|
|
|
(麻帆良市時報記者 / 桜高輕音部記者琴吹 紬報導)
一講到 "老夫子" 呢個名字, 相信香港嘅朋友一定冇人唔識佢,
呢個由王澤先生喺 1960 年代創作出嚟嘅漫畫角色,
仲有佢嘅好朋友秦先生、大蕃薯, 仲有佢嘅天生死對頭老趙等一眾人,
都陪伴左香港以至華人地區唔同年代嘅朋友成長,
今年適逢老夫子誕生 50 週年, 九巴其中兩架巴士亦披上特別嘅車身廣告,
其中以 Enviro 500 雙層巴士作車身廣告嘅老夫子巴士,
更以九巴退役已久嘅 Benz O305 巴士初出道時代, 後人稱之為 "車皇色" 嘅特別色彩示人,
呢個車身色彩配上老夫子廣告就咁睇的確令人 "耐人尋味" -- 到底老夫子同呢隻 "車皇色" 有乜關係呢?
其實原來呢隻車身塗裝係九巴喺 1983 年嘅九巴 50 週年紀念,
而特別為當時簇新嘅 Benz O305 巴士特別設計嘅,
同時亦代表住九巴車隊嘅陣容, 款式邁向多元化, 唔再只係局限於英國品牌嘅框框,
所以今次呢個老夫子廣告以當年九巴平治嘅 "車皇色" 嚟慶祝 50 週年著實亦不無道理,
同場仲有另一架九巴單層巴士嘅新星 -- 喺九巴車隊首度出現,
配 MCV Evolution 車身嘅 Volvo B7RLE, 亦配上特別塗裝, 慶祝老夫子 50 週年。
今日, 麻帆良市正式歡迎老夫子巴士登場!
老夫子呢部漫畫, 同大家一樣都係陪伴住市長 Super Bus 長大,
Super Bus 話, 記得以前佢同亞嫲去閣樓飛髮舖電髮 (Super Bus 按: 我亞嫲電咋!)
果度放左好多老夫子漫畫, 佢亞嫲電髮果陣佢就坐埋一邊拎嚟睇,
好多四字成語佢都係咁學番嚟o架, 可以話係當時除左成語動畫廊以外,
另一個學習四字成語嘅途徑, 仲記得以前嘅七彩卡通老夫子,
水虎傳同埋山T老夫子嗎? 原來都係 Super Bus 嘅 Favorite 嚟o架,
老夫子漫畫除左一般嘅四格、 六格同八格故事之外,
仲有長篇故事例如古老村同埋狐狸仙, 一樣令佢愛上,
Super Bus 仲話, 依家出左亞童木、 Hello Kitty 同老夫子車身廣告,
如果有朝一日有巴士上初音ミク、Lucky Star、まどか、K-ON,
仲有其他日本動漫車身廣告做 "痛巴" 兼出埋模型嘅話必定照單全收,
亦恨死所有動漫 Fans 云云~
隆重歡迎! 九巴 Enviro 500 同 Volvo B7RLE 老夫子巴士, 見參!!
Enviro 500 老夫子巴士, 證書編號 0952, 全球限量 1,500 架
MCV Evolution 車身 Volvo B7RLE 老夫子巴士, 證書編號 0227, 全球限量 1,000 架
正式落地!! 櫻ミク也來亮亮相~
Enviro 500 老夫子巴士
當Enviro 500 老夫子巴士遇上元祖車皇色九巴平治
E500 配上九巴平治嘅車皇色, 又的確有另一番感覺~
MCV Evolution 車身 Volvo B7RLE 老夫子巴士
小劇場~~~ XDDD
指 鹿 為 馬
專為市長 Super Bus 旗下嘅巴士做 Tune 車工作嘅初音,
今日知道有新巴士到埗, 即刻走嚟開工, 見到又係熟口熟面嘅 E500 巴士, 即時冒火三丈~
(初音) Super Bus 呢條人粉又入 E500?? 我已經講左會見一架拆一架, 佢梗係 Seafood 痕想比我插下定啦!!
初音於是叫左 Super Bus 到來...
(初音) Super Bus 我 XYZ 你個白蘭地威士忌星星月亮太陽魚蝦蟹蜆!!
我話過我最憎 E500 你仲夠膽入多架, 你係咪想死呀?!!
(Super Bus) 初音妹請妳息怒, 我邊度敢斗膽違抗妳嘅旨意呢?
呢架唔係 E500 嚟o架, 係平治最新款嘅雙層巴士呀~~
(初音)うそ!! 呢架車明明係 E500 嘅車身, 點睇都唔似係 Benz 啵!!
Super Bus 指住巴士上面嘅車身圖案
(Super Bus) 真係九巴嘅新平治巴士嚟o架, 佢型號係 O530 DDT,
DDT 即係 Double-decker tri-axle 咁解,
係平治特別係香港而特別設計嘅車款 (Super Bus 按: 純粹亂作, 當然真係有 O530 呢款巴士啦~)
車身都係用番以前九巴嘅 O305 嘅車身色彩, 代表佢地係與別不同o架~
Super Bus 又拎出九巴平治 O305 巴士比初音睇
(Super Bus) 嗱, See? 我冇呃妳o架?
初音仲係半信半疑, 於是再走去車尾視察一番
(初音) 又話呢架係 Benz? 咁點解冇 Benz 標誌嘅?
反而 ENVIRO 500 嘅字樣就大大個...
(Super Bus) 哦, 冇法啦, 你都知依家D巴士迷啦,
巴士D膠牌水牌乜都偷, 有D偷揸巴士都夠膽死嘅,
裝 Benz 標誌容乜易斬下眼又比人順手比呢D巴敗 "立" 左去o架?
初音再指住車尾嘅 ENVIRO 500 字樣
(初音) 咁呢個 ENVIRO 500 字樣又點解釋先??
(Super Bus) 哦, 呢個亦都係呢款車身嘅型號嚟呀嘛,
九巴嘅 Volvo B9TL 有D都一樣有配呢款車身啦~
(初音) 唔~~~原來如此, 又有道理~
(Super Bus 按: 好彩呢架 E500 我仲有得作故仔呃初音呢個傻妹, 否則呢架 E500 實比佢熔左都似... )
Extra~
http://www.youtube.com/watch?v=5UDqKxLlzBo
Thanks for reading~ ^^ |
|
發表於 30-4-2013 16:03:33
