本帖最後由 超級玩具迷 於 29-4-2011 12:17 PM 編輯
想講下,有好多人因好多原因而後追或之後先買,如工作忙,冇時間睇套野,
唔知咩黎所以唔買住;或等跌價,或之前覺得唔靚,依家覺得ok先追.....等等各種原因,
但好多呢d人見到出面價升就話炒,唔計依家升得咁快果d先,只計自然升既照話炒,
但永唔會講自己點解當初因上述各種理由唔買,只會係當時想要果刻話貴定唔貴,
即係話最好買棵菜,永世賣$5就$5,升$1就話炒,到我要棵菜跌$1我暫冇興趣唔買住,貴$1就炒...
我認為寄然你已經錯失機會買平貨,咁唔計瘋狂炒果d,正常升值你就唔好話炒,
近排果d就真係瘋狂炒啦,就拎shf帝皇kiva為例,近排都升返哂,出左半年,
岩岩出果陣都係2百頭,上年11月出,依家差唔多出左半年,我當每個月正常升值$10-20
,咁依家呢個價差唔多或差正負$20-30,但一定有人唔會認同,實話呢隻多貨,應該插,又俾人炒貴哂,咁我用返上述問題問你,點解當初平果陣唔買,依家自然升左你就話炒,
如果要等到每款一出即插執平貨既我勸你唔好玩玩具,即連神話舊版大系,出左20年,
依家升到幾百甚至幾千蚊一盒,
係咪可以用呢個藉口話炒"d大系咁樣衰,仲要"正常升值"到幾千,
唔合理,咁樣衰$20俾我就要,made in japan關我差事,我買黎玩喳,made in china 都係咁玩,
有乜理由日製會貴咁多,雖然依家冇日製,但樣衰就唔值啦'
如各位大大用上面d字同出面賣緊大系d老細講,睇下有咩反應:34:
我講咁多係唔希望d人盲目話乜都炒,近半年d玩具好多就真係炒,不過有d都炒唔起,
好似shf ooo果d,仲有d出左好耐週街冇哂貨,貴左係正常,gx 34係依家好貴,但出左幾耐,同果陣都唔算多貨,又冇再版,如果好似最近岩岩出果d週街都有,但每個鐘唔同價就真係炒,唔通我70年代買層樓只需5萬,依家都要5萬賣返出黎?:58:,gx34我都等緊再版,一出我一定買,但唔希望d人錯失機會升返哂又話炒,依家d shf ooo 插緊,曾經好貴既天威等等都唔算貴,到時升返實一堆人話炒,你同我定,但唔會有人話果陣插緊點解唔買
總括一句,有部份人心態係咁樣:"呢盒野岩岩出我暫時冇興趣,麻煩老細你擺到我有興趣時,用返呢個價賣俾我唔該" 咁你幾時有興趣?
"唔知架,可能十年後,麻煩十年後用返呢個價賣俾我,唔係我會話你係炒家,哈哈:34: " |
發表於 29-4-2011 01:19:46
