旺角部分行人區 周六日假期開放

七國咁亂

【太陽報專訊】【本報訊】運輸署昨宣布，由下周一（二十日）起縮減旺角部分行人專用區的實施日數，由原來一周開放七日，減至只有周六、日及公眾假期開放，平日會恢復行車。

縮減開放日數涉及的街道介乎亞皆老街與登打士街之間的西洋菜南街、介乎西洋菜南街與花園街之間的奶路臣街，及介乎西洋菜南街與花園街之間的豉油街。運輸署表示，該三段街道的行人專用區實施時段將改為周六下午四時至晚上十時、周日及公眾假期中午十二時至晚上十時。有關路段平日恢復行車。至於亞皆老街與登打士街之間的一段通菜街的行人專用區安排將維持不變，即實施時段為周一至周六下午四時至午夜十二時，和周日及公眾假期中午十二時至午夜十二時。

一定有人又話打壓乜鬼文化活動、阻礙言論行為自由，眼見：全部都係搵食謀生、商業或政治宣傳活動，美其名推廣街頭文化，實質係無牌擺賣、賣藝商業活動。與當初開放車路原意背道而馳，行人通道比前更狹窄，最劣的，係完全不顧當區民生，長期噪音滋擾當地居民。依家好囉……{:1_214:}

特級豉油

話雖如此，但內地人不知新措施，依然我行我素，到時由朝到黑呠㕲聲咪仲嘈，其實繼續實施行人專用區，管制無牌擺賣，表演者、辦「政治講座」、商業roadshow必須申請及經審批，限制場數還要收費，限制擴音設備，可能會解決樓上住户問題，現商舖租金因行人專用區暴升，大幅度限制若影響租金回落，業主及租户又可能抗議，未必是好事呢

水水的基地

又無人話打壓又咩，不過係香港人心態咩都用到盡，使用者覺得可惜，被影響者反對唧。樓主，你諗多左了

上下盤

下星期終於可以坦蕩蕩走一遍菜街了。

上下盤

下星期終於可以坦蕩蕩走一遍菜街了。

上下盤

下星期終於可以坦蕩蕩走一遍菜街了。

香港人

其實政府應該規管既係當中既環境衛生問題...

Macross長谷有洋

噪音滋擾 is the worst thing in there, doesn't matter if that is Sunday/holiday or weekdays.
:67:And I hate all commercial companies put up their stupid metal stand all over the streets. So selfish. They should get fines for blocking public area.

hk小文

文化表演？


兆萬那邊被易拉架霸了差不多一半行人專用區，這樣的專用區 ，不要也罷!

水水的基地

今日起過返d正常日子，都係一件好事嘅，誰會珍惜當你還擁有。
不過又變返一條人車爭路的街。

jeffloh

當年整呢個行人專用區就係由於太多人在行人路上而整的, 根本一開始就唔係用來比人表演...

當然如果人少少唔阻路, 大家互相包容下都無問題. 不過依家係個個都走去表演, 令到想行的人都無位, 咁樣已經同當初成位專用區的目的唔同晒了, 咁不如唔整好過.

另外, 我唔想講到"好聽就可以留,唔好聽的就要搬", 因為始終藝術創作都係多元化的. 但果個地方根本唔係用來表演, 無理由要你坎就話人地打壓. (再說, 有幾多係真係純表演而無"商業元素"...)

昨天睇新聞都有講, 佢地可以去天橋果度表演, 條路好闊etc, 如果係真其實佢地可以照去果邊表演, 如果好聽, 有fans, 自然可以吸引到人地去睇. 當然我都唔希望到時天橋被迫爆, 行唔到人, 咁樣又只會令事件惡化.

另外, 講真自己在家, 如果樓上有人跳繩, 跌野落地我都覺得煩, 更何況是樓下不停有人開speaker唱歌. 就算幾好聽, 晚晚唱我都覺煩啦, 所以唔係唔比人表演, 而係可以去一d唔好影響咁多人的地方表演. 無人想阻止你玩音樂, 但都希望佢地唔好強迫人聽佢地d "音樂" lor...

yugi

噪音對我呢d行人其次,問題真係太阻街,個個都圍一大個格霸晒條路跟本行唔到

chlycab

其實"旺行區"係管理不善，先造成今日咁既局面

waihow

無皇管好耐啦，政府無做野都好耐，由最初派廣告到d易拉架，之後電訊sales/保險女仔問你食唔食煙到最後開Band加賣藝，好事變壞事
好了今天取消行人專區，咁就睇下又有怎麼問題出來
各位師兄、師姐行旺角小心汽車同行李車了{:1_232:}

williamhychan

每星期都會落旺角一次

昨晚18:30~19:30左右行一轉, 行人習慣了,很難一時三刻改變

登打士街~~~山東街, 好行o左:71:
















山東街~~~亞皆老街人較多,但都好過之前:67: