太陽報－丑生王黑白Look

廣闊的宇宙

「生、旦、淨、末、丑」，喺京劇中扮演諧趣角色嘅丑生，地位往往較低，然而喺《Batman》嘅電影世界，小丑偏偏係人氣No.1嘅歹角，而且好多時都比主角蝙蝠俠仲搶鏡！今時今日嘅丑生王，公認係已故嘅Heath Ledger，但亦有老影迷選擇元祖Jack Nicholson，為咗滿足一班新知舊雨，Hot Toys繼推出1/6 Joker 2.0後，近日再為1989年版本嘅小丑添新Look，頭雕服裝都獲阿Jack本人高度評價，重奪丑生王美名！
衣料升級柔軟貼服
論演技，兩代小丑或者不相伯仲，但係講造型，舊版小丑就豐富得多，唔計上次HT推出最經典嘅紫色「踢死兔」，屈指一算仲有黑白裝、落妝及片尾瘋狂喪笑三個Look，HT亦承諾時間許可嘅話，會將以上造型全部Figure化起來，實行買窮一班小丑迷。講番今次嘅Pierrot Version黑白小丑，黑色西裝外套、波點煲呔、格仔長褲及紳士帽全部做齊，布料仲比紫色踢死兔版本柔軟，而且冇咁易黐塵，擺Pose更Fit身之餘，玩家亦唔使日抹夜抹，慳番唔少保養工夫。

黃金組合炮製頭雕
素體方面一如前作，選用平胸窄膊款式，再加入大量海綿，但高度略減，驟眼睇就更加發福傳神。頭雕方面，上次已經被玩家以「神作」嚟形容，今次繼續由Yulli落刀、JC.Hong上色，唔只輪廓、皺紋、雙下巴等特徵都似足真人，眼珠移印亦更加像真仔細，


再加埋今次合嘴微笑又有「一點紅」嘴唇，陰陰濕濕，表情比上次嘅咧嘴Look更令人膽戰心寒，整體似成咁，難怪出名要求高嘅阿Jack都表示滿意收貨。不過有辣有唔辣，作為DX系列，除咗P.E.R.S.可轉眼球呢樣Gimmick保留落嚟，以往大堆頭配件已不復見，頭雕亦只有一個，配件就只有三支假羽毛，以及一個樓梯形地台，分量似乎削咗啲喎！



HT 1/6 DX The Joker（Pierrot Version）

推出日期︰今年第四季

查詢︰2388 4677 （Toy Hunters）



HT 1/6 DX The Joker（Pierrot Version）



頭雕極度像真，最誇張係妝容下依然可見清晰嘅皮膚紋理，唔到你唔服。



跟番電影人設，忠實做埋波點煲呔及白色小背心。



踢死兔掛有毒襟花，細節跟到足。




附盒跟埋樓梯形地台，重現電影中一閃即逝嘅一幕。



Body依然有30cm高，但其實比舊版略矮，望落肥番少少，更似真人。




紳士鞋嘅鞋頭髹咗光油，燈光照射下頗有拋光感，猶如真鞋一樣。




雖然羽毛係膠件製成，但係雕工以至塗裝都幾可亂真。



紳士帽係膠件製成，並且可以除落嚟，變相玩多個造型。



造型手只有六隻，DX系列中都算少，猶幸握物、開掌等手形都總算有齊。

wing1123

唉…如果千一都會買…千四令我卻步:(

lowa_sony

其實呢隻野係幾靚, 可惜.....

teiida

系做得几好的，就系个价比唔落钱咯

ngan29

{:1_215:}我訂1380嘅？

brucehung

條毛...真係太短了{:1_224:}

wongho804

不解釋,已訂. ^^

蒙眼佬

我訂左，好 like 個造型 ，華麗而黑白分明，好有美國 Jazz feel，一流，比起其他，呢隻係另類品味，這是Art。

蒙眼佬

Jazz feel? Really? Then have to buy!
Strawberries 發表於 22-5-2013 07:41 PM

    睇吓 Duke Ellington, Fats Waller 嘅造型.....

elliottlai

尋日一出去一見到個樣...二話不說.訂了..因為呢隻中左我兩個死穴..一,我本人非常喜歡積尼高遜，二黎當年睇到佢扮演既小丑真係入木三分，係當時認為佢做既小丑係無人能及.當然後黎既新小丑亦打破左我呢個諗法..但積尼高遜版小丑始終係無可取替...唉而家HOT TOY D單多到可當被冚..真係唔知點死HAHA