|
|
|
(麻帆良市時報記者 / 桜高輕音部記者平沢 唯報導)
為回應 1980 年代中期英國巴士服務運作模式o既改變,
同因此而引申出中型巴士o既概念以至對呢款車種需求o既增加,
Dennis o係 1988 年首度推介 Dart 飛鏢型巴士, 其底盤設計,
方便乘客上落之餘亦同時方便司機照顧乘客上落,
一掃以往由貨車同客貨車底盤配巴士車身o既車輛所存在o既先天缺點,
而且可提供 8.5m, 9m 同 9.8m o既三個唔同長度, 可提供 39 至 43 座位,
靈活而討好乘客, 司機以至巴士公司o既設計,
令 Dart 甫一推出市場即刻為巴士公司所追捧, 成為中型巴士設計中o既典範,
甚至香港亦有引入一定數量o既 Dart 巴士, 服務於香港各巴士公司o既路線之中,
其中中巴亦一度擁有為數共 28 架 Dart 巴士, 全部都係 9.8m 長陣規格,
當中於 1994 年最後一批引入, 為數 8 部車隊編號 CX1-8 o既 Dart, 配上由 Marshall 提供o既車身,
外貌有上一批編號 DC 1-20 o既影子, 因為原 DC 1-20 o既車身供應商 Carlyle,
o係廠房關閉之後, 佢o既車身設計亦比 Marshall 買入,
從而對車身o既設計作出修改同改良, 當中車頭o既哈哈鏡擋風玻璃設計,
承襲左 Carlyle 車身以至原作 Duple Dartline o既設計, 成為特色之一,
中巴引入 Marshall 車身 Dart, 主要用作行走當時來往啟德機場至中環交易廣場0既 A20 機場巴士線,
車上並附設行李架, 方便乘客擺放行李, 該線於 1995 年 9 月正式開辦之前,
呢批 CX 亦有被安排行走當時中巴o既部分空調巴士線, 例如 260 等, 作為開線前o既熱身,
中巴o既 A20 一直服務至 1998 年啟德機場關閉為止,
o係啟德機場關閉o既同年, 中巴喪失港島 88 條路線專營權,
幾乎所有原中巴車隊都o係 1998 年 9月1 日過檔新巴,
唯獨呢 8 部 CX 緊守中巴旗下, 並且鬆上銀色藍腰線車身,
行走唯一一條非專利巴士路線, 來往港運城和北角政府合署
今日, 麻帆良市亦迎接中巴 CX 8 歸隊,
呢架曾經o係啟德機場時代行走 A20 o既 Dart 仔,
除左成為首批行走啓德機場o既中巴巴士之外,
亦為中巴打破以往只有九巴獨大o既局面, 成為中巴進軍啓德機場巴士線o既功臣,
可惜 A20 只係服務左短短三年時間, 並且隨住啓德機場關閉而取消服務,
而中巴亦未有競投新機場巴士路線, 加上中巴專營權於 1998 年 8 月 31 日結束,
所以 A20 就成為左中巴唯一一條經營過o既機場巴士線,
隨住中巴專營權結束, 呢批 CX 依然緊守於中巴旗下,
見證左由中巴進軍啟德機場, 到專營權結束再變做非專利營運o既時代,
雖然中巴專營權已經結束左達十一年, 而呢批中巴 CX 亦有部分已經退役,
但係依然有機會可以見到部分 CX, 配上銀色藍腰線o既戰衣,
同昔日被巴士迷稱為 "藍方旗" o既中巴標誌, o係前中巴版圖--
今日香港島o既北角港運城和北角政府合署o既非專利巴士路線中穿梭
隆重歡迎--中巴 Marshall 車身 Dennis Dart CX8, 參上!!
玆證明限量只出 388 架
呢架證書編號係 074
整番張真車相先~
正式落地!!
車隊編號 CX 8 o既 Dennis Dart, 原車牌係 GD4697,
後來被換上已退役o既中巴倫敦寶 XF139 o既車牌 -- CX908,
同佢o既車隊編號相影成趣
內籠非常仔細, 照足真車車廂格局而造
連座位扶手都整埋, 堪稱誠意十足!
車頂扶手#環亦一絲不苟, 而且井井有條,
相比起某D鐵巴士模型, 內籠打哂風咁款, 唉...
連標誌亦用蝕刻片造, 真係叫人心服口服!!
影到呢度, 真係越o黎越鍾意呢架 Dart,
雖然話係樹脂膠車, 但係睇佢o既車身造工,
加上拎上手o既手感, 完全似係一架鐵車多過樹脂膠車~
來一個對比先~
o係呢幾張相, 大家可以比較一下 Carlyle 車身同 Marshall 車身設計有乜分別?
呢個角度亦可以清楚睇到 Marshall 車身 Dart o既車頂空調位係稍為移前,
車頭路線牌箱亦同車身連成一體
三架中巴 Dart 合照
同係中巴旗下o既兄弟, 但係港島巴士服務大變天之後, 大家卻各散東西
啓德時代服務機場路線o既巴士
KMB Vs. CMB
雖然仲未到聖誕, 但係整番張都無妨~
小劇場~ XDD
今日麻帆良市有新車到埗, 初音自然亦o黎檢視一番...
(初音) Super Bus 呢條 XYZ, 上次入左架 E500 又唔知去左邊度, 仲諗住拆鬼左去...
咦, 今次呢架...個車頭係哈哈鏡o黎啵, 又睇下照到我乜野樣出o黎先~
初音哄個頭埋去個車頭度左望...
咦! 做乜初音變左粉紅色頭髮o既!?
再右望~~~
嘩! 做乜兩條孖辮竟然變左牛角鑽o既???
初音於是叫 Super Bus 過o黎...
(初音) Super Bus, 你到底入左呢架係乜野巴士o黎!?
(Super Bus) 呢架? 咪哈哈鏡蛋撻囉, 有乜唔妥?
(初音) 我哈你個哈利波特呀!! 仲話呢架係哈哈鏡?! 魔鏡就差唔多啦!!
照到我咁樣衰, 照到我兩條孖辮變左牛角鑽, 乜我有咁 Devil 咩?! 我打~~~~~~!!!!!!
(Super Bus) 嗚嘩~~~~~~!!!!!!
Thanks for reading~ (Whether you like it or not. XDDD ) |
|
發表於 9-11-2010 09:59:51
