高過D寫字樓打工仔...

上次偷聽到mk果班最少起碼萬2, 不過要計翻佢地工時長過寫字樓

42355

原來係咁 多謝咁多位解答!
因為訂貴左有得平番真係史無前例 所以諗住問下 唔該晒!

小堅

yugi 發表於 27-3-2015 10:49 AM
上次偷聽到mk果班最少起碼萬2, 不過要計翻佢地工時長過寫字樓

佢地底薪再加佣金...
所以應該唔止...
見佢貼紙請人都5位數字...

艾雷

嘛∼呢個月隻skl攞貨時，佢地都主動講個價平咗，有得減番∼∼
但係隻史達........佢地自己個賣價都好甘&#21523;，所以冇得平....>.<
不過平心而論，賣價平&#21655;有得減，貴&#21655;唔會加∼∼有得幾多間做到？∼^^‘’

小堅

艾雷 發表於 27-3-2015 11:24 AM
嘛∼呢個月隻skl&#25886;貨時，佢地都主動講個價平&#21655;，有得減番∼∼
但係隻史達........佢地自己個 ...

訂後唔加係應份事...
但係會減就讚下...
唯一唔好處係減後你要記住個新價錢...
其實如果你唔係去開睇，可能都唔知減左...
有時好多人以為佢同精口價一樣，所以上網睇返精口個價時...
未覺得佢地冇減到...
因為有時同精口個價相差十幾廿蚊，有時未必減...

我訂巨蟹個時冇就錯好似58x，之後減第一次55x...
之後再減第二次變51x...
到出貨時最後係47x訂同現同價...
成日行開知佢減價就好，但好多師兄都係專登落去訂野...
咁就麻煩D...

bearbearwolf

我係灣仔果邊拎咁多次佢都係自動波收平個價俾我的......中間唔駛改單 x 2

niceboxer

信和三樓試過問佢話拎貨時自動減, 但拎貨個陣要主動問先減返

AYXXX

白少一 發表於 29-3-2015 09:49 PM
截至現在，在下&#21946;咁多間店舖訂玩具，有一間，值得一提：&#25886;貨時出面賣得貴&#22021;，佢會同我講 ...

所以賊船越做越唔掂囉。