Chrissie 橫 行 動 漫 節 勝 利 出 巡

Gretzky99

無視動漫節「禁足令」的周秀娜（Chrissie），昨日以性感女媧造型終極踩場！在十多名保安及工作人員護駕下進場的她，十足女王出巡，盡顯「動漫女神」地位！

事先張揚會硬闖動漫節的Chrissie，昨午1時許先到Salon整頭，再換上「女媧」Cosplay造型到會展，獲十多名保安及工作人員築成人鏈保護，相當架勢！身為「龍Online」代言人的她，識做地自掏腰包買代言遊戲光碟，並在布景板寫上打氣字句，怎料將「Server」錯寫成「Sever」！




Chrissie在布景板寫上打氣字句，但將「Server」寫錯成「Sever」，經旁人提點才更正。
其後，她移師攤位舞台與Fans玩遊戲，吸引逾300名宅男及市民逼爆喪影，大會本安排現場拍賣她身上的女媧服，但為免引起混亂而臨時取消，改為網上拍賣，善款將撥捐兒童危重病基金。



Chrissie「破禁」以女媧造型殺入動漫節，一臉風騷！

Chrissie入場前Set頭、裝身，狀態超Fit！

離開時，Chrissie披上黑布遮「鋒」頭。
無懼列黑名單
逗留約半小時的Chrissie，事後被問及入場時有否遇阻撓，她風騷地說：「冇人阻，好順利，只係件衫啲花太誇張，開門時開得一邊，搞到我打橫入嚟！」問到是否「犯規」犯得很開心，她說：「冇話犯唔犯規，我係做番代言人要做嘅嘢，之前都知有呢個活動。（以咩身份入場？）我有買嘢，係以顧客同代言人兩個身份。（唔怕大會告你？）深信唔會，我係應參展商安排。」至於會否擔心被列入黑名單，她定過抬油說：「冇諗過，唔驚，根本冇話唔畀邊個入，只係大會驚人多混亂，相信參展商有通知大會。（罰款？）唔緊要，我樂意畀，希望啲錢可以做番今日嘅善事。」

暗寸DaDa抽水
另外，對於「浸大E神」楊梓瑤（Carol）只能以顧客身份入場，問到是否覺得自己較幸運，Chrissie說：「我冇諗其他人，亦唔怕被批評。（擔心被Carol同陳靜抽水？）大家都係以和為貴，我不嬲唔鍾意去抽人啲咩，抽我脂都唔好！（被抽水仲幸運？）冇諗過，總之各有各好！（以和為貴係指Carol同陳靜？）冇諗，我只係話成件事。」活動結束後，她由職員通道離開，大批宅男緊隨其後，追着她喪影，場面一度混亂，刻意披上黑巾遮胸的她險些仆倒，最終擾攘幾分鐘才甩身！

至於經理人Roy被問到Chrissie有否違規，他說：「又唔係第一日做動漫節，如果唔想畀人入，不如Cut晒啲嘢！」他表示主辦單位事前曾與警方聯絡，警方根本沒有任何名單，大會亦沒有作出硬性規定。

Garycharm

先唔講我鍾唔鍾意佢，
都得承認，呢位小姐（或她背後軍師），真係幾有腦，幾識玩。