動漫排隊熱事後感(純個人觀感，不喜勿插)

chuckykom

我28號都有去排隊，都排唔到。但見咁多位CHING不斷討論，我有一D睇法。我本唔係Hottoys既VIP，因玩12吋只是呢一年左右既事，上個月買Dx01亦是高追的，故VIP果八百隻都唔關我事，想排都無得排！

不過自由市場，有人嘅地方就有炒買。你行出街抬頭望下D樓(炒到咁樓價咁高，真係因為D地產商玩晒)，望下你手上嘅IPHONE，D人咪又係咁排，都係咁炒！你唔買就運晒返大陸賣。大陸人有錢你咪賣比佢囉，我自問無八、九千蚊買套公仔，今次買唔到BATMAN都非常失望，但係再討論落去，只會變相變成幫HT宣傳！炒賣活動唔係第一日發生既事，

咩排隊黨、咩賓賓，咩南亞人等等…其實背後最大最大既得益者，賺得最多既係邊個？？係炒家？係我地玩家？我覺最大得益者係Hottoys。

原因有幾:

1.) Hottoys、會展、動漫節宣傳效果達到！
2.)不論炒家好、玩家好繼續支持買佢既野，唔係邊有錢買豪宅！

我覺Hottoys、會展、動漫節今次嘅「商業策略」空前地成功！人地隻星矢早10 日咪排到囉…不過幫佢地宣傳既係我地D普通市民即，我自己排唔到，係我自己估計錯誤。有人覺得值4千蚊，有人覺得只值一千三百蚊，你問賓賓咩係ironman，佢只會答你:阿sir比錢叫我排隊買！I don’t  know。我自問無咁多錢買報紙所講既$!#)))蚊既三隻限人版，總之，上次八百隻好！今次六百隻好！所有野都係因為Hottoys而起，人地住豪宅係有原因既~~

我地都係HT嘅宣傳工具，同長期供Hottoys股既人！

最後想講既係，香港人乜都炒！鹽都有得炒！總之唔岩價就唔好買！
各位師兄不喜勿插，謝謝觀賞！

chanlee312

其實玩具一直都有人炒...又唔係咩大新聞...
全界都係咁架啦...係香港D憤青多...先咁鐘意小題大造0者...

zeroeo

讚好!
雖然偶唔玩ht,不過都覺得事實上有問題
1,我唔玩ht,但比一批玩ht阻我入場買其他野,限量野唔只ht架...再者炒家連唔係限量野都唔放過,好多玩老變既兄弟遲左少少都已經搵唔到guzzle了...
2,ht玩家都正常,最幣係批排隊黨,我入場前真係覺得,兄弟,應該一早報警啦!成批排隊黨跟本就係垃圾虫,條橋一睇,排隊黨食完d飯盒丫果d垃圾全部唔拾走!其實排隊既師兄真係應該報警,咁多垃圾虫,一人罰佢千五,你批排隊黨賺左都未必補得返!!我就唔信肥仔同大雄會比果千五!
3,呢批"非玩家"無秩序,打尖,全民不快.

ht其實明知,應該做d野,最少問下d人為咩而買.或者最少問下一d專門少少既知識:
etc:batman阿?你知唔知呢個batman全名係咩?
ironman mark7我地公司幾時會出丫?(呢條答得出,拿,未來人我唔覺得唔可以比佢買,但係...如果唔係未來人....咁你點解會知道連我地都唔知道有無既野呢?)
最少答得出証明呢d人係玩家先有得買,咁先合理~

阿婆,你口中個丫人明係咪呢隻個頭好多so呢隻丫?呢隻唔係丫人明啊婆婆...你返去問清楚再黎排過啦
阿叔,bagman我地公司無架,你返去問下你屋企人再排過啦

zeroeo

其實玩具一直都有人炒...又唔係咩大新聞...
全界都係咁架啦...係香港D憤青多...先咁鐘意小題大造0者...
chanlee312 發表於 30-7-2011 05:08 PM

炒原本唔係最大問題,最大問題係今年係用一d不正當方式以龍斷式去炒賣(打尖,搵一大批排隊黨等等),如果係果批抄賣者自己去排,我諗d人無咁火,因為而家係玩家有附出(去排隊)而都係要食炒價或者無得買,所以咁火.

原本唔去排,食炒價,咁係因為你唔附出時間,附出時間,梗係為左唔食炒價.
但而家附出左時間既人比呢批炒家咁搞,興係在所難免既,    .

mana

其實最好會場all pay落訂
張單登記埋個人資料
3個月後要親身去門市至有得攞就最好

chanlee312

"其實最好會場all pay落訂
張單登記埋個人資料
3個月後要親身去門市至有得攞就最好"

咁樣都係一樣會排隊....只係無場貨之嗎...

yelland01

炒樓炒股票無分別... 香港人嘛... 咩得炒得...

wongho804

26號排...我買到....^^

chuckykom

坦白講HT點會做D咩呀...
佢做...做勢囉！
越多人排越好，越多記者越好，越多炒家就越好，越上新聞頭條就更好！
HT望都望你地打交添...
HT呢D無良奸商...金錢上折騰我地都唔緊要,仲要攪埋D咩排隊遊戲....又唔發多D VIP...根本就係玩野...
各位CHING...佢D玩具好難唔買架啦...我知呢頭講完轉頭就忍唔到手架...我自己都隨時會破戎>.<
HT咁玩法...遲早會有出事...
呢D時候要唱返首國歌架啦.

金牛座菲利

限定野從來都係會被炒, 但用d唔正當手段搶番來炒, 真係會有報應。
鬥早排隊, 你早過我, 我輸得心服口服
我估而家好多玩家係唔服比人打尖, 明明早過哂你d南亞人賓賓, 眼白白睇住你打我尖買左原本我買到既野, 我就變左白排, 咁又真係條氣唔順既。
好彩我對HT興趣不太大, 而且太佔空間了, 個盒又超大。

chanlee312

HT D 盒大盒D....睇落去好似豪華D....咪又賣貴D囉...
呢D包裝野...都係炒日本仔.

蝦您波凸

其實最好會場all pay落訂
張單登記埋個人資料
3個月後要親身去門市至有得&#25886;就最好
mana 發表於 30-7-2011 06:22 PM

巴打 , 人地就係想做到個勢虛撼d, 個個排幾日為左拎住一袋二袋HT膠袋走, 幾好氣氛呀

chanlee312

佢係有心被大家買到...就唔係咩會場限定啦...網上面訂,會場&#25886;...
好似VIP咁囉...