【幪面超人劍】小談

Garycharm

我一直不大喜歡【幪面超人劍】，有幾個原因：

一.不喜歡他的造型。
是的，在我眼中，不計新的那隻白色鱆魚，平成最醜的拉打，我首推電王、第二位就是「劍」了。

二.男主角不夠魅力，
劍崎先生外型不討好，身型瘦削、又常常矇眼、瞄嘴；但最致命的是-----不起眼，
尤其前半段，「上班族菜鳥超人」本來很有趣，但要演員有能力去駕御才會討好。
但演員力有不逮，加上劇情集中在另一超人橘朔也身上，
當然，相川始也是「原兇」之一，劍崎大大失色。
此外，文場戲又給白井虎太郎搶去，劍崎頭二十話可謂全軍覆沒。
（相同情況，只要和龍騎比較，就知原因）

三.次男主角討厭
頭十多集的戲份集中在橘身上，而這個角色，
聲大夾惡、兩面三刀，最大問題係，好煩！
討厭程度直逼「草加雅人」！！！
（橘的角色，在陸月出現時才見好轉）


說了那麼多缺點，
其實我是頗喜歡【劍】的，在平成拉打劇中，我給他的評價在中上.....
相信很多朋友不會同意-------------我給【劍】的分數甚至略高於古迦和響鬼。


和【Kabuto】相反，【Kabuto】頭十集堪稱拉打經典，然後一路差......
【劍】當看到故事中段，角色關係開始成形，劇情明朗化，
十分有追看性。而結局，也算是拉打劇中較能自圓其說的一個。

嗯，
要說的還有很多，
但先留點空間，
大家吹吹水。

老文

劍我都真係睇到10多集後就開始頂唔順..最後只想睇king form出場矣..故事..都好悶呢.成日就係見到個"橙"先生..鞋口鞋面.已經不想追爬了..電影版都有睇,但感覺都係一般同堆砌得攞命.係missing ace變身時幾有型矣:77:

玩具方面..暫時以king form大膠最為小弟欣賞..之後就到裝著變身

Garycharm

o下？！

呢套電影版唔算堆砌喇師兄，去到電王後來先得人驚！
我個人甚喜歡【劍】的劇場版。

同是劇場版，
相對【響鬼】、【阿極陀】外傳式的抽離、
【龍騎】、【Kabuto】的平行世界再述，
【劍】給觀眾另一個正式的「TV 版結局」。

最有趣的是，這個結局原來是另一個開始。
然後故事發展海闊天空。

【劍】劇場版有好多看點，單是一個「退休超人」橋段就好夠玩味，亦堪玩味。
新舊超人交替磨擦看得人會心微笑。只可惜後來發展流於公式，不夠盡興。

劇集開場，劍與 Joker 雨中大戰，高速高反差拍攝、硬橋硬馬功夫、拍得超水準，亦乃一場經典！

我最不滿是劍崎取會變身咭一段戲，你可以變得番超人，我係預o左，不過你來得太輕易了。
如果能拍到劍崎和劍怪人同歸於盡、然後絕處逢生（又唔係咁難拍o者~~~），
本劇層次當更上一層樓~~~~

原罪

魔術師大大，咁奇怪你突然開個post講"劍"既？
不過好少見到劍fans，入黎吹兩嘴…

但先聲明，小弟平成拉打中…最討厭既拉打一定有劍份，當然現在已經出現皇者decade，小弟真係恨之入骨。
而劍小弟唔欣賞既地方，小弟係td最少都講過兩次…

你有興趣先再提啦。
但小弟真係好想知點解大大咁欣賞。
之前小弟都好唔喜歡既阿極佗，都有大大好欣賞，令小弟多個角度再分析套野…

雖然都係唔鍾意，哈:DD
我都好想聽下自己唔喜歡既野，人地欣賞d乜呢？

指教下。:77:

Garycharm

老兄，你係咪有出過post 講過【劍】？
可唔可以俾條 link 睇睇？

吹水嘛，當然有唔同角度先好傾~~~


我都好鍾意阿極陀。
平成拉打劇之中，論劇本，我最喜歡龍騎、555、阿極陀。
至於W 、電王，我都鍾意，不過佢o地成功，並不靠（起碼不是單靠）劇本~~~

原罪

http://www.toysdaily.com/discuz/ ... hlight=&page=14

197樓，呢次應該係第二次打關於「劍」既劇情…
第一次唔記係邊個post鬧羅~呵~

Toro

Blade其實客觀去計,好多地方都唔算做得差,但慘在亦唔稱得上有乜特別好...
4張牌4個RIDER,造型幾好呀
套片好踏實去拍,但總係覺得冇閃點,好平實,至今都提唔起勁去再睇.
佢做得最好,我覺得係批SIC...有齊,係冇買四眼仔D貨.

人氣方面,好怪,連HIBIKI完全唔收得,但有一批FANS特別喜愛佢,
相反Blade就樣樣都好似太"中規中矩",好少會成為玩家們心中的平成top 3之選.

