有冇大大認真諗過賣晒全部/大部份自己既玩具??

BlackD

回復 45# movie_arms
其實,我的收藏大大話話都有40~50萬, 以前一出糧就會去上獻各大玩具商, 自從前年hottoys 動漫令我大為受氣, 我就成日諗, 做咩咁傻個個月比埋錢人洗仲要受人氣?
經過一個月反思.....人生打工為左玩具? 係唔係傻左D....老婆又未有, 樓又未買到, 個個月辛辛苦苦打黎的工錢獻比人仲要比人話傻仔? 又要租地方擺, 又要佔哂間房黎擺, 仲有公司都擺左一部份, 買埋買埋咁多又冇地方SHOW 出黎, 訓都訓得唔舒服, 為左玩具打工? 唔好咁搞啦....點都要做返D野, 賣哂D玩具都夠首期啦......就算唔買樓都要夠錢擺酒啦, 閒閒地都30萬先搞到個婚禮......

而我放棄之路的第一步就係賣左隻EX黑三一開始(果陣仲賣到9000幾10000蚊的),之後就把心一橫上網擺哂所有野出黎賣Q哂佢,睇下有咩反應.....點知反應空前的好.....頭半個月就套現在10幾萬出黎, 為左獎勵自己儲左一半錢,另一半就買左我人生第一隻勞力士SUBMARINER......(曾付出 幾多心跳 來換取 一堆堆 的發票 人值得 命中減少幾秒 多買一隻錶)......買錶其一係用時間黎警惕自己, 比我睇住時間黎做人, 亦要自己知道時間不是永恆的、其二係因為我係公司成日要同其他部門開會, 同埋成日工幹, 買隻靚錶都唔好咁失禮自己。

之後果幾個月陸陸續續賣到好多野, 全部都係回頭客多, 咁又套現左10幾萬, 果度己身套出左大半收藏。

之後余下果D POPY本身唔打算賣的, 不過對自己黎講已經冇左價值, 所以上個月擺淘寶賣, 而家仲有KEEP 住賣埋D舊野, 個個月都有2~3千人仔的玩具賣出。

你可以話我窮冇錢買玩具,你可以話我傻, 但....因為我老了...係時候要計劃下一步了。

不喜勿插, 純粹係我自己的身路歷程

chan_mou

回復 61# BlackD
大大真的很瘋狂
買得瘋狂
賣得更瘋狂

自由之翼

多好玩的東西早晚會放低:52:

T_A_I

回復 1# movie_arms


我都賣緊d舊玩具,
不果唔係因為想戒玩具,只係d新的太貴..
去舊迎新等自已無咁傷....

T_A_I

回復 1# movie_arms

咁你有無唔要的robot魂想唔要呀~~
平平地讓畀我啦~:shiny:

Inspector2211

諗都未諗過，但我的另一半可以張佢日本造嘅公仔九成送哂比人，我問佢點解，佢話屋企冇位，同埋可以俾我擺多D，我聽到心都UP埋，但另一方面十分開心，佢可以對我咁好:34:

yazoo1667

我上年已開始呢個清倉計劃啦!開頭真係有d唔開心!不過而家反而知到自己想要d乜!
放下放下連d以為冇乜人要d貨都去到!一年未夠返本十皮有多!最開心就係練到自制行街睇玩具(唔係買)成年只買過唔超三千蚊(只買識GA合金)!

shawn.

我自己本身就買D 賣D甘 之後就有選擇地買 非好中意個D睇下就算了

小堅

三百幾盒
iamfinethankuuu 發表於 23-4-2012 10:12 PM

畀你發現左呢個大秘密添...
:58:

movie_arms

近排我買少咗玩具
我意識到冇咁多空間存放玩具盒
有d升咗值既我都會賣出去套現
cybster 發表於 23-4-2012 10:03 PM

我如果賣就難d有升
因為全都冇晒盒, 因為盒太阻地方, 基本上都唔留盒~
同埋賣主要為空間, 香港地寸金尺土, 隻玩具既價錢+ size x 樓面尺價, 其實貴過件貨本身既價錢好多, hahahaha

movie_arms

最大原因係心態轉變左!
toysfans2000 發表於 23-4-2012 10:59 PM

小弟願聞其詳, 望大大分享~

movie_arms

其實都有好似大大咁時買吓時賣吓, 但依家都儘量唔想去賣咁麻煩, 所以最好辦法就係縮減所儲系列 ...
半田健人_555 發表於 23-4-2012 11:41 PM

呢個留 Line 唔留角色都係一個好方向
但係面對一d自己 Like 既角色既玩具, 但係果件係自己唔留既 Line 既 product
大大會點? 狠心? 定係為左個角色而通融一下佢?

neoneo

有打算賣去大部份，主要是玩HT後佔了不少地方，每次都「買果刻興奮、找地方放就頭痕」，大大減少其樂趣！

仲有，以我個fan為例，如果以每個月最少花$2000去計算，一年便花了$24000，五年便花了$120000！這些錢不算少，只是每次花幾百幾百唔多覺，但儲起來的數目其實可以好驚人。雖然話炒賣可能價錢更高，但又有幾多個宅男捨得放棄心頭好呢？

不過我也只是「打算」賣去大部份，好多玩具都好唔捨得！而賣玩具也很煩！

movie_arms

我都放緊D，都係扭蛋盒蛋多，我連SHF條LINE都停埋，雖然到而家都只係放左幾隻SHF 的異魔神，但過多一排我應 ...
神無雙魔 發表於 23-4-2012 11:53 PM

同上, 如果面對 SHF 自己 Like 既角色, 點處置?

movie_arms

回復  movie_arms
其實,我的收藏大大話話都有40~50萬, 以前一出糧就會去上獻各大玩具商, 自從前年hottoys ...
BlackD 發表於 24-4-2012 12:15 AM

非常感謝大大分享, 小弟情況不盡相同
因為小弟一向唔俾自己入12吋坑, 所以條數大極有限, 但講緊一年都放3萬左右入玩具
小弟之所以諗放唔放, 因為眼見屋企空間有限
更重要既問題係, 究竟咁多玩具之中有幾多係真真真鍾意, 而又有多少係為買而買
有諗過買左五成之後, 就努力將自己既 Display 櫃 "定格", 即係唔買唔賣~
呢個境界, 唔知可否達成.....始終要今天的我打倒昨日的我
要狠心推翻自己當日買既決定, 變相係指主自己講: 你個死傻仔, 當日根本就唔應該買喇!
呢家已經諗點決定邊件留低, 原則應該如下
可以留低既門檻要高, 往後入手既門檻亦要高
大大賣既時候會唔會好唔開心? 賣完又會唔會後悔或者掛住d賣左既舊愛?
而大大留低既玩具, 係以咩準則決定留低佢地?
再謝大大分享~