|
本帖最後由 不肖生 於 5-8-2011 03:17 AM 編輯
本來想影相,但影出o黎效果唔係幾好,又唔想畀人教影相,就唔post了~
首先大家都知[頭以下完全相同]但係咪呢?
其實唔係,係個模相同,唔係完全相同~
講到尾,連頭都唔係完全不同~人頭當然由頭到尾完全不同
但蝙蝠俠頭只有咀部不同,基本面具形狀係完全套用,
只係頭套最底部,貼住胸前個位偷薄左,改善左舊版有明顯不自然空隙~
好勒,咁其他地方,仲有咩唔同呢?
1.斗篷唔同,斗篷係同一個紙樣車出o黎,但以前係用兩片物料相同o既薄紗,底面對車而成~
新版呢隻有明顯[改善]用料係外面絨料,入面襯裡而成~係物料上靚左,工序上難左~
但點解改善兩隻字要括住呢?因為件斗蓬太挺身,物料太硬淨~件斗篷好難擺得自然,而且撐起晒.
加上成件斗篷厚左,咁係視覺上就會明顯覺得唔自然~影相高手,即使影得本體好似真人,都會係斗篷比例上而穿崩!
而最緊要,我覺得舊料比較似電影入面表現隻料
2.本體唔同.body無唔同,膠衫一樣模點唔同呢?件膠衫上多一層有少少絨面feel薄膠~
令到隻野深色o的,反光少左同埋唔會好似舊o個隻咁會摸得多變令~質感同視覺都更近電影
但咁係有個致命點--唔括得,同dx2一樣做法,效果亦一樣~一括即[披口],我本來都唔覺~係影相發現屁股有大片位唔同色,仔細研究先發現無左層面料,再望下個盒,原來痴左盒底~(亦係刺激我要出post,提一提師兄弟主因)
3.係上色唔同,新版條腰帶深色o的,係接近電影隻色多好多,舊版太金,係唔似的~
另外,護手新版隻比較偏灰,同啞o的
最後提一提o的唔睇說明書o既朋友,件斗篷底o個兩塊圓片要拆o既~咁困擾你地覺得條隙好核突同唔自然o既問題就會解決
p.s.我自己打完都有少少唔知點咁,o的改善唔多,有o的改善有伴隨新問題,咁整體係好左,但真係唔值得大家高追,除非你無舊o個隻~
但咁講,ht以限定方式出佢係好正路,畢竟隻野真係無資格當新野賣 |
發表於 2-8-2011 15:57:59
樓主