Garycharm

Toro 大大說「冇閃點」，正正講出【劍】最大缺點。

本來「打工」拉打會係呢套戲最大特色，不過就如原罪兄講：間公司一開始就執o左，搞到成件事進退失據。後來有個肥伯壞人，話係幕後大老板，又話原來劍持做幪面超人一直有出糧.......本來個設定冇大問題，不過劇情中段一定要有交待，如果做得好，套戲會更有漲力。可惜依家肥伯壞一切欠交待，成為中尾段亂入劇情，成件事好無理頭........其實呢類漏洞好多拉打劇都有，相信係幾位編劇分工之過~~~~

講到亂入，我極欣賞中段相川始失憶一段，好好玩好好笑，
尤其相川一直由頭 cool 到尾，忽然變到超低能，調劑調劑，又可以俾觀眾睇睇演員另一面，
效果甚好。

當然，呢類噱頭只能偶一為之，可以推動劇情發展、但不能改變劇情方向（很抽象？），
也不能大幅改變角色設計，否則會是大災難。

拉打史上最可怕例子，是Kabuto 廚神大賽！！

davidki99

最好睇都係 w
其次係 agito 同 響鬼前大半段 :64:

Garycharm

最好睇都係 w
其次係 agito 同 響鬼前大半段
davidki99 發表於 25-10-2011 12:37 PM

講個秘密俾你聽，
...我一直驚俾人打唔敢講：
其實......平成拉打之中，
我惟一一套頂唔順，冇睇晒o既，
係...












響鬼......{:3_132:}

老文

回復 10# Garycharm


   噢...響鬼係個結局不如自己的理想..其餘人物或故仔都ok順眼的:35:

我劍,電王,kiva..都因為覺得悶而無睇晒..agito睇晒但覺得拖,結局求其..555覺得後段唔對路..但算完整.


亦只有古加我再有番睇2.3次的興趣,故事,人物性格,劇情統一.完整..中段電單車大戰,尾2雪中終極決鬥,我自己都不知在網上番睇過幾多次,而最後3.4集我覺得可以算係經典,絕望與希望,黑與白,悲與喜,對比強烈,我覺得佢地真係花左好多心思去拍...之後追agito都係因為之前古加做得太好之原固,但最後都係失望而回.謝分享

老文

kabuto又係睇到想殺人咁濟.....龍騎再睇番覺得都幾好睇,但感覺始終唔夠古加咁強烈,龍騎2集劇場版都算上佳之作:64:

Garycharm

回復 11# 老文


我點都會搵時間完成【響鬼】，到時再同大家傾~~~


我唔多覺阿極陀會「拖」，當Another 出場、翔一表露身份，我甚至睇到欲罷不能！反而最後幾集，真係搞得幾無厘頭。當然，亞極陀用一招 rider kick 收場，更係........

古迦故事簡單，勝在直接熱血。一個超人，四十幾集劇情，足足有十一個升級變身。劇本都幾難會出錯。我喜歡古迦，不過撇除平成第一拉打情結，故事始終太平淡，女角不夠多，又多多少少有點基味（雄介同個警察唔係識o左好耐，竟然玩 目訓 大脾~~~）。結局方面，黑與白算完整，但又始終少了「謎之一集」，美中不足，所以在我心中排名不算高。


555 結局唔對路？你係咪講木場勇次？
其實由第一集開始，木場會做最後大佬已經係好順理成章，
睇佢一直以o黎o既經歷，都算有足夠描寫。不過係臨尾有少少變得太快~~
又，木場勇次根本就係 555 o既主角，亦係我個人最喜歡的拉打角色之一。

至於【劍】，去到後來，我一路睇，一路覺得「劍」同「卡里斯」，根本就係【風雲】翻版，當然「劍」會簡單得多~~~


【電王】你都覺得悶？大大要求真高~~~~:49:

老文

阿極陀會覺得「拖」，係因為好似每集都解唔到謎.去到好後段先解.每星期一集..等到唔想等

古加「謎之一集」的意思係???最後果集?

555開頭好正.無理想的主角會保護人類的理想,蛇佬彈結他,都比到我一種新感覺..之後打鬥就輸果個無lala跌落水就唔再追殺,之後又無咩事再出現(記憶中好似係咁).攪到小弟一頭霧水,另加上張敬軒草加,奸得太賤格..影響胃口吧....hoho:p

電王,追左10幾集開始小小頂唔順因為異魔神我自己都好一般,故事亦未正式入正題,另因為已經要湊小朋友,所以已經無得閒睇晒..:(

Garycharm

我自己最怕每星期一集，就算套o野幾好睇都好，乜 mood 都冇晒。
所以我一係買碟，一係用邪道睇，有時每晚睇一集，有時一晚睇幾集，總之要一氣呵成~~

又，睇拉打劇唔可以太認真：
甚麼跌落水失蹤唔駛死、
幾位拉打明明可以慢慢傾不過又係都要懶激情打番場、
有需要時候非拉打普通人可以徒手打到怪人 目訓 低、
怪人打低超人，事必會放過你；超人贏怪人，一定殺o左你、

至於無厘頭會有 Bandai 讚助升級武器，更不在話下~~:DD

古迦「謎之一集」乃網民的推測笑話。
你有冇發覺大結局開頭，零號打低黑古迦幾個鏡頭好突兀？
總係好似少o左尾二一集？