從前有一個漁夫,每日都對住個海打撈.
有日有個神仙同佢講,我同你有緣,會滿足你所有願望.
漁夫想有一間山上既豪宅,神仙就變左一間3000呎既別墅比佢,
漁夫想要一個靚老婆,神仙就變左一個天下最靚既女人比佢.
之後漁夫想有權,有勢,有地位,有名氣,於是神仙令佢做左總統.
30年之後,
國家出現反對派,漁夫每日為左滿足所有人既欲望而痛苦,
結果佢放棄左做總統.
返到3000呎別墅,佢見到妻子同其它男人上床,
佢即刻將妻子趕走.
剩返一個人留響別墅,漁夫感到好寂莫,於是請求神仙將佢變返去海邊打撈.
香港人就等如漁夫.........
以前一家幾口住一個單位,到依家個個都要獨立,
於是政府推大量既住宅用地,填海移山.
病菌滋擾街市,個體商戶,於是就出現大量有監察既超市,連鎖商店.
去到今時今日,有邊一部份唔係照住香港人既"願望"所做成?
當願望達成之後,就開始追求心目中所謂既完美..........
於是就產生哩個帖既文章.
入面作者所有既不滿,只要搬去深水堡已可解決.
有街,有公園,有街市,有個體商戶,買野買樓又平!!
將軍澳只係純住宅用地,為左供應"住"既地方.
住既地方解決左,但又承擔唔到願望背後既缺點,
咁香港人同漁夫有咩分別? |