|
(轉載)
點解LINE上位短短2日後, 香港就滿地傳言指程式會誤收費同侵犯私隱?
邊個要製造鋪天蓋地既讒言, 要將LINE趕入絕路, 甚至要在applestore下架?
LINE最煞食之處在, 可以簡單一個制就可以同其他用戶通話,
做到同平常打電話一樣方便, 通話質素比skype高,
亦因為係常註程式, 唔駛好似skype專登login先搵到朋友,
潮童都識用(我諗唔係個個mk識skype)
當短短2日數十萬香港人爭相用LINE,
絕對威脅到電訊商利益,
whatsapp已經令到短訊數量劇減, 電訊商以往靠跨網短訊賺錢的日子不復再,
用戶亦唔駛因為遷就朋友而用同一個台(以前好興為sms而集體用風球), 令佢地收入大減.
如果LINE用戶都會利用個DATA通話功能,
所謂同台通話分鐘, 跨網通話分鐘就會變得形同虛設, 影響靠爆分鐘賺錢的電訊商收入
影響更深既係佢地最賺錢的IDD服務,
以往要10蚊1分鐘的長途電話, 現在可以免費, 而通話質素比skype高, 與一般通話無異,
你話對電訊商利潤損害幾大?
利益關係下, 電訊商就製造謠言令大量無知用戶卻步,
齊齊uninstall LINE, 佢地就繼續袋袋平安
電訊商最賺錢係DATA同IDD,
為防LINE死灰復燃, 或者其他新既apps可以利用DATA通話,
威脅最根本既通話服務市場.
全港電訊商就用你地用戶濫用數據為由, 取消無限DATA計劃,
為的是控制你使用DATA既自由.
佢地只希望你用DATA黎上網睇新聞, 睇下短片, 覆email,
最好就俾錢用佢提供的服務啦,
最好唔好串流用黎睇JTV, 聽收音機,
佢地最唔想你用黎數據通話, 打IDD, whatsapp, 損害佢地既得利益.
佢地要賺你錢, 賺到盡, 賺少左就係你地用戶既錯, 好難向股東交代
想當年smartone個廣告, 宣傳係地鐵拎部nb用3G同朋友玩online game,
今日你玩就係濫用數據了 |
|