用幾錢買玩具先算敗家？

黃色小雞

剛剛係自己個Blog寫左D野

呢個問題我想左好耐，我本身係一個基督徒，算係半個學者，對我來講，我好緊張一D好簡單，但係又唔可以being taken for granted既ideologies。

今日我反問自己，一個正常人，3個半月用左10萬係玩具 （SS，HT 同LEGO）上面，算唔算好敗家？當然，正常人會問，你身家有幾多先，好似我身邊既人，買樓當買菜，買林寶堅尼當買1:6，10萬銀首期，入油都唔夠啦。但係我自問，同呢D人沒得比，我一個月既收入唔算多，（做私人上門補習有幾好賺？）咁用錢法，過唔過份？

我身邊既人，好似我太太，我媽媽，重來唔會話我買野，佢地明白，咁大個人會做就會做，講係完全沒用既。起初我買SS，HT同LEGO，我心入面其實只係想間屋擺得靚D，如果我係要理性化自己用錢既方法，裝修買擺件用10萬，相對我自己既裝修費，單位既價錢，都係那一句唔算多。

成件事，我諗我要問既係，點解我要買呢D野？呢D野係我身上代表左D咩？諗左一日，其實就好似以前細過用幾十萬玩Sports Card, 一年前用10萬打機，玩玩具比到我心零一D安慰。對一個基督徒來講呢樣野係一個悲哀。如果一個人玩玩具既原因同我一樣，呢個都係一個悲哀，因為人生既價值，人生既快樂，如果健基係一D外在既價值上面，生存既意義就係咁？

我地會搵好多原因比自己，好似呢D係童年回億，呢件野好靚唔買唔得。但係呢D都係借口，正如大部份哲人講 love or hate does not exhibit propositional attitude, 沒需要去justify。

最後，我敗唔敗家？我敗，因為我呀媽自己唔用，做仔既反而大花筒。今日係媽媽節，呢個後醒希望來得合時。人了解自己錯咩就要改，我今個月既目標，玩具既Budget，同自己之前預定既一樣，＄8000, 如果多左我就放棄想買既野。希望大家都同家人開開心心，唔好玩玩具一件開心既事，玩到同家人面阻阻。

fok6901

你E個問題係咪應該返教會好啲呀?

如果你會問E個問題, 你就已經係敗家喇...

iamfinethankuuu

量力而為啦

movie_arms

量力而為啦
iamfinethankuuu 發表於 8-5-2011 07:16 AM

x 2
我自己就限自己用收入 10% 內買玩具

movie_arms

「玩玩具比到我心零一D安慰。對一個基督徒來講呢樣野係一個悲哀。如果一個人玩玩具既原因同我一樣，呢個都係一個悲哀，因為人生既價值，人生既快樂，如果健基係一D外在既價值上面，生存既意義就係咁？」
好恐怖喎好似....唔係針對玩具, 而係「人生既價值，人生既快樂，如果健基係一D外在既價值上面，生存既意義就係咁？」
對我黎講, 玩具只係興趣一則, 於冇時間做其他活動去開心減減壓時, 為工作減減壓既低時間成本減壓玩意~

Endless

我好奇想問SS 係指.....?
三者我只有玩lego
如果十萬平均斬開三份
咁洗三萬幾文響 lego上
肯認真玩, 都可以做到太古展既moc
我諗你珍惜而家有既野吧.....
另外....不如樓主今日出去同媽,成家人食餐好, 多謝家人既對你既愛同包容

movie_arms

大大做私人上門補習可以3個半月買10萬玩具?
計落一個月淨買玩具都3萬幾, 加埋其他支出....我諗都要4萬....
私人補習可以搵倒3-4萬.....好強~!!!!

iamfinethankuuu

x 2
我自己就限自己用收入 10% 內買玩具
movie_arms 發表於 8-5-2011 10:36 AM

    係呀..睇住budget...唔一定隻隻都要...要取捨...雖然隻隻都中意...但總有多與少啦

iamfinethankuuu

我好奇想問SS 係指.....?
三者我只有玩lego
如果十萬平均斬開三份
咁洗三萬幾文響 lego上
肯認真玩, 都 ...
Endless 發表於 8-5-2011 10:39 AM

其實係咪指神話? saint seiya?

rfreeman

其實係咪指神話? saint seiya?
iamfinethankuuu 發表於 8-5-2011 10:49

    係sideshow出陶瓷雕像同12”figure，主力係marvel、star war、魔界、alien、
predator…古天樂都有玩

ss今年出好多嘢，我都差不多十萬，哩幾年夠買架2手拉利或再買多層樓俾首期，哩d嘢講能力，一件古董一千幾百萬都有人玩，古生又買倉又裝修，但我唔覺得係敗家，我以前玩車肯定唔只哩個數

iamfinethankuuu

係sideshow出陶瓷雕像同12”figure，主力係marvel、star war、魔界、alien、
predator…古天樂都 ...
rfreeman 發表於 8-5-2011 11:16 AM

    不過玩玩具最緊要開心......除左量力而為外...最重要係唔好影響自己的生活啦....

Douglas.M.Saint

不過玩玩具最緊要開心......除左量力而為外...最重要係唔好影響自己的生活啦....
iamfinethankuuu 發表於 8-5-2011 11:19 AM

Agree!  No matter how much I have spent in toys every month, no one will bother me because my hobby will not affect my living standard.  :)

pein

我1年用咗1皮嘢買玩具算唔算敗家？:ar:

rfreeman

這個當然,如果駛咁多錢都玩得唔開心就真係好敗家:53:,哩到大把帥兄玩得都好勁,又有D好小兒科,但最重要係開心!
不果樓主開始升L,之前好多壽

小堅

買玩具唔敗家，買左唔玩先叫敗家...