|
本帖最後由 godofcat 於 30-12-2010 07:47 PM 編輯
開盒報告 DID Josef Stalingrad 1942 German 6th Army 敵對邊緣
手機相,質差勿插.
呢隻DID新品好期待,聖誕節假期最後一日下午至收call有取,要到星期三至攞到手.
又撞著Hottoys半夜個單野,總之放假都好唔得閒.
所以今次拍攝有點粗糙,見諒.而且都唔知幾時至有得閒SET好個棚正正經經影下相.
講番隻野.
對比起上次買DID,今次改左包裝,封面同內容分開,用磁石扣好.
我平時唔儲盒嘅今次都會儲個封面.
盒內有說明書,但無VIP SERIAL CARD,睇怕胎死腹中了.
所有配件一眼見晒.唔算好多夾超值個種.
同Soldier Story唔同,已經一定程度上組裝好.
最值租又最正嘅頭鵰,
鬚根,雀班,墨以外,今次竟然有青根.我好欣賞!
眼鏡,金屬製品,好FIT位.
配線背包,全金屬及木材製,單車鍊好好玩.
今次頭以外嘅賣點. 非常Detail,正!
步槍,又係金屬及木材製.之前買Coo Model支鎦彈槍一魚多,淨得一支鎗都未有木材,呢下真係超值.
刺刀,苯唔係電鍍,係鋼材,反晒光咁.鎗樘可開.
甩左嘅唔係sad件,係我多手大力左.DID D野精緻到過左火,合金鉸細到呢~大力左就...
:79:
竟然唔跟多支手槍,可惜.
水壺小物,仿皮金屬木材件.
無線電.全金屬製好重手下.係非常實用嘅item,情景一流.
頭盔.金屬製,有埋個個年代嘅內襯.Detail.
鞋.有釘有上色.D皮好真.但唔知關唔關對鞋事,對腳腂未能左右郁,大力又怕斷腳.
有無帥兄知道郁唔郁到呢? 我經歷過Star Wars斷腳事件後好怕除人對鞋...
整體成隻野好重手,比人好實淨嘅感覺.企得好穏定.唔用Stand都OK.最後一次比到我呢個感覺嘅係T-800.
缺點都係body問題,A字肩,雙手動作唔自然.
同埋件羊毛外衣,玩一陣已經起毛粒,想死...
羊毛外衣嘅背面個型怪怪地,好惡搞.我唔想攞出來燙...
最後一題呢隻野個頭QC幾OK,我check左四盒,盒盒都差唔多,無大問題.
入面件軍服無時間映,睇下有無帥兄完成佢?
係敵對邊緣套戲入面呢個角色係俄軍.
雖然係有個俄軍比人捉左著晒德軍服裝去送死,但唔係佢.唔係出俄國製服係一個遺憾.
總結,八十五分.DID出品真係好Detail.而且個Actor唔出名,唔會好似畢佊特咁,專登做得果七成似.相似度95%!
誠意推介. |
|