|
本帖最後由 黑柳玄 於 31-8-2010 11:58 PM 編輯
今日同大家分享既舊物係S.H.F既The Next 1,2
Kamen Rider 好似陪我成長咁, 雖然小弟與拉打既年齡差好遠, 但係因為小時候冇咩睇同玩, 都情迷左入去...仲記得細細個成日扮1號變身(1,2號播果時我都未出世...1號2號既舊作咩點冇睇...比較了解都係V3...)...
咳咳...講返正題, 今次既主角雖然係The Next(The First產品未必會入), 但係都想講左The First既故仔先...The First個主題係 守護美麗既事物
主角叫本鄉 猛, 舊作佢係電單車手, 而The First入面佢一個係大學研究生, 佢一直係大學研究有關水結晶. 同舊作差唔多既係...主角以中六合彩頭獎既機率咁比地下組織-ЁъЧロみ(修卡)睇中左, 並將主角洗腦並改造一個稱為Hopper(蝗蟲/蚱蜢)既怪人... 並慢慢侵占日本, 而見過修卡怪人又或者知道修卡存在既普通人都只有死呢個下場
而故事中, 身為記者女主角(半人妻?)同佢未婚夫(好似係律師)因為發現所有聲稱見過怪人既目擊者一個個因不明原因死亡, 所以去調查... 結果成功比佢地見到怪人...女主角在其間被蜘蛛怪人撃暈(證明左蜘蛛怪人實力...有點那個)...而佢未婚夫見狀立即走... 但...
(搵左洛克人做一做左配角)...面前出現既正正就係Hopper... 之後蜘蛛怪人一句殺左佢...可憐既未婚夫就係咁...
比Hopper單手舉起...(今次因為手型問題請左Blade做一做配角)... 唔知係唔係個天可憐佢...呢個時候突然落起雪(係唔係六月飛霜?殺錯人....)...而Hopper因為見到視力強而見到雪入面既水結晶...喚起左佢之前對美麗事物既回憶+心中既善良....之後放開左未婚夫, 但都係太遲, 未婚夫返魂乏術....
之後鏡頭轉左去Hopper, 佢望住手中既水結晶...雖然係短短幾秒, 小弟覺得完全表達出心中既迷惘...以及回想緊自己做緊d咩... 最後Hopper記返起所有野, 仲擊退左蜘蛛怪人, 不過... 比女主角醒返見到一個身懷罪惡感既本鄉係佢死左既未婚夫旁...而且仲匆匆忙咁走左... 自此, 女主角一直搵本鄉尋仇 (應該話以媒體報導去攻擊佢)... 而喜歡女主角既本鄉 猛 (此名日本讀者同"果然係白痴"相近...我都覺得岩...)... 一直都叫女主角唔好繼續去登相, 生怕佢出事...
呢個時候蜘蛛怪人彷彿又為修卡賣廣告「知道修卡存在既人都要死!」「修卡唔允許有背叛者!」....又打暈左女主角...之後竟然唔殺目擊者而去殺背叛者先... 結果比Hopper(其實果時已經可以改稱做拉打)用史上最樣衰既拉打kick...踢死左....(我記得個kick係咁...而且又再次請左blade幫手...)
與此同時, 蜘蛛怪人既死...就係呢套電影開始爛既先兆... 女主角因為比呢位無名英雄救左而喜歡左佢(呢d係唔係懸崖效應?!) 而修卡方面...亦都開始行動去了結背叛者
由於怪人因為身體過度強化而有反噬作用, 所以成日要返去換血維持生命, 有幾位高層都有講話等1號反噬, 但其中一名講左句「要打倒Hopper,就要用Hopper既力量」(呢句其實都幾格硬黎...打到Hopper...應該要用殺蟲水既力量...整隻殺蟲水怪人出黎)...就做就左第2主角出場...
一文字隼人...(我比較喜歡佢個日文讀音..."二幫主"....) 一名唔洗做野既花花公子(錢從何來!!!!) 而且因為樣子有d似未婚夫...失去丈夫(未婚丈夫)既女主角可能因為咁都同佢行左幾次街...(謎之聲:而本鄉生怕女生被搶而跟蹤佢地)
無幾耐... "二幫主"同本鄉就 (因為爭老婆) 打起上黎... 而出左一個經典場面...
"二幫主"個拉打kick都唔覺得有問題...反而本鄉以離地且反地心吸力既方法車上去...兩個最後都兩敗俱傷...但如果係根據呢個難度僅次於巴黎鐵塔反轉再反轉既反地心吸力拉打kick黎講....本鄉...你其實係贏...仲贏好多
劇情之後以三角戀形式繼續... "二幫主"都無啦啦喜歡埋女主角... 仲變身保護左佢, 因此1號同2號差唔多樣, 女主角以為佢係救命恩人... 以身相許(其實係拍拖), "二幫主"由於反噬要換血, 迫住返修卡比人照肺... 與此同時講出左1號因為骨格精奇, 打通左任督二脈同以中左第2次六合彩頭獎既機率成為左第一個完美既人造人...同時 "二幫主" 開出條件...話搞掂本鄉...但佢既報酬只係要女主角 (女主角真係吸引?!)
而第2次拉打大戰... 本鄉為左救女主角而打輸...而女主角從本鄉既肌肉質感發現...佢先係救命恩人...而甩左"二幫主"... 正所謂「人衰行路打倒"退"("吞")」...修卡都正式當左二幫主係叛徒...之後本鄉以「敵人既敵人就係我既朋友」呢個道理而同"二幫主"做左夥伴囧(咩道理... 比我一早變身打鬼死佢...之後一副不屑既表情講出一句「哼!同我爭女朋友?」... 之後返去修卡...)
之後愈做愈爛...女主角比修卡捉左... 本鄉同二幫主去左救佢, 最後英雄救美形式結束... 而女主角以"莫須有"咁死左...明明無改造, 只係有個鑽頭係咁轉, 轉極都鑽到佢個頭....我估係心臟痲痺/有心臟病嚇死左自己. 不過唔埋點都好, 1號同2號新造型都唔錯
鳴謝BLADE哥客串... 並感謝各位睇到最尾, 圖影得太傷眼...
 |
發表於 31-8-2010 23:57:34
樓主
