|
|
|
(麻帆良市時報記者 / 桜高軽音部記者平沢 唯報導)
上回記者泉こなた報導過,
因為九巴於 1988 年引進第一架 Leyland Olympian 11m 空調雙層巴士 — DX 2437 (車隊編號 AL1)
作為試驗, 並且取得成功, 所以九巴o係 1990 年開始,
一共引入 149 架空調版 Olympian 11m (編號 AL2-150), o係當時一D巴士路線加入行走,
成為九巴o既車隊空調化先鋒, 呢批巴士初時係使用車頭方燈規格,
後來據講因為照明上o既先天缺點, 加上統一零件o既關係,
佢地後來被換上圓燈同新o既指揮燈組合, 踏入 2007 年, 呢批巴士亦開始踏入退役之年
(唔計 2005 年首先退役並且獲得九巴保留o既 AL1), 雖然有唔少已經到期退役o既巴士,
獲得再續牌而行多一年, 始終已經有十七年車齡,
根據九巴規定, 必須給予淘汰, 所以o係九巴車隊入面 AL o既數目,
已經買少見少, 並且預期會o係今年同明年之內全數退役,
結束佢地o係九巴車隊入面車隊空調化o既歷史使命
今日, 麻帆良市亦隆重歡迎第二架Leyland Olympian 11m 空調雙層巴士o既登陸,
呢部後期圓燈版o既 AL, 市長 Super Bus 話, 雖然佢個人始終都係鍾情方燈版個樣,
貪佢夠型, 而且夠原裝, 但係為實用上需要而作出呢D改動亦都無可厚非,
而且睇多幾眼亦都覺得順眼, 始終都係 Super Bus 鍾意o既車款之一,
同埋今次呢架 AL 行 106, 又係佢o既回憶之一,
原來 Super Bus 以前住紅磡, 假日得閒或者一時興起就會坐車入中巴o既柴灣車廠影巴士,
由黃大仙開出, 途經紅磡行紅隧過海入柴灣o既 106, 自然亦成為佢入柴灣o既必坐路線啦~
隆重歡迎! 九巴 Leyland Olympian 11m 空調巴士 Ver.2, 正式登場!!
証書編號 0600, 全球限量 900 架
正式落地! 同時歡迎新 Vocaloid 女角 -- 雪ミク登場!!
車隊編號 AL57 o既 EY4088, 真車已經o係 2009 年 10 月尾退役
行走黄大仙至柴灣o既 106 號線, 曾經係本人入中巴柴灣車廠影車o既必坐路線,
去北角, 銅鑼灣等地, 106 亦係必坐線之一
AL 50 x 巡音ルカ x AL 57
AL 配用原廠車頭方燈同指揮燈, 比人一種沉實o既感覺, 亦令本人情有獨鍾,
但係後期因為照明上o既先天缺點, 加上統一零件o既關係,
佢地後來被換上圓燈同新o既指揮燈組合, 雖然型式唔同左,
但係圓燈亦顯得佢地活潑, 沉實感即時消失左 (個人感覺)
拍埋一齊, 來個對比
AL1 同 AL44, AL57 合照, 但係此情比景相信o係現實永遠冇可能會發生
輕鬆一番~ 小劇場 -- 特別篇 初音ミク之復仇 XDDD
今日麻帆良市除左o黎左呢架圓燈版 106 號九巴 AL 之外,
亦同時有一位新o既女角登場, 佢就係雪ミク啦,
佢個樣同裝束同初音完全一模一樣, 只係髮色同衫o既顏色唔同,
比人一種雪冰冰o既感覺, 到底佢係咪初音o既影子呢?
雪ミク同九巴 AL 合照完, 即時對呢架巴士評頭品足一番
(雪ミク) 唔唔~~呢款巴士真係好型, 車頭樣子夠 High-tech,
全白色車身比人感覺清涼, 坐上去一定覺得透心涼好舒服
(Super Bus) 雪ミク真係同我o既諗法一樣,
呢款巴士初出道果陣我仲覺得佢地好似旅遊客車添o架 (Super Bus 按: 呢樣係真o既)
正當雪ミク同 Super Bus 言談之間, 初音突然出現
(初音) 喂! 你個白毛女做乜o係度阻頭阻勢呀?!
妳唔知呢度係本大人做野o既地方咩?!!
(雪ミク) 我唔係叫白毛女, 叫我雪ミク, 乜 Super Bus 冇話妳知咩?
(牽住 Super Bus o既手) 由今日開始, 佢唔再要妳啦, 由我雪ミク去替妳位喔~
初音聽完, 即時怒火三丈!!
(初音) 我 $^%&***%E$##TT_)IMJUY&T!!!
你呢個負心o既 Super Bus, 我日日o係度睇住你D車, 幫你D車做 Tune up, 你依家竟然咁對我!? 可怒也!!!!!!
結果......
Super Bus 慘遭初音同佢o既朋友毒手 :time:
http://www.youtube.com/watch?v=ANQ25lifu7U
(短片由 PhantomIchigo 拍攝並上載)
OK, 初音ミク, You win, 我已經被打倒了...... :70:
(相片由 Phantom-Ichigo 於上月 Comic-Con 拍攝, 同時歡迎進入本人 Gallery 參觀~ ^^
p.s. 由於本人亦有 Cosplay, o係會場亦有比其他人影相 )
統粹娛樂同分享, 不喜勿插~
後話--依家見香港巴模市場已經變哂質, 由以前可以輕輕鬆鬆咁去買,
到今日竟然要攪到舖頭未開門就要一早去捕實,
怕執輸行頭慘過敗家, 仲慘過輪米擠提, 你話去動漫節 Comic-Con,
因為怕遲D到要排長龍成幾粒鐘至入到場我就冇野講啦,
(呢幾年 Comic-Con 真係越o黎越多人去, 吸收左過去幾年排成兩粒鐘o既教訓,
今年我亦早D到場, 8 點幾已經到會場拎入場証, 雖然都係要排隊, 起碼唔洗排咁耐)
依家買一架巴模都要攪到咁樣爭崩頭,
而且又唔知佢地有D知唔知入o黎有乜目的,
最弊呢頭入完果頭就即刻擺上也烏以 "高價" 一必即決, 變相拎o黎炒兼助長炒風,
對其他一D真心鍾意果款車, 真心玩巴模而又想去入o既人實在唔公平...
廢嗡完了
Thanks for reading~ |
|
發表於 19-8-2010 15:05:01
發表於 19-8-2010 18:19:30
