|
|
|
本帖最後由 SuperBus 於 19-4-2012 08:57 PM 編輯
(麻帆良市時報記者 / 桜高輕音部記者琴吹 紬報導)
九巴喺1993 年引進共 24 部全港獨有嘅 Dennis Lance (長矛) 大型單層空調巴士,
全部配上由 Walter Alexander 提供嘅 PS 型車身,
其中 12 部為雙門規格, 主要服務於客量較高但係不致於要使用雙層巴士嘅路線,
佢地新落地時主要行走 30X, 238M, 238X 等路線, 亦有於 203E,
甚至過海路線 110 出現, 晚年就主要於北區路線, 例如 273 同 278K 等路線行走,
由於呢批巴士已經年事已高, 最後一部服役嘅長矛, 亦於 2010 年 10 月退役,
同時亦表示呢批全港獨有嘅單層空調巴士從此消失。
今日, 麻帆良市正式歡迎九巴 Dennis Lance 單層雙門空調巴士登場!
呢款全長 11.7m 嘅單層大巴, 因為佢嘅英文諧音, 而被九巴稱為 "領先",
亦有人以 "躪屍" 呢個粗俗詞語稱之, Super Bus 話,
記得當年 1993 年開學後冇幾耐, 當時升中四, 喺放學之後坐巴士返到黃埔花園總站,
見到一架全新, 車身外型教人眼前一亮嘅大型單層巴士停泊喺 30X 嘅車坑,
走近去睇, 佢就係當時已傳九巴所訂購, 但係因為車身散件付運一再延誤,
加上當時九巴屯門車身裝嵌廠兼要應付城巴新車嘅裝嵌工作,
以服務城巴由中巴手中取得嘅 28 條路線, 令車身裝嵌工作一再受拖延嘅 Dennis Lance 啦!
Super Bus 話回想起當時見到新車嘅第一個感覺, 佢車頭英俊蕭灑嘅設計,
同埋佢修長嘅車身, 著實令佢留下深刻嘅印象, Lance 長矛嘅名字,
配上佢修長嘅車身就更適合不過, Super Bus 仲話,
記得以前曾經坐過好幾次呢D 九巴車隊編制為 AN 嘅單層大巴,
感覺好特別, 而且又舒服, 或者係因為以前 30X 用嘅空調巴士,
全部都係由雅高巴士租用嘅台灣車身日野巴士, 全部用葉片彈簧避震,
乘坐感覺唔同啦, 當然長矛巴士嘅高載量, 卻係日野巴士不能相比嘅,
不過隨住 30X 客量增加, 呢D巴士亦慢慢應付唔到需求,
隨住更多新式嘅雙層空調巴士引入, 呢批長矛巴士亦喺 30X 線慢慢絕跡,
加上呢批巴士亦於 2010 年全部退役, 長矛行 30X 嘅景象, 依家亦只能成為回憶啦...
隆重歡迎! 九巴 Dennis Lance 單層雙門空調巴士, 見參!!
證書編號 029, 限量只出 100 架
貼好車身水貼, 正式落地!! (淨係D水貼都攪左我成粒鐘... oAo )
內籠實在正到冇得頂~!
同單門 110 長矛合照, 鐵車 (單門版) 同樹脂膠車 (雙門版), 到底邊架做得好D呢?
一於來一個對比先~
個人感覺 -- 其實大家各有各好, 各有各精細,
只係鐵車內籠嘅扶手#環又真係粗得有D過份...
九巴 / 龍運長矛家族合照
真車相片, 姊妹車 FP5902 (AN9) 攝於 1993 年 10 月/11 月 @黃埔花園, 行走 30X
小劇場~ XDD
話說麻帆良市呢排因為冇乜新車引入, 令初音悶到發慌,
今日嚟左呢架雙門長矛, 初音終於有得活動一下, 來車房做檢收工作...
(初音) Super Bus 呢條人粉, 真係識左女朋友就乜都唔理,
連新車都唔入下, 今日至入左呢架神野, 真係有異性冇人性...
正當初音準備開工之際, Vocaloid 大阿姐 Meiko 拎住一大支 Sake,
滿身酒氣, 啤啤乎咁行過來...
(Meiko) Super Bus 呢個負~~~心漢, 竟然瞞~~~住我~~~走去識~~~第二~~~個女仔,
我一定唔會放~~~放~~~放過佢~~~佢~~~佢嘅~~~哈~~~哈哈~~~~哈~~~~哈~~~
(初音) 嘩, Meiko 姐姐妳又飲醉酒呀...!!?
(Meiko) 啊啊啊~~~呢架就係 Super Bus 最鍾意嘅長~~~長矛嗱~~~?
佢有左第二個仲洗玩巴士咩~~~??
呢個時候, Meiko 突然好似失去常性咁將成架巴士拎起!!!
(Meiko) 古代三眼民族至高無上! 神聖長矛號令天下!! 出嚟啦, 神聖長矛!!!
等我一支神聖長矛掟死 Super Bus 啦, 嘩哈哈哈哈哈哈哈!!!!!!!!!!!!
(初音) (---嘟嘟嘟---) Meiko 姐姐飲得太多 Sake 攪到發酒癲,
仲扮埋三眼小子添, Someone please help me~~~!!!
由於呢架長矛已經成為左犧牲品, 希望有關方面可以寄多架新車到本廠 (註: 認真你就輸鳥! XDD )
*以上故事內容純屬虛構, 劣作一篇, Thanks for reading~ ^^ |
|
發表於 19-4-2012 14:06:19
樓主
