唔係七國咁亂，係天下大亂

七國咁亂

古代衙門，因為利害關係，往往涉及親戚或富家子弟嘅案件，都會輕判或獲判無罪。時至今日，現任終審法院首席法官李國能曾聲稱不畏強權捍衛司法制度，但一個包致金、一個唐家榮，即顯露今時今日所謂公平、公正、公開、人人平等嘅法院，同舊時嘅衙門一樣：醜陋、腐敗、貪污、無能、官官相護、有錢人嘅遊戲=貧窮人嘅罪行。

呢兩宗案件最可笑同可恥嘅地方係：
包致金姪女案 ：
1) 廢柴裁判官阮偉明話被告擁有良好背景，有美滿家庭及教育，大學修讀商業管理以一級榮譽畢業，原來有錢、有面、有學歷就可以為所欲為，俾錢了事。咦？咁「有波、有分析、有天氣」嘅黃婉曼都可以亂咁嚟喎…:he:
2) 犯罪嘅人有病，原來喺法院嘅定義係病人，唔係犯人。小弟覺得，包致金姪女係有病，但阮偉明嘅病仲嚴重！
3) 跟據案例，被告有精神病，係應該判入精神病院接受禁閉式治療，同坐監一樣，但阮偉明無咁做，唔知係咪同病相憐！李首席法官應嗱嗱聲開庭判呢一男一女入精神病院啦，清理門戶要快架。
4) 無能阮話被告本性無暴力傾向，並非壞人。但小弟從報章得知此女早前第三度被裁定襲警罪成，咁都叫無暴力傾向，小弟聽日都噤幾千蚊出嚟搵個阿sir「墳」幾嘢先。

唐家榮仔仔案 ：
1) 可恥署任主任裁判官錢禮嘅判詞可謂同上面嗰位如出一轍：被告有優良的學業成績和品行，閒時又會做義工，小弟都有好的學業成績和品行，都有做義工，原來我都可以擅取車輛、無牌駕駛、醉駕，等小弟聽日買打啤酒去攞架巴士一路嘆凍啤一路揸巴士，正呀！:shiny:
2) 呢位唐弟弟原來都係院友！被告幼時被診斷患上過度活躍症，須服藥七年治療，咁都係解釋理由，又係可以唔駛入去醫，唔怪得咁多傻人喺街行嚟行去撩事鬥非啦…
3) 呢位錢判官仲傻，個犯都無牌嘅，竟然判佢三個月內去自費參加駕駛改進課程，但又判佢未來一年不能申領駕駛執照。傻官叫傻仔去無牌學車，各位司機大佬睇車啦，撞瓜你無命賠架，係法庭命令我揸架。
4) 賠償二十萬元予傷者作醫藥費及修理的士費，小弟係個司機都唔再追究啦，分分鐘未必係呢個數目添。

所以話：香港而家係 - 有錢大晒，大聲惡晒，高官玩晒，學歷贏晒，司法散晒，執法廢晒，法律無晒，天下亂晒！

hk小文

高深教育與良好家庭最小字型適中字型較大字型最大字型2010年08月05日
有一個良好的家庭背景，又受過高深教育，兼備憂鬱症前科，原來就等於身穿金鐘罩，足以在文明現世橫行無忌。只要沒有殺人放火，犯了法，也是病人，不是壞人。
法官對醉駕兼襲警的惡女輕判，判詞可謂發人深省。
家庭要有甚麼背景方稱良好？法官沒說明良好家庭背景等於有錢有地位的家庭，以常理論，一個赤貧之家，數口子都領着 20元時薪過活，但父慈子孝，夫妻和睦又教子女有方，雖窮而樂，似這般的家庭背景，豈止良好，簡直是好家庭的典範。假如「良好」二字從此有特殊意義，僅指多金又有勢，那惡女事件不僅反映司法有問題，由法庭宣揚的價值觀更讓人失望。有藍血背景的家庭，向來不保證就是幸福和睦之家，這個，毋須多說，大宅門與尋常百姓家，都可以是問題家庭。
受過高深教育，也可以是量刑的考量點，那麼，教育豈止越來越像職前先修，那張畢業證書，更是犯事的護身符。高深教育，要高到學士還是碩士以上？港產高等學府畢業生又是否沒負笈外國名校的海歸派那麼高深。高深教育教的都是甚麼？會寫高深的論文，就代表不會犯法，即使犯法，所受教育就一定能讓她比目不識丁者更有「自」癒的能力？
三度襲警的惡女正好證明高學歷的德育與上等人的家教，不但不應成為免死金牌，法官更應以其「良好」背景依然劣行斑斑，教育我們別以為上等人就有上等品。在末代會考放榜日，教會學子知道，多少成為全民圍觀的鬧劇，都來自豪門，多少影響草民生活的大龍鳳，發源人莫不是飽學之士。

林夕

fourson

而家用返同一個法官再審:55:

K動戰士渣古

樓主打錯字喇,香港係"私"法獨立呀~

手榴蛋包飯

回復 1# 七國咁亂

不能認同更多!:53:

七國咁亂

回復 4# fourson
真係嘥氣:42:

七國咁亂

回復 4# fourson
真係嘥氣:42:

七國咁亂

結果如大眾所料，鬧劇一場，邊會有人認自己錯架，老笠斷正都會話差人老屈啦，何況自己審自己。香港屎法蕩然，假髮道德淪亡:blame:

hk小文

無嘢格，如果上訴完都過到骨，最後 D 差俠佬一定唔會有好下場，實俾 D 古惑仔玩 L 死！

yugi

:*
包 致 金 姪 女 冀 各 界 尊 重 法 庭 裁 決         
2010-08-06 HKT 17:51
包 致 金 姪 女 襲 警 案 ， 辯 方 律 師 在 聽 取 裁 決 後 ， 於 庭 外 代 被 告 發 表 聲 明 ， 表 示 會 尊 重 法 庭 的 裁 決 ， 亦 希 望 各 界 會 尊 重 ， 而 她 會 履 行 感 化 令 ， 並 繼 續 她 的 生 活 。

被 追 問 到 被 告 會 否 向 當 日 被 掌 摑 的 警 員 道 歉 ， 辯 方 律 師 回 應 說 ， 在 審 訊 過 程 中 ， 被 告 經 已 道 歉 。

至 於 控 方 律 師 表 示 ， 會 研 究 是 否 就 案 件 提 出 上 訴 。

Macross長谷有洋

:72: 官字兩把口...阮偉明：「正常嘅都唔會喺咁多差人面前打差人」。



:53: ：「正常嘅裁判官都唔會喺咁判」。

brian

亂兄, 襲警就8000, 咁襲擊果位阮生呢?? 佢放左工同普通市民一樣, 可能會平d~

七國咁亂

回復 13# brian
brian 兄，你係咪官先？又或者你老豆係咪官先？又或者你親戚係咪官先？三樣都唔係嘅話就唔好亂咁講打邊個，會比差人拉呀！:Q
雖然小弟都想……

七國咁亂

回復 13# brian
brian 兄，你係咪官先？又或者你老豆係咪官先？又或者你親戚係咪官先？三樣都唔係嘅話就唔好亂咁講打邊個，會比差人拉呀！:50:雖然小弟都想……

七國咁亂

回復 13# brian
brian 兄，你係咪官先？又或者你老豆係咪官先？又或者你親戚係咪官先？三樣都唔係嘅話就唔好亂咁講打邊個，會比差人拉呀！:50:雖然小弟都想……