內地 20年來首封殺港劇 隱喻六四天與地 is dying

冬暖夏涼小恐龍

這是六四 22年來，首部華語劇集被內地當局禁播。 30集《天與地》由無綫投拍，林保怡、陳豪、佘詩曼、邵美琪及黃德斌領銜主演，監製戚其義。劇情講一個「人吃人」的血淋淋故事，被指隱喻六四屠城、殺同胞慘案；故事講述當年一宗血案改變了三男一女四位主角的人生：有人忘了血案變成麻木者；有人因血案要用一生來懺悔救贖；有人如常生活；也有人堅持理想，獲眾人仰慕愛戴。
:71:

威哥仔

有乜所謂, 大陸無得睇之嘛, 佢上面d狗咩都驚架啦!

我愛媽咪

好老實，小弟根本睇唔出套劇同六四有咩關係，
其實外國好多災難片，講為求生，都係人食人，好多真人真事都係咁，
談不上與政治拉上關係，明眼人一睇就知。
根本就係創作人自己羅來衰，套劇收視低，當記者問佢，食人既意念係咪同「六四」有關？
佢就順口話係呀！係呀！乘機想刺激下收視，加強自己創作深度。
點知此言一出，引來迴響同討論。
上面「亞公」睇到，點會唔觸動到大腦神經，將你封殺！

老文

上網咪有得番睇囉....不過呢套劇既演員真係做得好好...故事亦好反映人性同香港情勢..好睇:71:

小櫻

據說...

這是國內網民給出的《天與地》被封殺原因... :67:



睇得唔清楚的話... 可每天繁忙時間到崇光百貨正門前看看...

呂品器

恕我真係睇唔明呢套戲同六四有咩關係  

有殺人既TVB電視劇，有幾多套唔係殺同胞？:67:

查實我都唔係好明套戲幾有深度...  可能我水準唔夠啦

Garycharm

我 OK 支持套戲，
一來見拍得有心機，起碼睇劇情鋪排，冇乜「飛紙仔」臨時改劇本痕跡。
二來難得CCTVB 肯行險峰，肯出一套咁o既劇集，都想支持一下香港本套電視劇。

至於內涵嘛，一般般啦，求祈搵到舞台劇都勁過佢。

呢套始終係電視劇，唔係話編劇唔得
（總編劇是寫出【金枝慾孽】的周旭明先生，曾寫出「演戲家族」的戲寶【遇上一九四一的女孩】）
依家咁程度，D 師奶都話睇唔明，
編劇重可以點？

TVB 劇有一個大問題係每套劇都太長，
小劇集二十集、中長劇三、四十集，
一段人物關係點都要繞多幾個彎、
又要加下酒吧戲、露台戲講下心事，重覆劇情俾師奶跟跟劇情，
就算有好橋都會撚到悶。

呂品器

我 OK 支持套戲，
一來見拍得有心機，起碼睇劇情鋪排，冇乜「飛紙仔」臨時改劇本痕跡。
二來難得CCTVB 肯 ...
Garycharm 發表於 29-12-2011 02:10 PM

我又唔會話編劇大佬同師奶們d咩；百家應百貨，有需求有市場，我根本唔係佢target audience...

P.S. 我唔係咩高深人，我鍾意睇公主嫁到架。

Garycharm

我又唔會話編劇大佬同師奶們d咩；百家應百貨，有需求有市場，我根本唔係佢target audience...

P.S.  ...
呂品器 發表於 29-12-2011 03:05 PM

公主嫁到唔太差，
唔係講笑，我同好多人講過，
我覺得好過義海豪情。
起碼有得笑下、起碼我知自己係睇緊一套「有D 師奶」o既喜鬧劇。

講開義海，又係衰劇集太長，
中段又係兜兜轉轉，我直情唔知佢想點。
（先天缺憾，比較日劇集數就好明白喇）
鄧粹雯好戲、好睇，不過黎耀祥角色又難造又唔討好，
好在有麥包排骨，佢兩個真係好得！

又講兩句金枝慾孽，TVB 明知自己宮庭戲唔夠內地鬥，
搞套師奶版，可以淡化/無視自己對歷史貧乏，殺出血路！


至於今次【天與地】，
題材有點敏感是真的，不過更大原因，
相信同近日內地情況有關~~~

玩具

不是 '戲' 同六四有關係
而係故事引子同人物性格分配以六四做藍本 je !
唔係咩高深 !
藍本 je !

就算要講套戲 , 都唔係咩高深...
只係手法同一貫無線戲有點分別...
而同時睇開無線劇的人又無咩心機去留意 je...
無話過唔鍾意睇o既人係 '咁都睇唔明咁渣 !'
所以唔鍾意o既又唔使咁大反應o既~~~

的確套野節奏係可以改進
我都唔係集集睇
其實而家開始講直接衝突啦
應該會開始似返一貫無線戲架喇 ! 無睇開的可以試下睇我覺得 !

Duraxyll

我自己就好buy呢套劇。
有啲野你只要耐心啲等， 答案自然會提示比你， 但無講明講白比你。
例如林寶怡有無同嗰個Cloris 上床, 定係陳芷菁自己多疑呢?
同埋點解林寶怡同Cloris 上床, 無直接交代， 但你要留意前邊某一段先明.

但我唔係好明點樣同六四有關.....
你話四個主角象徵某階層嘅人物就話姐。  食人所象徵嘅野可以有好解釋je.