|
一講到英雄本色入面嘅名句,
我首選係狄龍個句: [阿Sir, 我冇做大佬好耐喇...]
而Mark哥嘅名句都有唔少,
不過, 有一句佢仲未講完, 就比人打瓜左....
就係臨死前同杰仔講: [做兄弟嘅....]
究竟佢本來係想講咩嘅呢....??
比d時間大家諗一下....之後再研究...
而家睇吓隻figure先....
自組Mark哥落難版, 又或者叫戰損版....
自組清單~
頭雕: ZCWO [用造型泥改造頭髮, 加血跡]
BODY: HT SLIM BODY [咁o岩手頭上有咩就用咩,其實唔一定要用slim body]
褸: 不知明牌子, 美軍大褸散件, 史前買落
恤衫: 不知明牌子, 散件
褲: SideShow Frank Black 條褲
鞋: Soliderstory 美軍鞋
UZI , SHOTGUN: HT T1
92F, 紅星: ZCWO
跛腳架: 膠片自製
改造左兩個頭....
一號頭...
二號頭....(改比Dick大的)
膠片製跛腳架....
=============================
借圖說故事~~~
話說佢係楓林閣冧友時比人打破左隻腳....
返到香港後, 仲要比大哥成鵲巢鳩佔, 攪到冇啖好食...
之後遇返豪哥, 落Bar聚舊, 點知冤家路窄, 又碰到大哥成....
大哥成在豪哥面前假惺惺, 阿Mark唔妥佢....
"唔好講埋d衰野, 黎, 飲杯"
"哩一杯, 比我隻腳飲嘅"
"Happy ?"
之後, 因為唔同大哥成合作, 被痛打一番....
豪哥幫佢貼膠布....
"真係估唔到香港嘅夜景係咁靚,
咁靚嘅野, 一下就冇晒, 真係有d唔抵..."
"豪哥, 我地再黎過, 做埋最後一倘, 就離開香港..."
"以前我地出生入死未怕過, 唔通今次就怕阿成咩?"
但係豪哥唔想再撈江湖事....
"我從來都唔會逼朋友做d佢唔想做嘅野!"
"我有自己嘅原則, 我唔想成世比人禁住黎打!"
"我衰左三年, 就係等一個機會, 要掙返口氣,
唔係要証明話比人聽我威! "
"只係想話比人聽我唔見左嘅野, 我想自己攞返!"
"你有爭取過機會咩? 你冇! 我唔想學你..."
之後阿Mark一條友返"公司"去拎返佢d野....
"陳伯, 開門..."
"全部企埋一邊, 陳伯,去攞磁帶..."
逃走時同"公司"嘅爪牙們駁火....
吳宇森嘅戲, 主角"打關斗"再開鎗嘅動作一定唔少得....(其實好鬼老土)
經典滑住沖出去開鎗...都係好港式嘅動作鏡頭...
射瓜晒d爪牙....
終於拎返佢"唔見左嘅野"....
豪哥及時黎到接佢走....
阿Mark最後一幕....
馬頭對決大哥成....
shotgun只係在快艇上出左一鏡....
本來已經拎左錢, 上左快艇走人...
但阿Mark突然回頭折返, 趕返去支援豪哥同杰仔...
阿Mark瘋狂掃射大哥成一干人等....
全部人比佢掃低晒....
"你過黎, 哩個你親大佬黎架, 你望多佢兩眼! 你睇清楚佢! "
"無論佢以前做錯咩野, 佢都還返晒比你喇! "
"佢有勇氣去改過, 點解你冇勇氣去接受佢? 點解!? "
"做兄弟嘅...."
砰!
就係咁, 阿Mark比人Head shot!
想講嘅野仲未講完...就byebye左.....
原本佢想講咩嘅呢...???
a, 做兄弟嘅, 冇隔夜仇
b, 做兄弟嘅,有今生冇來世
c, 做兄弟嘅, 要搵安信兄弟
我自己覺得應該係 b, 做兄弟嘅,有今生冇來世:74:
"大家黎估吓丫, 我收工走先喇....byebye~~"
謝謝觀看~~~
上集, 血濺楓林閣 重溫
http://www.toysdaily.com/discuz/viewthread.php?tid=195558 |
|