超合金魂 [太空保衛團•獅王機械人] 獅王金身修訂版 (P.6修訂過程分享補充)

人仔貓

《請點圖另開原大圖》








拿~  咁先係繼承舊版的新版超合金機械獅子 金毛獅王 嘛~









其實由公佈超合金魂GX-59見隻獅子係黃色已計畫同佢重塗，未出之前已測試及揀選了何種金色，
就係現在呢隻 ACG Hobby 常用的金色(如聖衣神話)，但斷斷續續都搞到依家先發貼分享...



另外亦有加D修訂[插件]：

「腳跟插件」- 終於可以腳踏實地做人，唔駛再咁"釣腳"~




內藏磁石裝貼及"凸點定位"~




[豐頸插件] - "渣"頸就命的生涯從此改寫~




係用12.7mm模型圓通整，不過留意下巴內側要磨深D先就倒位(見下圖箭咀)~





除同對小腿滲線(灰色/銀色)外，順便亦將膠感最顯眼的部份都重塗：

腳背 - 小腿藍色立面問題都唔算嚴重，但腳背將整個超合金的膠感提升不少...
(不過所有官方宣傳相片包括Box-Art同說明書腳背都有上金屬藍色...)

比較一下就清楚個分別~






膠感第二位 – 前臂：重塗黑鐵 / 金屬紅 / 珍珠黃 ； 拳頭指節加銀色~




不過都係果句，點解唔出廠就係咁要花時間自己動手....


謝謝觀賞~






修訂過程分享補充：
(請原諒過程中沒有拍照...大部份只能用文字交代...有唔清楚地方可以個別再交流...)


獅王金身重塗 –

材料：模型油、噴筆+氣泵/壓縮氣罐、遮蓋膠紙、打磨工具等...

以下就係用黎試/噴色的部份塗料及色板：



試過多款唔同模型油及配搭，最後揀左用 Alclad II 107- Chrome (最左)做銀底，再噴透明橙黃 (左下角色板)~

因為 Alclad II 107- Chrome 粒子最幼細，鏡像反影度最高，最接近電鍍效果~
不過由於係琺瑯油，缺點係附著及硬度較低，容易捽甩色及刮花...而且上層只可覆蓋水性油~

若果唔執著於最近似電鍍效果而較希望塗料硬淨D，可以試下用 郡氏SM06 或 Origin Shop M-304 等做銀底，在噴上透明橙黃後效果同用Alclad II 107做銀底分別唔太明顯，但就應該襟摸好多~

另外，銀底+透明橙黃著重既係鏡像反影效果，若果想強調既係金屬感，可以試下直接用純金色粒子的塗料如 郡氏油性9號金色~


重塗過程：

只係將機械獅子金毛獅王如模型組件般解體...然後一輪遮蓋地獄(獅頭/圓形關節)後...最好上埋底灰...有時間打磨埋合模線...然後就可以上色~ (一定要用噴筆先做倒平滑效果)

不過要留意最好將前腳肘位關節接合處(見下圖)磨深一點，以免後加的塗料因轉動前腳而被刮甩~






腳跟插件製作 –

材料：0.5mm模型膠片、原子灰、遮蓋膠紙、雙面膠紙、界刀、薄身磁石x4、打磨工具(3-4mm球形)、刻線雕筆、約3-4mm半球形部件、模型油等...

製作過程：
1)  將金霸機腳掌及小腿分離(留意都幾多螺絲要鬆...)；
2)  量度小腿底部弧形部份平面長闊尺寸；
3)  以小腿底部尺寸，再於闊度-左/右邊位減1mm(空位放"側板")，用界刀裁切出"長方形模型膠片"；
4)  畫出"側板模型膠片"形狀(左/右兩邊各一)：以小腿打側平放在模型膠片上沿邊畫出弧(拱)形，再畫出直角；
5)  裁切"側板模型膠片"(左/右兩邊各一)；
6)  以"長方形膠片"闊度及"側板膠片"高度，裁切出"窄長方形後方模型膠片"；
7)  將小腿底部中間合模線拱起部份磨平；
8)  把"長方形膠片"壓下貼緊小腿底部弧形部份，核實尺寸(左/右邊各留0.5mm虛位)，如有偏差請修正；
9)  小腿底部弧形部份之上貼一層遮蓋膠紙；
10) 遮蓋膠紙之上再貼一層雙面膠紙，最好強力點的(工業用)，並撕下面紙；
11) 把"長方形膠片"對準(左/右邊各留0.5mm虛位)，壓下貼上小腿底部弧形部份，並加以按壓；
12) 將"側板膠片"放上核實形狀尺寸，如有偏差請修正；
13) 將"側板膠片"與"長方形膠片"之間邊緣點上少量超能膠接合，
14) 再用超能膠接合上"窄長方形後方膠片"，腳跟插件外框初部完成；
15) 將磁石以強力雙面膠紙/萬能膠(非即乾方便移位)貼牢於小腿底部內部(從上放入)；
16) 將另一片磁石放於腳跟插件外框內，用磁力對位後沿磁石邊緣畫位；
17) 以超能膠接合磁石於插件外框內，剛才畫出的線位上；
18) 插件外框內點些超能膠，並填上原子灰(多出水平線)，半乾時切割；
19) 若會為小腿內側滲(銀)線，此時可用刻線雕筆在"側板膠片"劃上對稱圖案(見下圖)

20) 待原字灰完全乾透後，慢慢將插件從小腿底部取出，並將小腿底部所有膠紙清除；
21) 打磨插件及原字灰至平滑；
22) 於小腿底部中間(合模線)畫位及用球形打磨工具挖磨出半圓凹位(不要太深，見好就收，免得磨穿...)；
23) 將半球形部件(我用手電裝飾用珠片)反轉放入小腿底部半圓凹位，並點上微量超能膠；
24) 再對準放下腳跟插件，一會後取出，順利的話此時兩粒"凸點"已接合在腳跟插件表面之上；
25) 最後上色完成。

另外需留意金霸機小腿正前方銀色部份的原廠塗料其實十分淺薄，由於要成日拎住開工，所以建議都貼上遮蓋膠紙保護~ (免得好似小弟咁後來先發現甩色要重噴...)


謝謝指教~

goldfishwa

高手:52::52::52:

sslazio

:71:

您的帖子長度不符合要求。 當前長度: 4 字節系統限制: 15 到 10000 字節

原罪

真正既完成品，如果真係出到咁就正羅:$

阿lun

:64:請受小弟一拜

alexakf

一個字形容(((((正)))))):D

t635680s

請受小弟一拜 x 2 :64:

高機動型黑百合

高手:@:@

cwpp

請受小弟再拜 :64:

Garycharm

原來人仔兄都係高手！！！:handshake:

人仔貓

謝謝各位賞面~ :64:

...不過係真正高手就唔駛搞咁耐啦...:(

W900

哇!!!好勁!!!:handshake: ,我都有玩模型底,隻金色點噴上,要先用沙紙磨嗎!??噴過程係點!??要噴銀底嗎!??:?

RRAAYY

Very goooood !!!

nelngan

ching, u so great :71:

leo0519

回復 1# 人仔貓


    師兄,好勁!!想請你指教吓,隻獅子前洗吾洗落灰或抹油,還是直噴銀加透明黃!好利害,隻腳加件真係好費心機的,!!:71::71::71::71::71: