|
|
|
(麻帆良市時報記者 / 桜高輕音部記者琴吹 紬報導)
喺 1970 年代中, 因為港英政府拍板興建地下鐵路，而當時嘅九鐵亦計劃將火車電氣化,
以提供更快捷, 可靠同舒適嘅服務, 九巴面對上述嘅挑戰, 必須提升服務質素以迎接競爭,
於是，巴士空調化嘅概念亦應運而生, 由於當年嘅第一代後置引擎巴士發展仲未成熟,
九巴引入 400 多架 Daimler Fleetline (香港普遍稱為 "珍寶巴士"),
佢地喺香港嘅運作表現同經常出現各式各樣嘅問題已經九巴大感頭痛,
更遑論用 Fleetline 嚟發展設計複雜嘅空調巴士, 九巴喺同 Dennis 車廠合作,
發展出為香港運作環境而設計, 前置引擎嘅 Jubilant 雙層巴士,
首四部經過試驗之後, 九巴對佢地嘅運作表現大感滿意,
於是決定增購 360 部同款新車, 其中首批新車訂單之中,
就包括一架空調客車版嘅 Jubilant, 因為喺當時嚟講,
前置引擎巴士設計簡單，車尾亦有足夠嘅空間以便安裝額外設備,
所以九巴就選擇呢批 Jubilant 嘅其中一部, 同另一張首批勝利二型巴士訂單嘅其中一部,
作為開發空調巴士嘅藍本
九巴嘅空調客車版 Dennis Jubilant, 喺蘇格蘭嘅 Alexander 車身廠房組裝車身之後，
喺 1980 年初抵港, 亦係全港第一部雙層空調巴士，
Jubilant 空調巴士嘅空調系統由 Thermo King 提供，安裝於巴士車尾底部，
由獨立引擎驅動, 底盤車尾亦因而要升高遷就以容納整個空調系統,
巴士採用 2+2 座位編排, 由於空調機嘅額外重量, 唔可以加設企位,
所以只可以載 75 名乘客, 巴士後來獲發車牌號碼 CF4180，
隨即被派往行走當時美孚至尖沙咀嘅 206 號線, 作為試驗,
但係九巴試用後發現呢種空調巴士設計並唔可取, 除左當年空調系統設計仲未成熟,
空調機經常出現故障之外, 最大嘅致命傷, 係因為耗油量太高, 由於巴士有兩副引擎,
一副負責驅動巴士行走, 另一副就負責空調機運作,
如是者空調版 Jubilant 要比普通版消耗多達 75% 嘅燃料!!
而且載客量低亦唔符合經營原則, 於是九巴喺 1983 年將佢嘅所有空調設備拆除,
改裝為普通巴士，並且編號為 N364 成為九巴車隊入面最後一架 Jubilant,
一直服役至 1998 年退役
雖然空調版 Dennis Jubilant 同另外同期嘅勝利二型空調試作車最終以失敗收場,
但係亦為九巴帶來經驗, 以至後來 1986 年空調版都城嘉慕 MCW (Metro-Cammell Weymann) Metrobus 11m o既登陸,
再後來 1988 年o既 Leyland Olympian 11m 同 Dennis Dragon 11m 空調巴士試驗成功,
為後來雙層空調巴士o既機械規格奠下基礎, 亦為今日九巴o既車隊空調化鋪路,
而由 Dennis 喺 1985 年推出, 行走當時啟德機場 "通天巴士" 嘅 Falcon 空調單層巴士,
亦係當時空調巴士研製成功嘅代表作之一
今日, 呢部空調版 Dennis Jubilant 正式登陸麻帆良市!
市長 Super Bus 話, 雖然呢架客車版 Jubilant 初初正式出道果陣並冇緣見到佢真身,
第一次同佢相遇果陣已經係冇左冷氣機嘅 N364, 果陣係行緊 5C,
Super Bus 話, 果陣見到佢車尾設計同其他同款巴士唔同, 唔明白點解車尾D窗高左嘅,
到底係乜野原因呢? 後來先至知, 原來呢架 N364 嘅前身,
其實係一架有冷氣嘅客車版, 車尾就係冷氣機嘅位置所在, 可惜最後失敗收場,
車尾冷氣機因此而被拆走, 所以車尾就留低左一大片高起左嘅空間,
Super Bus 仲話, 雖然架車冇左冷氣之後車尾個樣感覺有D怪,
但係呢架空調試作著實係今時今日香港空綢雙層巴士嘅先驅,
雖然係失敗左, 試問世界上有乜野係一開始就會成功呢~
隆重歡迎! 九巴 Dennis Jubilant 空調客車, 見參!!
證書編號 0235, 全球限量 1000 架
正式落地!! 小唯又嚟迎接新車啦~
九巴 206 豪華巴士線同呢架 Jubilant 空調客車一樣, 已經成為歷史
真車相
勝利二型空調客車 x Jubilant 空調客車
驟眼睇, 大家車身一樣, 但係你地又分唔分得出佢地箇中一D細節上嘅分別呢?
九巴空調試驗車合照, 九巴車隊空調化之路就係由佢地走出來嘅
小劇場~ XDD
大熱天時, 初音仲要幫巴新車做 Tune up,
仲要係呢架開到點盡個冷氣凍都唔凍下嘅冷氣車, 難怪初音都肴肴聲...
(初音) Super Bus 呢條人粉, 整架咁嘅車返嚟,
明明話有冷氣竟然凍都唔凍下, 都唔知仲乜叫冷氣客車!
呢個時候, Kaito 大哥食住雪條行過...
(初音) Kaito 大哥, 我要食雪條呀!
大熱天時仲要我呢個弱質纖纖嘅少女設做埋呢D粗重工作,
真係冇人道呀!!
(Kaito) O~~但係我要照 Super Bus 嘅吩咐督住妳做野唔好比妳蛇王啵,
D雪條係阿公出錢買比我嘅, 妳咁唔滿意嘅妳自己同 Super Bus 講啦~
言訖 Kaito 行開邊食雪條, 初音見 Kaito 食雪條食到津津有味, 口水亦不禁狂流...
Thanks for reading~ ^^ |
|
發表於 30-6-2011 16:13:17
樓主
