專訪受傷記者凱撒：唔好再當警察係朋友！

Tachikoma

http://www.vjmedia.com.hk/articles/2014/10/19/88350

USP記者、輔仁作者及畫家凱撒於10月19日凌時在旺角佔領區被警棍敲打至後腦出血，經處理後傷勢暫無大礙。以下是他自述受傷經過，以及透露了對警隊的不滿。



蝶﹕麻煩你簡述一下受傷嘅經過。

凱﹕話說之前一早聽聞有人會喺12點「光復十字路口」，拎返之前佔領咗嘅亞皆佬街同彌敦道交界。於是大約12點05分，我到咗惠豐對出，即係彌敦道南行線。當時已經見到差佬拎哂盾，然後用幾秒就拆哂路障啲鐵馬，向住示威者衝過嚟。啲市民就不停後退同埋用遮擋住。啲差佬喺南行線，由太子嗰個方向係咁推進，我就即刻入去影相，已經即時戴咗記者證。嗰時我身邊都有一個外國記者，同我一樣無戴頭盔。過咗大概七秒，差佬突然出胡椒，我就食到應一應⋯我有帶裝備，諗住戴㗎，但係因為佢無出黃旗紅旗，所以未有準備去戴。結果眼耳口都中哂，本能反應緊係即刻拎轉臉，左手掩頭，而右手就拎住相機對住差佬影。有啲示威者幫我用遮擋住。啲差佬開始用警棍亂鳩咁扑。

蝶：咁你比人扑中咗一吓？

凱：真係打中就一吓，其他都比啲遮卸咗力，所以無事。跟住我Feel到個頭濕濕地，就出返去，一摸個後腦，成手都係血。我去到急救站，啲人幫我洗走臉上面嘅胡椒，同埋包頭⋯⋯包包下突然啲差佬趕走我地，唔比我繼續急救。

蝶：點解佢哋要趕走你？

凱：佢哋話要清場，趕返我地上行人路！嗰度有成六、七個差佬，我行埋去話我受咗傷，show比佢地睇我成手血，完全唔撚理我，淨係叫我「走啦走啦！上返行人路！」好唔人道！之後我唯有去廣華醫院到先check。但係因為當時比差佬趕，無及時洗走手上啲胡椒，而家仲係赤赤痛！

蝶：咁你而家睇完醫生，傷勢係點？

凱：我係中左實心警棍，唔係伸縮嗰隻，所以特別痛。啱啱做完小手術清理傷口，個頭縫咗一針。中咗胡椒嘅地方就仲痛緊。醫生話睇下返屋企有無嘔，如果有就即係有腦震盪。不過我而家仲講到笑，仲清醒，未死得住。

蝶：你喺前線覺得今日啲差佬同之前幾日態度上有無咩唔同？

凱：今日個啲係痴撚線。因為佢清唔到場係佢柒，所以個個變咗一部機器，機械式咁打人，佢唔理你係邊一個，邊一個部位，總之係咁打。因為其實打心口呀肚呀呢啲地方係無咁痛。但佢唔理扑邊個位都照扑。總之一見到遮就一野扑落去。

蝶：之後會唔會有咩行動去讉責？

凱：無用㗎。你點樣鬧佢，佢地都唔洗負責。佢地係擁有權力，可以使用武力，但係唔洗為呢個權力負責。就算譴責咗，最多未搵許sir出嚟唱下歌。唔會有用。總之千祈唔好當差佬係朋友，邊有扑濕你嘅朋友？今日我係見證住差佬行街嘅一面。佢哋係拎咗人工去做呢份工，出咗糧去承受受傷嘅風險。但我哋係記者，係唔應該受到差佬暴力對待！



後記：廣華醫院現場擠滿了頭破血流的示威者，凱撒取藥時護士表示今晚的病人大多是左後腦被擊傷。



（編按：特別鳴謝SAMMY WAN陪KAISER 睇醫生同影相）

what

冬暖夏涼小恐龍 發表於 21-10-2014 11:26 PM
明報報道，有義工透露曾有女護士替一名受傷警察急救，另一警察似乎不知她正施行急救，一棍打在女護士背部 ...

根本唔合理,睇直播警察永遠喺防線附近，示威者企喺前面迫到後面啲人好難行上嚟，從來都唔見有警察衝入人群中打人，咁即係個護士一開始都係企喺前排，乜為救護需要咁喺前面standby㗎咩？咪玩啦！

護士去示威唔係問題，但唔好中咗警棍就搬自己個身份出嚟扮無辜，咁樣真係好無恥！

而且點解當時人唔講要第三者講?

冬暖夏涼小恐龍

明報報道，有義工透露曾有女護士替一名受傷警察急救，另一警察似乎不知她正施行急救，一棍打在女護士背部，令她受傷送院，最近幾天再沒現身。

source: mingpao


護士救人有幾暴力？差佬打護士都算「自衛」？打完未成年學生，

打專業記者；打完專業記者，打專業社工，打完專業社工，

連專業護士都打埋，仲話係「自衛」。唔知佢地返屋企會唔會打佢老母，

又話係「自衛」？犧牲自己瞓街受傷冒險幫差佬爭取真普選的好人，

差佬竟然毒打他們，還要抹黑他們？

Tachikoma

what 發表於 22-10-2014 02:15 AM
根本唔合理,睇直播警察永遠喺防線附近，示威者企喺前面迫到後面啲人好難行上嚟 ...

防線?班暴徒打到衝上行人路繼續打喎
https://www.youtube.com/watch?v=5KZ8kD4TQXk「1:45」

冬暖夏涼小恐龍

WHAT 根本不是香港人!!

人在大陸!!!在這兒瘋貼假新聞的大陸狗!!