我之前係淘寶訂,9號到貨,拎左之後手機劣影左幾張相
個盒好大,但係盒用既紙質感正過HT
關節部份幅度唔算大,只算OK
頭同頸都可動,但係由於膊頭影響,轉頭幅度j唔轉到太大
手臂部份,肩同肩甲可以360轉,前臂可以前屈至2頭肌位置,但係前臂部份唔可以獨立左右轉
總共有5對手,其中一對可動手,唔洗換件就可以擺到出掌pose
身體部份,上半身胸甲同腹部都可以轉動,所以扭既幅度都可以接受,腰位有伸縮關節
腳部份,可動唔高,腳唔可以提起太多,會比條"底褲"kick住,條底褲係軟膠制
小腿同膝頭都有關節可屈,但係都唔可以屈到好盡,小腿最多可以向後提屈45度角左右
腳腕可動唔高,扭既幅度得好細,前腳掌可屈
合金部份差唔多成個身,手臂同腳都係合金,得頭,頸,肩甲,手腕,腳腕,底褲唔係,腰腹甲部份唔肯定係唔係合金
另外全身d甲都唔可以打開
整體黎講可動水準只係一般,雖然勉強爆到地,但係因為太重,前半身會鐘落地
qc亦一般,好似我呢隻咁,有好幾撻上色問題,有d部份光油上唔勻,背部金色太薄搞到見到好多粒粒,同埋隻野都幾易刮花
我一拎到就同d fd分享,佢地都好鐘意問我一個問題,相信同好多師兄一樣都會問
"同ht隻mk7比,邊隻正d"
老實講,我比較唔到,因為我冇入ht mk7,冇係手好難比較
不過上網睇其他師兄分享,齋講款我會鐘意pi呢隻多d
始終ht大眼仔我真係麻麻
而pi呢隻,雖然可動性唔算好高,但係都唔係冇野玩到pose都擺唔到
加上一拎上手,會feel到凍同埋聚手,成個手感真係好正
價錢比較,ht出合金mk42,有頭雕,冇櫃,呢隻冇頭雕,但係多個櫃,我覺得其實冇特別貴過ht,不過有人覺得值,有人覺得貴咁解
同埋個櫃真係靚,整體黎講我都收貨,可能我要求低啦
講返隻pi mk7,我覺得有進步空間,但同時我會更期待ht出合金mk42又會點樣,希望ht快d出貨:35: |