|
前言: 呢隻雪初音我留意左好耐,
亦係咁多隻雪初音裡面我最鐘意既,
因為佢套衫好有冬天feel,又有毛毛耳機同蝴蝶結,
雖然事先響官網上面睇到佢部分零件有問題,
但本住對佢既「愛」(?),
響仲未收到補件既情況下,我決定自己解決問質不良所帶來既問題!
每次買完粘土人,玩之前有幾樣野好緊要!
1. 用肥皂洗手!!呢個好重要,如果唔清潔乾淨雙手,手上既油污就會留響公仔表面,到潮濕既日子可能會變得癡漉漉,甚至發霉!
2. 剪指甲!!剪完最好用指甲銼修返買d指甲邊!!因為粘土人既油大力刮係會甩出黎,所以要溫柔d!例如除下前髮時,唔好用指甲「咪」落d頭髮度,而應該用手指頭按住,慢慢除落黎!
3. 清理檯面!!這是常識吧!!
好,入正題。
以下歸納出207號雪初音出廠既問題!
我所做既小改造有一定風險,自覺做唔到既朋友大可以等補件,
有砌過模型既都可以跟住做!!並唔難!!
1. 雙馬尾既關節好緊!!首先慢慢拆下雙馬尾,淨返兩粒關節響頭上面,
然後嘗試輕力拔出黎,大前題係要有耐性,慢慢左右郁下郁下佢地就會變鬆!
拔左出黎,就可以用把美術刀一下一下刨刮/削走榫位,我削左大半個圈就岩岩fit返入個窿,可以360度扭動。
2. mic holder個窿好大!!呢個……因為我比較懶,所以先用blu-tack,以牙簽(或直接用枝mic stand=v=)將blu-tack塞滿個窿,再將mic holder同stand結合,小心用牙簽刮走多左既blu-tack,完成!
3. 頸部關節/腳部關節好緊!!呢個問題唔知係咪我果隻先係咁!!笑顏臉既關節,個頭拔左出黎,個關節實到好似俾aa超能膠癡住左咁!!甚至我嘗試拔粒關節出黎既時候整裂左佢!!!!所以,以下提供多一個拔出關節既方法。首先移除冇關係既部分,e.g. 心口蝴蝶結､白色毛毛領,然後用風筒最低熱度吹,吹一陣,又嘗試郁下佢,真係好考人耐性=皿=??
大致上係咁,以下附上幾張傷眼相,請各位ching笑納!
 |
發表於 11-11-2012 14:01:38
樓主
