|
|
|
本帖最後由 SuperBus 於 22-11-2011 11:09 PM 編輯
(麻帆良市時報記者 / 桜高輕音部記者琴吹 紬報導)
為左提升巴士服務質素, 九巴喺 1980 年代末開始引進空調單層巴士,
並且向雅高巴士租賃當時該公司最新引入嘅日野豪華巴士, 開始拓展空調巴士路線服務,
隨住九巴喺 1988 年接收由英國 Leyland 車廠提供o既空調版 Olympian 11m 雙層巴士
(九巴車隊編號 AL1) 作試驗並且取得成功, 於是九巴由 1991 年開始,
主力購入空調雙層巴士, 為旗下部份路線加入空調巴士服務, 以進一步提昇服務質素,
並且為旗下車隊空調化展開序幕, 但係當時空調巴士尚未好似今日咁廣為大眾所接受,
而且使用空調巴士服務, 意味住代價就係要付出較高嘅車資, 而且以當時嘅社會環境,
因為空調巴士同非空調巴士車資差距問題, 市民亦擔心加入空調巴士服務等如變相加價,
加上當時受到空調巴士數目限制, 喺市民同壓力團體加上政府嘅壓力之下,
九巴亦只有順應民意, 喺引入空調巴士之餘, 亦引入一定數量嘅非空調巴士, 等市民有得選擇。
九巴喺 1986 到 1994 年間共購入 371 架 Dennis Dragon 11m 非空調巴士,
(其中一架底盤喺運到香港時損毀, 結果只有 370 部巴士出街)
當中喺 1994 年投入服務, 為數 50 部嘅 Dennis Dragon 11m (車隊編號 S3N271 - 320),
就成為呢個背景之下嘅犧牲品之一, 佢地原本係空調巴士底盤,
而且車尾亦係 "空調尾", 只係冇左空調系統同其他相關組件,
所以車尾亦被 "密封" 起來, 以便日後有機會裝回空調系統,
因而得到 "密龍" (或者 "密籠") 嘅稱號,
呢 50 架 "變種" 巨龍之中, 有 25 架配有 Cummins LT10 引擎同 ZF4 HP500 四前速自動波箱,
另外 25 架就配用 Gardner LG1200 引擎同 Voith D863 三前速自動波箱,
由於佢地無須再驅動空調系統, 馬力亦相對地比較強勁,
呢批巴士初時以灰白內籠同座椅配搭, 但係好快就被換上非空調巴士嘅啡色座椅,
同其他前輩一樣, 呢批巴士幾乎喺港九新界都見到佢地嘅蹤影,
踏入二十一世紀, 呢批 "變種" 巨龍嘅車齡亦漸漸增長,
加上九巴已經落實 2012 年車隊全線空調化,
呢批巴士亦喺今年 2011 年大規模退役, 尚餘一部仲行走當中,
預料呢架最後 "密龍" 亦將會喺今年或出年跟隨其他現存行走嘅非空調巴士陸續退役,
以兌現九巴喺 2012 年車隊全線空調化嘅承諾,
遺憾地, 呢批巴士由新落地投入服務到退役,
都一直以非空調巴士嘅裝束示人, 無緣以空調巴士嘅形象為市民服務。
今日, 麻帆良市正式歡迎九巴 Dennis Dragon 11m "密龍" 成為本市新成員!
呢批 "密龍" 使用左當時喺熱狗巴士上首次使用嘅黑色鋁窗框加全茶色車窗配搭,
加上呢批巴士初時以灰白內籠同座椅嘅配搭, 如果唔係因為佢地嘅熱狗車身色,
真係會令人以為佢地係冷車, 不過一入到車廂就真相畢露啦,
(但係車廂入面嘅頂棚仲有冷氣槽呢下先至攪野! 不過都已經變左做裝飾品咯)
但係被密封嘅車尾, 亦令人聯想到佢地有空調巴士嘅影子,
Super Bus 話呢款 "密龍" 佢搭得並唔多, 最有印象係一次坐佢行 69X,
由九龍車站入天水圍, 佢話當時嘅感覺, 雖然係冇冷氣,
但係行屯公都一樣咁爽, 或者係因為佢唔洗再拖冷氣,
引擎有得可以盡情發揮啦, Super Bus 仲話, 呢批車話哂原本都係冷氣車,
結果因為民眾壓力而成為犧牲品, 誠為憾事,
始終喺當時空調巴士仲未好似今時今日咁受落,
直到新城兩巴先後全冷, 喺今時今日空調巴士已經為大眾所接受嘅時候,
呢批熱狗巴士喺大眾心目中無疑亦顯得過時, 舒適度亦唔及空調巴士,
事實上九巴現存嘅熱狗亦已經所餘不多, 隨住九巴明年全車隊空調化,
佢地亦將要見證住九巴嘅熱狗年代正式結束, Super Bus 講到呢度亦深表感概:
"始終時代嘅巨輪係不斷地轉, 就好似以前大哥大手提電話係上流人仕專利,
依家就普及到連讀緊小學初中嘅都可以見佢地一路行一路篤 iphone, Android,
我呢D依家仲用緊摺機嘅, 出街比佢地見到都覺得我 Out 啦~!"
隆重歡迎! 九巴 Dennis Dragon 11m "密龍", 見參!!
今日除左密龍到之外, 仲接收埋小涼宮漫畫同 KOTOKO 最新嘅 CD Single~
證書編號 0054, 全球限量 400 架
正式落地!! 小唯又嚟迎接新車啦~
真車相, 攝於 1994 年屯門九巴車身裝嵌廠
真車相, 姊妹車 S3N291 攝於 1994 年沙田市廣場
小劇場~ XDDD
話說上次鹿目まとか初出場就將架大口蘭搖身一變變左一架大富豪, 連初音都大吃一驚...
今日呢架變種熱龍初到貴境, 初音又嚟驗車啦~~
(初音) Super Bus 最近成日掛住玩 Cosplay, 有新車嚟都唔理, 真係...
呢架車...又話係冷氣車嚟嘅? 呢架點睇都似係熱車啵, 但係又封左車尾, 即係算點...!?
呢個時候, 鹿目まとか出現
(鹿目) 呀, 初音姐姐妳又 Tune 車呀?
(初音) 做乜呀? 又係妳個廢怯少女呀?
(鹿目) 乜野廢怯少女呀?? 我係魔法少女鹿目まとか呀~!
(初音) 係咩? 但係呢度明明係叫妳做廢怯少女啵, See?
(鹿目) (汗) 我唔理妳, Whatever... -.-"
鹿目まとか同丘比走近架密龍前面...
(鹿目) 呢架就係巴迷界中叫嘅密龍嗱?
聽講佢地原本係冷氣車嚟啵, 變左做熱狗實在太可惜啦...
(丘比) 小圓, 咁不如用妳嘅魔法將佢變做一架冷氣巴啦~
(鹿目) よし~~
(鹿目) 魔法!! 光の矢!!!
中!!
Moments later...
(鹿目) See, 變左冷氣巴果然成架靚仔哂~
(丘比) Good job, 果然係不凡嘅魔法少女~
(初音) 喂, 比妳咁玩法咁我仲洗玩嘅?!! 小心 Super Bus 唔放過妳呀!!
(鹿目) 係咩? 我好似見到佢喺外面扮男初音啵~ XDD
(初音) What the...???
(鹿目) See~
*是日攝, 多謝扮初音嘅朋友仔幫手~ ^^
長文一堆, Thanks for reading~ ^^ |
|
發表於 22-11-2011 17:02:58
