回到過去: S.I.C. 極魂 - DEN-O!

insomniac

呢排一次過入左幾隻極魂, 平平地, 細細隻, 玩得又睇得, 真係幾impressive! 呢隻極魂Den-O (Sword Form), 造型上可以話係跟足2008年推出既大版 S.I.C., 算係極魂之中最靚數一數二. 在短短一年半期間, 呢隻已經係極魂推出既第5位平成拉打主角. 由於原版S.I.C 推出左都唔算係話好耐, 所以隻figure  "極魂化" 期間, 都無咩大改動.

電王把DenGasher 劍今次係形成一體, 玩起上黎比較實淨. 但係腰帶上側邊裝劍既件就比較鬆, 玩起上時不時會跌出黎. 不過呢part 有分裝上 Combination Armament 同沒裝上兩件件跟, 拿起劍上黎唔會好似普通版 S.I.C. 咁有幾粒野凸出黎咁怪.

胸甲D雕紋同大版同樣仔細. 雖然大腿同腰帶上無用上透明件, 但係金屬色同上線既效果依然好sharp.

黎幾張正面照吧. 睇得出腰帶上每一粒制都有上岩色. 可見如過笨大想既話, 都可以做都好detail! 以咁既價位同 size, 真係唔話得!

造型上, 極魂與原版既電王無咩分別. 不過原版S.I.C. 用上既鮮銀色同金屬紅就sharp 得多. 極魂既用色比較沉.

所附既手部, 無一隻係可以穩定咁拿到張 Rider Pass, 呢點實在好失望! 只係可以好勉強咁 "long" 住. 不過對眼係我所見既極魂之中做得最靚, 最清. 比原版還出色.

可動算係唔錯, 但係下身同大腿可動不及原版.

今次沒有了大腿開關呢個gimmick, 換上了一層紅色金屬色, 比較搶眼.

想擺睩卡pose, 真係難都死......無拿卡手.

同其打極魂 figure 比, 呢隻電王拿武器算係拿得穩! (唔計響鬼)

多得安藤既想象, 極魂 Den-O 造型出色, QC 同可玩度都通通合格. 造型亦同原版接近, 如過無錢買大版 S.I.C. 又喜歡此造型既朋友, 呢隻極魂真係唔可以錯過. 如過有隻好D可以拿到Rider Pass 既手既話, 我會比呢隻極魂Den-O10分!

零光

呢隻堅好玩:$

fktuen

大大的圖好靚呀~ :71:
但係呢....你隻 MOMO 的左臂是否內外拎轉了?? 點解一邊銀，一邊黑嘅??