玩命系列之解決Winter Soldier蟹手

chshting

唔知道有冇師兄同我一樣，發現Hot Toys winter soldier隻右手竟然有幾嚴重嘅「蟹手」問題，手臂唔能夠正常自然重下，堂堂魅影刺客竟然變蟹手公仔當然唔可以接受，一直玩上手覺得唔似係衫太厚或者「格勒底」有嘢頂住手臂垂低，
決定拆開套衫睇下問題出喺邊，順便等其他唔敢幫winter soldier除衫嘅朋友開開眼界。
首先，HT講明衫褲唔除得，因除衫過程有咩事出意外都冇得換，所以各位如自己隻winter soldier都有蟹手，
請自行判斷跟唔跟本人方法去試，亦唔好出事問我借單去換，我張單都就過14日保養:x
第一步就先除腰帶，扣喺左後方，扣係以一個U型金屬鈎住一條粗線，同Avengers CA個皮帶扣一樣，
解扣方法亦相同。

之後就除心口束帶，正中有生扣可以慢慢解開，之後有魔術貼再解開就得。
然後會發現鐵手底下有線將心口束帶釘死，不建議剪斷，不過除衫時要小心預位除開件衫。
再將心口一條條橫帶底下魔術貼解開，拆去頭雕同手掌方便騰出空間除衫，件衫就可以成件除出。

你會發現原來件面衫係兩層構造，底下有件連住單邊皮袖好有彈性嘅衫，小心就位又可以好簡單除出。

先無視突然轉咗雜物背景:(最底一層衫係蟹手元兇，
一件好似羽絨橫間嘅厚綿衫，肉手一邊的「格勒底」本身已穿了個大窿方便手臂郁動。
因為綿衫包到肉手一邊手臂，令手臂下垂時會被扯住，咁可以整理拉扯一下件衫嘅位置，
修剪一下厚剩的厚綿衫，有助解決蟹手問題。

最後著返件衫，雖然始終同冇袖嘅鐵手比較，但蟹手問題已經改善好多:love:

ivykwong1997

雖然我無買呢款, 但感謝師兄分享改造的精神.{:1_377:}

kenso23

我都冇買，但支持分享。

dmaj7

支持分享x2有時除衫真係怕整爛,始終一隻figure都唔係平

poonad

支持分享x3 尋晚整左，果然爭好遠，d扭就甩剩一粒。。。好彩執得返晒。