FPJ衝鋒派 + MT建造派 玩評

noah1

前幾日，終於入左兩套合體派—第三方龍頭Fansproject既衝鋒派，同被指可能同FPJ有關系既Maketoys既綠色建造派

玩左成日，連飯都冇食，以下就係我當日既過程同對呢兩套合體派既感受
先君子後小人，不得不說，外觀真係好正，雖然各自都有各自既問題，例如身材比例同材料唔係咁好之類，但剩講靚仔，應該暫時冇乜幾隻其他第三方公司既作品可以相比，呢個係佢地既加分點，而且係加好多分添

noah1

咁首先玩FPJ套衝鋒派，之前做過唔少資料搜集同睇左唔少玩評報告，知道佢相比起其他第三方品牌既作品要稍為複雜一d，有d乜野危險位易爛位已經事先心裡有數，未係太驚

我係倒轉次序玩既，由最後推出既Diesel開始玩

佢既基本問題有幾點：

1)
鬆緊度控制(設計) 不好，唔駛緊既地方(如大合體裙甲、大合體時腰部果塊超薄膠) 過緊，但應該緊既地方(如肩膀變形關節、手肘) 卻出奇地鬆，甚至手肘關節唔夠力承受把大鎗既重量

2)
著裝後太重太累贅，加晒d炮台之後好易企唔穩pk，而且腳部設計奇怪，因為有大合體時既peg，所以佢冇可以企直，一定要A字企，著裝後情況更明顯，浪費左佢擁有既可動性

3)
有唔少牙煙位，主要都係膠料太薄，呢點系總結會再提提

noah1

之後玩Dead End，呢隻本來會係我最愛，顏色佢係五架裡面最靚，亦係最易玩最唔會出事既，但…

導致佢成為唔到我心目中第一既原因就係佢個頭部，變人形時要由身體拉出黎，佢實，但同時又冇位可以比你好好揸住拉佢出黎，所以每次變形都隨時搞幾分鐘就係為左拉佢個頭出黎，最慘係手指會好痛



然後就玩Down Force，本來未入手之前我以為呢隻會係我最唔中意果隻，因為佢薄位易爛位太多，而且人形雙腳要sip入去車窗裡面，每次變形clearance都唔夠，老實講，明顯係設計失誤(尤其說明書其實好簡陋，並冇真係好好教應該點變點變)

但當我做左少少” 步驟” 同埋研究清楚d變形方法及次序之後，佢變成左我最愛果架

當然，佢危險牙煙既地方依然冇變，以下係其中一個
車頭位，果兩支膠條，同埋佢地連接車頭既部份，其實唔駛咁幼咁薄都得，我覺得就算加粗番少少對外觀唔會有任何影響囉


玩Down Force既小tips：
開盒時係人形，一開始先扭開上身d螺絲，再將入面連接車窗果粒螺絲扭鬆後再扭番緊，裝拼番個上身時唔駛將d螺絲扭到咁實
做左呢兩個步驟，佢原先出廠時過緊既部份就唔會咁易爛同時又唔會鬆到玩唔到
另外，將車頭尖合埋既中間果支圓柱體磨幼d，我果隻未磨時兩邊係合唔到的，唔知係咪QC問題啦
至於變車姚變人時對腳，應該逐隻腳變而唔好一次過兩隻一齊變，咁會易變好多又減少變爛既機會


到最後玩剩下果兩隻—Car Crash同T Bone

呢兩隻除左d鎖扣既位置有d不同之外，變形方式基本上一樣，但後推出既T Bone比起Car Crash要設計得好d，同一個變形設計，但T Bone易變同好變好多，甚至連牙煙位都比Car Crash要少一d

noah1

玩完FPJ大衝鋒派，之後就到MT既建造派
當時心諗，連龍頭既FPJ都唔少問題，都有覺悟套建造派會係點，雖然我幾中意MT當初套G2油筒文甲，但之後既幾款我都覺得唔係幾得，但點知玩晒兩set之後，我居然覺得MT呢套建造派做得好過FPJ套衝鋒派


不過MT Giant都唔係冇缺點，例如無論分體或合體形態時可動低，少少身材比例問題，有d地方過鬆等等


另外關於佢，我有一點想講既係，MT Giant最為人熟悉既就係佢既彈簧合體關節，本來係好事黎既，但問題出在d制唔好按，每次都按到手指勁痛，而且佢既強度我覺得同TFC d合體派咁大隻都用energon port既強度一樣，並冇話感覺特別緊實，起碼tfc果d都冇自行脫落既問題

noah1

總結，都有好幾樣野想講
1)        膠料，成日聽到好多人話佢地膠料實淨好多，其實不然，質感睇落去真係靚d，但真係唔襟變，事實上我兩套各自變過幾次，都已經出現好明顯既白痕，令到我好擔心，我已經叫做做晒research比較小心去玩，但都咁易出白痕，怕變多幾次會斷，因為始終我用幾千蚊買隻變形金剛番黎都係想可以得閒變下扭下，如果純為靚，我還不如買個不可變display品好過，所以呢點我對FPJ同MT係幾失望既，因為一直比人話冇佢地咁好既其他第三方都冇乜犯呢d錯誤



