VIVA自製Tony Stark頭雕分享

win2094

我覺得已經好好，加油師兄

owen1313

對眼埋攏咗小小，不過整體好正，嚴肅得嚟有d搞笑，冇HT個木獨，好有tony形象:71:

kit777

好似大家都追求緊一個復制人... 我自己覺得已經好似好似...

E神

回復 29# 任俠


邊個似，定唔似，唔評論了^^^

只能說二選一，我選viva的作品。

nosister

眼神, 髮線, 額頭都補捉到robert downey 神髓, 比hot toys優勝,
唔知大家有無發現Hot Toys咁多個 Tony頭雕, 髮線同額頭都唔似robert downey本人,
如果search下d相, 會發現 robert downey 額頭比較圓同凸出
所以從好多角度睇 (尤其仰望), 髮線位都應該有弧度, 偏向圓形, 而唔應該好似hot toys咁一字形額或輕微M字額 (如果有留意hot toys Tony頭髮線, 會明我講咩), 呢方面Viva做得好過Hot Toys好多

hyatt

deleted…………………

PATA

作為一個美院出身，也都玩過7、8年雕塑既准專業人士，忍唔住囉嗦幾句，所謂外行睇熱鬧，內行睇門道，各種評價，有彈有贊，其實多數系處於個人第一感，而非理性專業分析。VIVA我一路有睇佢既作品，唔錯，年年有進步，但講到系唔系達到或者接近到一流水準，我覺得仲爭好遠。以呢只Tony頭雕來睇，應該系佢最拿得出手既作品，仲有唔少改進空間：呐，第一眼，睇整體，會唔會覺得有D怪異，以及唔啱既感覺？（若某D師兄覺得完美無瑕，咁就當我放屁）——其實唔啱既感覺就系有問題既地方，呢度完全唔討論頭雕似唔似Tony本人，單就雕塑技法來講，幾處大型輪廓，額、顴骨、面頰結構系有問題既，真人豐富複雜細微的面部結構只得7成既表現...（此處省略200字），幾大塊結構銜接又唔自然。細節方面，頭髮處理手法簡單業餘，缺少立體感美感。鼻頭個凹位好唔自然，再睇下耳仔結構，處理得粗糙唔夠寫真——話說，通常由耳仔造型水準可以睇出一個技師真正既實力，EB，HT，或者金大師系呢方面細節就好難搵出毛病....好，不打算講太多，其實真唔系來踩人，只不過有感而發。何況VIVA並冇稱自己如何，都系班愛好者系度爭啫...以本人瞭解，頭雕行業，除左要天分之外，冇十年以上錘煉，100粒頭雕經驗，算唔得高手，而要成為大師，非得要2、3百粒以上經驗——以呢個標準，業界至多3、4人而已

打炒手家

勁Wooooo師兄，
乜原來雕個頭甘複雜架，
又袋錢落袋，
敢請教師兄，
而家有乜頭雕可以攞上手，
睇得下呢，
比D好嘢大家做個參巧，
提高下D制作商，老翻商，同玩家水平好嗎?
誠心期待{:2_309:}

catcat

個人認為點解好多人大致一睇會覺得ht好呢？因為ht好識做美，化了tony的形像。

上次翻睇ironman 3bd時至覺，原本 Robert 又殘左，除正面望前登外，好多低頭呀，痛呀的表情都出賣左佢。

講真，做自分魂都會要求隱惡揚善啦，何況批頭雕？我地睇隻MK4頭雕順眼左，睇VIVA呢個真實感重的殘樣頭雕自然扣分，好正常。


小弟唔敢話VIVA呢個頭係無敵，但起碼係除了HT的美型路線外另一個方向的嘗試。

haha_muse

我覺得就算新手試雕或者好似viva大師呢種高手分享都好
都應該少啲惡意批評,多點欣賞鼓勵
氣氛好好好多~

catcat

上月在面書見到這個頭雕的時候，WORKSHOP仍未發貨，可能VIVA是用TTM19做為參考用的素體？

期待LUKA大用TTM19配合一下，看看效果啊。

catcat

勁Wooooo師兄，
乜原來雕個頭甘複雜架，
又袋錢落袋，
敢請教師兄，
而家有乜頭雕可以攞上手，
...
打炒手家 發表於 17-9-2013 04:00 AM

師兄，小弟真心十萬個佩服您敢言的性格，容小弟叫您一聲大佬。:$

chshting

勁Wooooo師兄，
乜原來雕個頭甘複雜架，
又袋錢落袋，
敢請教師兄，
而家有乜頭雕可以攞上手，
...
打炒手家 發表於 17-9-2013 04:00 AM

認同師兄所講，既然都玩過7、8年雕塑，何不都拿一些作品出來看看，總好過說一大段但又沒甚麼本事令人覺得你真你有料，同高登仔一句揵下「其實唔難」有咩分別﹖就如見到有人出段咁嘅影評你都覺得講就無敵喇…

「作為一個電影學院出身，也都做過7、8年電影既准專業人士，忍唔住囉嗦幾句，所謂外行睇熱鬧，內行睇門道，各種評價，有彈有贊，其實多數系處於個人第一感，而非理性專業分析。王家衛我一路有睇佢既作品，唔錯，年年有進步，但講到系唔系達到或者接近到一流水準，我覺得仲爭好遠。以呢套《一代宗師》來睇，應該系佢最拿得出手既作品，仲有唔少改進空間：呐，第一眼，睇整體，會唔會覺得有D怪異，以及唔啱既感覺？（若某D師兄覺得完美無瑕，咁就當我放屁）——其實唔啱既感覺就系有問題既地方，呢度完全唔討論電影反唔反映得出葉問本人的事跡，單就電影技法來講，幾處電影部份，佈局鋪排、動作場面、文戲結構系有問題既，一個電影要帶出的細膩而複雜的結構只得7成既表現...（此處省略200字），幾大部份銜接又唔自然。細節方面，動作場面處理手法簡單業餘，缺少動作感美感。偉仔雨中演武位好唔自然，再睇下對白處理同運鏡，處理得粗糙唔夠寫真——話說，通常由對白處理同運鏡水準可以睇出一個技師真正既實力，黑澤明，或者希治閣系呢方面細節就好難搵出毛病....好，不打算講太多，其實真唔系來踩人，只不過有感而發。何況王家衛並冇稱自己如何，都系班愛好者系度爭啫...以本人瞭解，電影導演行業，除左要天分之外，冇十年以上錘煉，100套電影經驗，算唔得高手，而要成為大師，非得要2、3百套以上經驗——以呢個標準，業界至多3、4人而已」

拉打CAKE

好似戴左大眼仔{:1_220:}

dewback

面相黎講，我覺得呢隻點都似過 Hottoys，不過眼仔碌碌，精靈過頭，但比起WORKSHOP 對三白眼，VIVA 呢個整體點都比HOTTOYS 優勝。希望 THE MECHANIC 個頭可以好過 VIVA 呢個。