屋企行先

hk小文

人在中環 - CK
屋企行先
(2012年05月02日)

朋友的爸爸早前病危，醫生說她爸爸應不出幾天就離開。朋友是個孝順女，希望拿幾天假，陪伴老父行過人生最後一段路。
適逢朋友工作的公司有個重要project要做，朋友明白公事雖忙，請假增加同事麻煩，但權衡輕重後，她始終覺得家庭比工作更重要，於是硬著頭皮跟上司請假。
朋友跟我說這件事，是在她爸爸走了後3個月左右。我認同她的選擇。人年紀大了，工作和賺錢都是身外物，沒有甚麼比家庭更重要。同事家中有事，事情又真的對她如此重要的話，夾硬要她回來工作，她還是整天心掛掛，交不出甚麼表現來。若那件家事不會拖延許多日才能解決，我倒寧願賣個人情給同事，讓她安心放假，待事情處理好後才回來歸隊工作。
朋友的上司收到請假申請，給了這樣一個回覆：「你知唔知你咁做好唔professional？你爸爸要走，你反正都幫唔到啲乜架啦，反正你又唔係醫生。你係咪成熟一啲呀？生老病死人生必經，你點解要睇得咁重呀？你依家請假，只代表你係個唔負責任嘅人，要其他同事幫你做埋你嗰份……」
朋友聽完上司的責罵，氣上心頭。一怒放下辭職信後，趕往醫院陪伴老父過了人生最後幾天。講起這件事，朋友這樣說：「冇咗份工事小，但呢件事嘅發生，卻令我睇清楚我嗰位老細，跟唔過囉。咁做落去冇意思啦……」
這個我心裡明白。據說朋友那位上司「義正嚴詞」教訓朋友一頓後，還有朋友幾位同事也親眼目睹其經歷後，覺得這個老細跟唔過而離開。 我覺得這件事大概只是導火線而已。冰封三尺，絕非一日之寒。

可能小弟職位低，真係唔明點解有 D 人可以打工打到屋企都唔理？真心講句，今時今日的公司文化，要郁就郁，話之你先前返足七日，朝七晚十一吖！
又因小弟是學徒做起，所以不嬲頗體諒低層員工，亦明白他們那個年代，沒這麼多進修途徑，還有他們的年代，會較當今早婚，會有小朋友亦不方便進修，經驗撘夠就是了，但眼見有些管理層，總是看這些人不順眼，整天單單打打，踩低他們以托起自己幾高學歷，在我眼中卻只是突顯其不知所謂，老實講，無佢地幫你起貨，D 嘢會自己攪掂架？

原罪

人在中環 - CK
屋企行先
(2012年05月02日)

朋友的爸爸早前病危，醫生說她爸爸應不出幾天就離開。朋友 ...
hk小文 發表於 2-5-2012 09:14 PM

不能同意更多…
好多人被自己手持既少少權力腐化…

真係好得人驚…

cchong420

入面個上司真係要叫佢 collect his/her skin 啦:74:
而家打工同你賣身呀
妹仔賣身都可以請o下假探屋企人啦:38:

00_GUNDAM

除非根本好仇恨自己父母, 否則白痴都識點做.........又或者佢老細係苦肉計, 等佢伙記無牵無掛咁走......:66:

大舊金

:67:你朋友辭工依個做法好正路！如果佢唔陪伴老豆行埋人生最後一段路！佢一定後悔一世！依d咁冷血既老細留番個天收佢

呂品器

有左小朋友之後，更加覺得家庭珍貴。

一方面好錫個仔，另一方面瞭解到父母付出左幾多同果種心情。

如果有人話屋企人有事都唔理先叫professional，X你。

快快

工一份 ger, your friend had made absolutely right decision, her boss isn't humanity!

玩具

其實係唔係香港先係咁
總係接觸到好多上左位就... 唔講到泯滅人性咁嚴重
但係一上左位就會欺壓下屬既人 ?

hk小文

其實，有一句說話，我不嬲覺得好"銀"耳的，好多大企業都喜歡說(藉口/推倘)，"以股東利益行先，要同股東交代"，咁企業內的職員、工人算係咩？究竟係班股東(股份持有者)幫緊公司揾錢，定係班職員、工人幫緊公司揾錢呀？幾時 D 公司先會同 D 職員、工人交代一下呢？