▼Д▼" ..堂堂港大生 爸媽湊返學!!

太歲

:(有朋友真係認識呢D家長，
佢地班家長仲話好似舊生聚會見到好多以前既大學同學...
我明白家陣個世界係好混亂已經超越左正常競爭，
但都唔駛去到咁呀話........


港大昨舉辦入學資訊日，大批家長昨陪同子女出席資訊日「取經」，昨晨十時起，講座門外已出現學生及家長的人龍。現場所見，舉行講座的演講廳內，最少有半數為家長，甚或家長人數多於學生。


致電大學查詢子女學習情況
港大教務長韋永庚指新學制下，學生比高考時提早一年入大學，故各大學均取錄一批未滿十八歲的學生，雖然估計人數不多於兩成，但發現新舊制學生整體感覺有很大分別：「校長話朝早多咗十倍學生同佢打招呼，但獨立性就差啲，因開學禮有家長陪埋返學，唔知學生要求，定家長主動喇。」他認為有關現象反映新制學生欠缺獨立性，故昨藉資訊日勸告家長「少啲熱心，多啲放心」。
有關情況除在港大出現外，「跟得家長」亦在其他院校「發功」。浸會大學教務長蘇國生表示，雖難以察覺是否有家長陪同文憑試新生上大學，但發現不少該批新生的家長直接致電大學，查詢子女的學習情況及適應問題，以往重未試過，「有家長話見到仔女返大學唔係咁適應，或者唔係咁開心，就打電話嚟，查詢子女喺大學嘅學習情況。」但他拒絕回覆家長相關查問，反而鼓勵家長着子女主動聯絡校方，尋求解決問題的辦法，「我哋好難叫家長停止關心子女，惟有勸家長唔好太過擔心。」他估計，有關現象與文憑試學生家長仍未適應子女的大學生活有關。

父母唔識放手 愛佢變成害佢
青年協會督導主任鄧良順認為，雖然新舊兩制中學畢業生年齡只差距一年，但新學制文憑試生僅經歷一次公開試，予家長仍未成熟的感覺，故會投放更多時間和專注力在子女發展上，變成「跟得父母」。他又指有關現象令人擔心，「四年後大學畢業，唔通陪佢見工？」又稱入讀大學是青少年步進成年期的階段，家長必須學懂「放手」，否則長遠會造成依賴性，阻礙其成長發展，「如果唔識放手，子女就無機會自己獨立面對問題，甚至惡性循環，導致雙方互不信任，愛佢變成害佢。」

wind69

他們只是15/16/17歲的中學生, 到大學聽取收生,課程資料.

chukithk

請問有沒有校巴接送？:36:

老文

其實唔覺有咩大問題