|
本帖最後由 dvddvdhk 於 12-1-2013 03:04 AM 編輯
相信 joker dx11 既正相好多師兄都已經睇過吾少 , 等小弟分享下d吾正既相等大家溝淡下d視覺觀感先:x . 未睇相前不如分享下d玩後感 , 其實都係得一個字 : 正 !! 先講頭雕 , 正常頭雕我個人覺得好似 , 連我老虎都係咁話 , 雖然有師兄話佢係用印上去既方式做上色 , 有偷工減料之疑 , 不過咁做就可以統一上色位置減少偏差 , 況且要用好利既鏡頭加放到好大先會睇到 , 平時肉眼係吾會發覺 , 我吾會介意呢種做法 . 至於狂笑頭雕係最有驚喜 , 配埋監獄背景 , 完全可以重現 joker 個種 : 你打死我都吾會就範既感覺 , 瘋狂至極點 !! 至於服裝方面 , 有 kato 兄既指導 , 每一件衫都好貼服 , 好貼身 , 同埋易於處理 , 小弟比較少玩西裝人偶 , 最近一隻都係eb既mib , 可能礙於body關係 , mib個隻就算除晒再重新著都吾貼服 , 反而joker只要執一執 , 已經貼服如小羔羊 , 係條吰就打得麻麻地 , 遲d有時間先再打過 , 西裝料夠薄 , 但背心d啪鈕就真係好化學 , 而紫色大褸我個人覺得size適中 , 吾覺得佢過大 , 反而要一讚係個領加左磁石 , 令條領更貼服 , 真係有心思 !! 而 body 都好配合 joker 既身形 , 可以做到少少寒背 , 配埋 joker 個頭雕就顯得更加鬼異 . 配件之多亦係一大賣點 : 枱 , 椅 , 燈 , 背景板 , 鉛筆 , 刀x3 , 腳刀x2 , 槍x3 , 手掌一堆 , 如果係特別版仲有頭套 , 盒同遙控引爆器 , 淨係玩吾同配件都有排玩 !! 總括黎講 , 呢隻joker 真係有買貴 , 無買錯呢 !!
題外話兩則 : 1) 如果 joker 帶 batman 頭套可以吾使油黑個眼圈 , 因為本身佢已經黑左 , 哈哈 !! 2) 大家有無發覺係荷里活化呢個妝都無乜好下場 , 烏鴉如是 , joker 如是 , 你都咪話吾古怪 !! 好廢話少說 , 劣相就大把 , 吾介意既就望兩眼啦 .
|
|