|
改造重點: (可能會好悶, 但有興趣自改既師兄可以參考吓)
頭 – 噴油再加點睛 頭係我決定自改既一大原因, 正如之前有師兄講過, 呢隻MODERN WAR MACHINE對眼大多數都係印到出晒界, 我呢隻就仲慘, 我搵到佢既時候, 不單袛眼移位, 塊面正中間仲有一大舊腫起咗(完全毁容)………於是我要洗走咗佢原裝既油, 磨平返腫起既位置, 貼噴油膠紙, 再噴銀油, 畫眼同畫線:70:
依家靚仔咗:73:
手臂及前臂 – 重油 本來打算用電影版IMMKII既手臂關節代替MODERNWAR MACHINE原裝但唔可以左右轉既手臂關節,但由於呢個改動需要用MKII既膊頭同手臂, 考慮到就算改得到, 上埋黑色, 膊頭都會因為同身體磨擦而甩油, 為咗顧全可玩性, 決定放棄呢個改動, 用返MODERN WAR MACHINE原裝既手臂, 為咗忠於原注, 我將佢手臂後面既金屬藍色改成黑色, 再將佢”老鼠仔”既位置改做銀色, 為咗要將佢個手掙關節都油成銀色, 幾經辛苦至可以將佢拆開, 上色然後再裝返好, 差D連條關節軸都整斷………. 至於前臂, 喺關節位補上銀油就OK~
仍然做唔到好型仔既射擊POSE :80: 
下半身 – 借用電影版IM MKII個下身, 再噴油 下半身可以話係最重要同最大工程既一個改動, 我借咗電影版IM MKII個下身, 將佢既大腿, 小腿同腳板拆開, 貼好噴油膠紙再噴上黑鐵色, 本來打算用唔想重油銀色既地方, 因為IM MKII本身已經係銀色, 但由於佢大脾有好多出晒界既黑線同埋窩釘, 所以最終連銀色都要噴埋……袛有腰兩側既銀色地方可以用返…..成個下身最麻煩既係貼噴油膠紙, 為咗唔想影響關節既可動, 股關節同膝關節都要用貼噴油膠紙遮著, 唯一最驚喜既係, 電影版IM MKII個下身竟然同MODERN WAR MACHINE既上半身一拍即合, 完全唔駛做任何改動!!:34:
IRON MAN MKII/MKIII下身做到既動作, 佢都做到 
呢次改造可以話係小弟玩美玩以嚟最大既挑戰, 淨係買材料(模型油, 噴油膠紙, MKII…..ETC)既錢已經足夠買幾隻MODERN WAR MACHINE, 成個工程用咗大半個星期既時間, 但當小弟見到完成品果陣, 真係非常滿足:43:
雖然成品仲未去到專業水準(上下身有少少唔對色), 但小弟覺得已經好過原裝~~~ 我記得曾經有師兄講過, 玩具生產商造出唔完善既產品, 係激發玩家自改既原動力, 似乎所言非虛~~~:71:
多謝收睇!!:64: | 
發表於 18-12-2010 15:14:04
樓主
)
