|
樓主 |
發表於 10-6-2015 00:08:33
|
顯示全部樓層
本帖最後由 Champion 於 10-6-2015 12:18 AM 編輯
最近Avengers 2 上畫, 好多無睇開美漫又鍾意玩marvel hero 嘅人開始認識hulkbuster, 而且仲大受歡迎, 其實都係意料中事, 六神合體同天威勇士呢類人穿裝甲再裝甲仲要出現喺 ironman 身上, 跟本無得輸。
Hottoys, King Art, shf, 千值練 等多間廠商都大力生產宣傳唔同比例嘅hulkbuster, 我仲唔襯呢段時間, 介紹吓自己其中一隻好鍾意嘅雕像, 漫畫版 Sideshow Hulkbuster Comiquette EX。:)
呢款雕像於2009年發佈, 官方稱比例為1:6,以漫畫內嘅設定雕像其實應該係1:5左右, 陶瓷造,雕像約20吋高, 19吋闊, 12吋深, 重大約20磅, 相當重手。Ex 特別版全球限量650隻, 特別版比普通版多左一個tony 真人頭雕, 呢個ex配件絕對有種ex or fail嘅感覺 , 真人頭擺出黎感覺確係正好多。
REG 造型
我就無HT IRON MAN 做比較,只有一隻壽屋1:6景品比大家做吓size compansion
講真,無論電影版iron man armor 或hulkbuster srmor 既造型都比漫畫版型好多, 感覺好高科技, 漫畫版造型相對無咁吸引同笨拙, 而電影造型亦往往令呢啲漫畫角色發揚光大。雖然佢未必有電影版造型咁有霸氣, 但以漫畫造型黎講, 其實都好有吸引力,仲有好多粉絲。
雕像表面平滑, 上色平均出界情況輕微, 惟獨配色比例單調普通, 紅色帶橙與金色做主色, 夾雜少量銀色及滲黑線, 整體效果尚算理想。
玩雕像~地台真係好緊要,呢個地台完全配合重量級嘅hulkbuster, 爆裂效果~正
地台19吋長, 雖然空心但仍有一定重量
電影版hulkbuster 有多個反應核心, 呢隻只得心口一個, 唔識著燈不特止, 仲無detail, 真係好hea。
背部機械結構就好好多喇, 都幾 detail
黎緊介紹EX配件
polystone 造既頭雕質素當然唔能夠同HT 真人頭雕相比,但以陶瓷黎講,眼有神,皮膚色似真人,以中國大媽上色技巧已經係水準之作
EX 頭罩係可以揭起, 本身用磁石及小配件吸住, 揭起頭罩再加上另一配件, 就可完全打開頭罩, 再放上頭雕
如果再跟多個iron man 頭盔就perfect, 遲啲出皆旺買個1:5頭盔自組:shiny:
|
|