本帖最後由 MAX 於 28-11-2012 08:51 PM 編輯
等了又等~~ 終於人車都到齊~~~~
要將BATMAN坐上BATPOD坐得好...要SET好耐....
尤其BATPOD手把組件, 好容易甩...
外加個兩支黑色棍仔唔多o岩位...要"尷粗"黎先裝到...
想架BATPOD平衡擺好佢...要花d心機....好易側埋一邊反車.....
個坐位唔o岩位之餘...仲要用埋晒d硬膠膠....
坐完架野, BATMAN兩邊大腿內側已經花晒.....
影完相即刻將BATMAN 還完翻罰企模式....
若果長擺坐車...花大脾之餘....肩甲肯定變形.......
加多7幅新圖~~:)
=========================================
再玩多次騎車~今次用了盒內的包裝透明膠去墊一墊...減輕損傷....
支鎗嘅燈又係好快自動變暗....HT快D改善哩個問題...唔好用埋D雞野~!
大家睇到他大腿D花痕嗎...?
T800路過.....搶鏡中............:DD
再睇返BATPOD個坐位...其實坐墊部件HT已經分件用左唔同嘅物料...
但都係好鬼硬.... 唉~! 索性用軟膠啦喂...
由此可見, HT工作就做左, 但得唔到效果....真係嘥氣兼笨實...
========================================
再加圖片, Bat-Pod VS Joker
Bat-Pod配Batman真係好鬼死型,
玩到停唔到手, 入左盒都心思思拎返出黎再玩過同佢影相....
當日就係因為電影內嘅Bat-Pod太吸引...睇到中晒毒先至忍唔到手去訂鬼埋佢....
戲入面個轆可以打橫轉....可以令到Bat-Pod橫移, 亦可以像圓規般旋轉改變方向...
睇返手上架模型...照計, 佢個設計係做唔到哩個動作...
再講, 車轆兩邊嘅機件, 例如車頭燈連鎗炮組件, 應該會刮晒地...
Batman會"櫈"到嘔電....:DD 只可以講, CG係無敵嘅, 再唔合理都可以做到出黎~~
模仿Bat-Pod橫移飛出黎個幕....
Now, there's a Batman.
Ooh, you wanna play. Come on.
Come on. I want you to do it, hit me.
Come on. Hit me !
Yaaaaaaaaaa~~~~~
結果係batman懶型咁衝埋去....佢自己炒左車...........:DD
謝謝觀看~~
後記....影batpod影到現任相機都壞埋~~!!:Q
唯有搵返部"舊情人"出黎繼續影埋佢....Joker個幾幅就係出自"舊情人"的圖片....
唔知大家睇唔睇得出個分別呢.....
又要破財喇~~~:63: |