本帖最後由 coldstone 於 11-8-2012 10:28 PM 編輯
見到有師兄有感受分享,小弟又有小小玩12吋心聲分享,唔知擺呢度啱唔啱,有問題的話,麻煩版主delete或者幫忙搬po,謝! 小弟都係由ironman mk4開始玩12吋,之前個朋友(超級毒王)成日買、又借俾我玩,但都毒唔到,因為差不多成千一隻玩具,的確過唔到自己嗰關,點知前年睇完ironman2就出事,一口氣訂咗mk4同war物,之後雖然未算瘋狂入坑,但都越訂越多,再入埋3a坑,仲大鑊(都係相對性,比起好多師兄,真係唔算勁),除咗頭幾隻因為係淘寶買,可以好快收到之外,其餘都係同3a網訂或響7仔訂,下下等三五七個月係閒事,同時間,因為響12吋支出多左,我亦減少左行玩具店,甚至都差不多唔再買,但漸漸發覺冇左以前買玩具、玩具嘅感覺,因為錢係俾左啦,所買嘅,都係一張張訂單,而唔係玩具,或者開訂時會好想擁有件玩具,但訂左一段時間之外,熱愛都褪減,其實感覺幾怪,因為付出左金錢,但攞唔到購物嘅滿足感。 但最近響虎虎買左隻竹谷聖戰士,落bid到得到件玩具只不過係兩日,返屋企拆盒嗰種滿足感真係好大,之後再入黑三一、新世紀真三一及yamato vf-1s,呢一刻真係俾返我買玩具同玩具嘅滿足感,我買嘅再唔係訂單,而係真真正正嘅玩具。 其實幾欣賞eb賣現貨嘅安排,奈何對其產品冇愛,至於ht及3a,如果佢出貨期可以早返一半時間,就唔會攪到我地咁失落啦。 (廢話講完,純分享心聲,希望各位師兄唔好介意)
齋講唔好,上個月望穿秋水終於收到七骨,因為只有手機相,傷眼勿怪
(聖戰士專用斧,都幾啱tk用) enjoy!!!!!:34:
|