2)        設計問題，佢有時設計到d鎖扣太緊，甚至可以話係以損害d膠料黎變形，Diesel身上我有幾處要自行打磨一下先變得順

3)        成本，我唔知呢樣算唔算成本因素啦，但Diesel成個上身咁大舊，又有咁多件係靠佢hold住，居然只係得一長一短兩粒螺絲，其實亦有其他位應該需要多番一兩粒螺絲而FPJ係省略左既

4)        鬆緊度問題，上面都有提過，有d地方過緊，有d地方又過鬆，好似佢地兩隻大合體後，其實足踝、hip位既齒輪關節都唔夠緊，有時要擺得靚少少先企得到，我只係覺得作為定價咁高既第三方，呢d問題係唔應該發生，其他第三方出現呢d問題都比人插死，FPJ(同MT) 作為咁多fans支持既頭號老牌第三方，會出現呢d問題真係冇籍口可以講

5)        同樣係設計方面，發現一樣幾得意既野，就係平時好多公司用黎作為鎖扣既圓柱體膠粒(其實乜野形狀都得，只要夠粗就可以) ，系呢兩套上面十分少見，取而代之係一d薄膠鎖扣，咁我唔知用番圓柱體果種係咪感覺冇咁高級啦，但我只知道，薄膠做鎖扣位係最唔襟崖既，隨時一個唔覺意就咁就拍斷左


簡單黎講，論外觀佢地基本上無敵，但論作為一件變形產品或玩具，我覺得就並未真係咁出色，甚至可能有d犧牲，好似靚既外形，換黎變形時我雙手比d尖位或摩擦搞到痛左成日既代價

END

18000

衝鋒派目測車身外彀裝上似的，建造派就正好多似變型出來的，那麼（冲雲宵）幾時買？（我只是玩過變2及變3的傢伙）:26:

愛超人的怪獸

好詳盡噶介紹，我都好想入衝鋒隊，睇完師兄篇文，想轉鈦去MMC只沖雲霄啦~~~

noah1

衝鋒派目測車身外彀裝上似的，建造派就正好多似變型出來的，那麼（冲雲宵）幾時買？（我只是玩過變2及 ...
18000 發表於 20-6-2014 11:07 PM

沖雲霄唔買住lu，暫時幾隻都未有一隻叫好滿意

好詳盡噶介紹，我都好想入衝鋒隊，睇完師兄篇文，想轉鈦去MMC只沖雲霄啦~~~
愛超人的怪獸 發表於 20-6-2014 11:12 PM

MMC沖雲霄都有佢自己既問題，外觀上佢既身材比例都錯得好犀利下，有頸冇腰+過大既手腳，而且小腿背面太多野，令到佢除左正面之外唔睇得，display既話唔好睇
動物形態有幾隻又唔係太得

Douglas.M.Saint

Good review but you have posted in a wrong page.  Anyway, I help u to move already. :)  
Support!  :)

gerardh1

建造派幾錢, 有D 興趣

leobigeasy

CHING真係好有心機既報告,合體派我都有兩隻,一隻係mt giant,另一隻係takara加fansproject既bruticus,giant其實好雞肋,外型無論合體前後都好靚,不過玩過就知真係好脆弱驚玩爛,搞到我都想放咗佢,但又唔捨得,因為始終佢係我見咁耐以嚟做得最靚既建造派,但又好驚過多兩年會玩完,mt我仲有買極超新星,呢隻外型一流,不過變形個背包就真係好差,淨係背包我都變咗成半個鐘,又驚整爛佢既夾口位,至於bruticus就唔同,可能佢衹係fansproject出配件俾takara嗰隻換件合體,除咗有部分件唔係好啱位要用力合埋之外,都算做唔錯,我仲有隻mmc既cyclops(即shockwave),呢隻就潛艇同人形都正(個人認為),不過變形個腰位非常之牙煙,好易玩完,而且可動超低,如果唔係對shockwave有愛係唔會入.

gerardh1

MT 建造版最近價格稍微下滑了一點 , 只需............................................... ...
mythsgod 發表於 20-6-2014 11:57 PM

此話當真, 邊樹買??

Pazu

當我仲未下定決心買的時候, 看到這詳細報告, 我會買D機會再一步下跌!多謝你, 我可以慳番!