香港乜都得

hk小文

中秋佳節，收到稅單，臉色同稅局信封一樣，打開報紙，見到納稅人可能要埋單，400億元搞亞運，火都嚟埋。
帶頭搞事者，又係呢位阿叔，香港最冇功能議員之一，亦即係體育文化演藝出版界代表霍震霆。如果真係去馬，最大鑊係政務司長唐英年，可能要學十年前嘅陳太，當街扮傻仔大嗌「香港一定得」。
上網望吓份文件，論據九唔搭八，資料應有盡冇，一份涉及400億元的諮詢文件，「那西」程度可以話空前絕後，仲講明選手村最後可能成為地產項目，有減免地價優惠，驚死唔觸動香港人條最敏感神經，行政會議咁都過得，斷估有人知道份嘢掟出街，一定萬箭穿心，但唔想反對香港體育發展呢啲咁高尚目標，順水推舟，送呢件政治豬頭骨一程。
作為一名茄哩啡評論員，順叔絕對樂意上呢個當，幫手射幾支箭。
香港保持巨額財政儲備，美其名係積穀防饑，其實係冇人諗到應該點用，400億元搞亞運，不如好似前自由黨田北俊咁講，開倉派米。
如果話投資二、三百億元，起多啲可以全民共享嘅體育設施，又或者為本地運動員提供多啲財政支持，相信唔會有太多人反對。
不過，之但係無厘頭要推動香港做乜嘢「國際體壇盛事中心」，使多一蚊都嫌貴。大佬呀，全世界，有邊個國家、邊個城市，可以話自己係一個「國際體壇盛事中心」？  
愛國可能焗住要愛國寶，但推動體育風氣，絕對唔需要體育盛事，搞奧運馬術拆咗體育學院，就唔覺少咗人賭馬，多咗人騎馬。
少少創意，加埋多年堅持，好多時會有意想不到效果。香港兩單有代表性體育盛事，一個係七人欖球，一個係馬拉松，都係經營多年成果，香港政府應該學吓兩間主辦老牌英資機構，乜嘢叫長線投資，整多啲好似長洲搶包山咁，抵食又大件，唔使吓吓幾百億元搞乜運物運大龍鳳嘅。
如果真係有心搞亞運，高招應該係敲深圳門。港深聯合申辦亞運，完全符合中央推動深港融合主調，使費最少慳一半，大型體育設施資源，亦唔會重複建設，深圳肯去馬，香港好難托手踭，淨係識得挾住香港政府抽水，可能係人脈問題，更可能係水平問題，霍公子好好醜醜，都係文化界四分一個代表，西九董事局，冇人俾臉留張凳仔佢坐，唔係冇道理嘅。
No Representation， No Taxation。搞亞運，香港一定唔得，納稅人埋單，唔係唔得，不過唔該俾納稅人投票，將冇功能議員踢走，咁就乜都得。

財經CAREFREE - 順叔

香港人

:44:唉, 真係多舊魚...

hk小文

我真係想同曾德成、霍震霆講:

fktuen

唉...哩400億元真係...落硬鹹水海....

brian

今朝聽晴朗, 林海峰幫亞運改左個吉祥物名~
2023亞運, 香港有"得震"

巴武藏

400億...會唔會估計得保守左的呢:(

elvischoi

400億...會唔會估計得保守左的呢
巴武藏 發表於 27-9-2010 03:10 PM

未計通漲tim...........你睇港島南線就知:53:
點解工程費可以跟通漲, 打工仔人工就追都追唔到:help:

巴武藏

最怕到時駛左9百幾億, 仲攪到好似印度咁.
bad-aries 發表於 27-9-2010 03:47 PM

咁又唔會，淨係的胡總阿，溫總阿，乜總物總咁落黎睇下，見你攪唔掂，叫你查找不足，嚇到九縮，之後一定攪得掂，兼攪得好好睇睇:71:

K動戰士渣古

咁又唔會，淨係的胡總阿，溫總阿，乜總物總咁落黎睇下，見你攪唔掂，叫你查找不足，嚇到九縮，之後一定 ...
巴武藏 發表於 27-9-2010 05:05 PM

    盆數出到黎仲好睇,洗左既公帑大概都有每個香港人一個月人工加起黎...

yugi

都仲未計到時一連串擾民措施:o

hk小文

上次東亞夠吹到點樣帶動市民運動啦！事實上又多左幾多人運動呢？連唔係運動員嘅都知，香港體育總會的「冇王管」運作，所有香港的體育總會都是不能接受會員批評的，一旦提出要求或評論，一律列入秘密黑名單，永不超生，最好你立即退出，更禍連九族，即是學生和該體育會俱被封殺，無論如何吶喊，求公義公平無門。
李怡先生所撰寫的《香港，是黑社會主義回歸乎？》更貼切。黑社會主義講的不是法律、理據，而是強權、面子；不是事事攤開來明說，而是暗示和潛規則；不是機會平等和看誰更有道理，而是欺凌弱者，拿無權無勢者開刀。香港體育圈，亦是向黑社會主義回歸乎？
體育總會不講法律、理據，而是講權力、面子；
體育總會不是事事攤開來明說，而是暗示和潛規則；
體育總會不是機會平等地辦比賽和看誰更有實力選出香港選手，
體育總會是欺壓異見者，拿無權無勢運動員開刀。
一個非常簡單的例子，香港有多少人不識"車菊紅"女士，貨真價實的亞運金牌得主，真正的運動員，為甚麼當年傳聖火會無佢份？
霍生一日唔死，香港體育亦唔會有得救！